San Juan 12:49 - Páez

⁴⁹ Txãa pa'gatey adxçxáa we'wena pta'sxiçmeeth. Adxna kaahsa Tataíik txã'wẽ pta'sxkaja',

San Juan 12:49 Referans Kwoze

San Juan 14:10

Jiyu'çmée wá'ga, adxa' Tata yakh bagaçxtewa nesthu yu', aça' txã'wẽy Tatawa adx yakh nesa'. Na'wẽ we'we'th na' peekx ũusuh yajkxçxa txã'wẽ we'we'çmeeth. Tata adx yakh ũssa txãa we'wekaatheçxáath we'we'.

San Juan 8:26

Txãasa wala pta'sxwa'j ji'pthu i'kwe'sx ma'wẽsatewa ãate pta'sxna, txãa pa'gatey adxna kaahsa' ĩsxiisame', aça' adxa' txajx we'weni's wẽse'jçxa txã'wẽ íiçxáath pta'sxi' maawa jiyukahn jĩnak we'we.

San Juan 5:30

Adxçxáa yu' kĩjxa'wa ãjame'nja. Adx Tata jxkaatheçxáath yuuwesatx kastigaĩ'. Adx ũuste peekxçxáa yajkxçxa txã'wẽ yu'çmeeth, txãasa adx kastigãyni' isasata'. Adxna kaahsa ma'wẽ jxthãaste' txãaçxá'sthu kxtey yu'.

San Juan 17:8

Idx yuwe pta'sxkaahg txã'sa' pta'sxthu, aça' txãawe'sxa' jxpa'gaçxa ũuste yu'akhtxi. Sa' adxa' Dxus kaahnisa iidx tasxuh yuusatewa jiita'.

San Juan 14:31

Makwe ãjane'jmeeçxawa kxtey yuuna, kxah naa kiwete nasa jxukaysa jiyutxna, adx Tata's nwẽese'jçxa txajx jxkaahni's kxtey yuusatewa. Txã'jĩna jxã'jçxa', kiiteçxa ayjxu u'jwega jĩk.

San Juan 15:15

Aça' txã'wẽ yũusatxi' peena yu' selpisáa jĩna kxsusme'nja. Selpisá' txajx patron kĩh yuuya'watewa jiiméek fxi'ze'. Nawa i'kwe'sxa' adx Tata we'wenitxi' jxuka jii i'kwe, txãa pa'ga adxna selpisáa i'kwe jĩna kxsusmée, adx namiku i'kwe jĩnaçxáa kxsuusu'nja.

San Juan 8:42

Jesusa' na'jĩnak we'we: —Isa Dxusa' i'kwe'sx tatawaça', adxa's ahçemeene'kwe, adxa' Dxus tasxu kaahnith yuwé' txãasa ayte ũsthu. Adxa' peekxçxáa yu' yuwe'çmeeth, adxa'sa' Dxusku kaah.

San Juan 3:32

Txã'wẽçxaíik txajx wẽse'jçxa uyni's pta'sxi', nawa kim yuhwa nwẽese'je'çmeeta' txajx we'weni's.

San Juan 3:11

Isath we'we': Dxus Espiritute upxnisa' wejxa na'wẽsaçxá' txã' ma'wẽsatewa iiuythu sa' jiiçxath txã'jĩ'. Nawa i'kwe'sxa' jiyu'çmeei'kwe.

Apocalipsis 1:1

Naa txã'wẽ Dxus kaajiyu'jnisa' Jesukristo's, aça' Jesukristo' txã'sna selpisaatxku kaajiyu'jwa'jsa yu' naa ensu seena' yũuwa'ja's, kxajk Jesukristo' txã'sna selpisáa Juana's kaajiyu'j teeçx angela's kwe'we'jçxa.

San Juan 5:19

Txajũ' Jesusa' na'wẽk pta'sx: —Isath we'we', adxa' Dxus Nçxi'kthu, nawa adxçxáa yu' mjĩiya' ãjame'nja. Adx Tata ma'wẽ mjĩite', txajx mjĩini's thegçxa yuuçxáath txã'wẽy mjĩiya' ãja'.

San Juan 6:68

Simon Pedro' na'wẽk pas: —Kwe'sxa' ¿kim yakh u'jwekxtha'w? Idx yuuçxáa pçumée ĩtxĩ fxi'zewa'ja's pta'sxna ũsgu aça'.

San Juan 7:16

Aça' txã' we'weni's jiyuçxa', Jesusa' na'jĩnak pta'sx: —Na'wẽth kaapiya'ja' txã' adx peekx yajkxçxa kaapiya'jnisame'. Adxna jxkaakh txajx we'weni'sthu kaapiya'ja'.

San Juan 8:28

Txãa pa'gak Jesusa' na'jĩna we'we: —I'kwe'sxa' Dxus Nçxi'k Nasa Yuusa's ẽete txahçxa yuuçxáa jiyune'kwe kimtewa, sa' peekxçxáa yu' we'wemée, wejxwa Tata kwe'we'jniçxá'sne' kaapiya'j sũjune'kwe.

San Juan 14:24

Nawa adx jxkaahnitx nwẽese'jsame', adxa's yaakxsameeçxa txã'wẽ yuuna. Na'wẽ adx kaapiya'jnitx wẽse'ji'kwe txã' adxçxáa kaapiya'jnimeeta'. Adx Tata kaapiya'jnita'.