San Juan 12:48 - Páez

⁴⁸ Adxa's wa'lçxa adx pta'sxnitxi' kxtey yuumeete', txã'wẽ yũusatx ewmeete nvxiitwa'jsa ũsa': ãçxh na'wẽ adx pta'sxna we'we'th txãa pta'sxnisa íiçxáa ewmeete nvxiitwa'jsata' nmeh ente'.

San Juan 12:48 Referans Kwoze

San Lucas 10:16

Txãa çxhabtxi' txã'wẽ we'weçxa', setentasawe'sxtxi' na'jĩk: —Maa nasawa i'kwe'sx pta'sxni's wẽsẽ'jçxa', adxa'swa nwẽesẽ'jsa yuutxna. Sa' maawa i'kwe'sxtxi açesa', adxa'swa açesa yuutxna. Sa' adxa's açesa' adxçxáana ahçemée adxa's kaahsanawa açesa yuutxna jĩnak jxkaah.

Romanos 2:16

Aça' Dxus kaahni Jesukristo kĩhçxa', nasaa ũusteçxáa yaakxni's jxuka ãate kaajiyu'juna txã'wẽ yũuwa'ja'sthu adxa' pta'sxi'.

2 Tesalonicenses 1:8

Dxusna nwẽese'jmeeçxa kwe'sxtxi jxpe'jsa Jesukristo's pta'sxni'swa nwẽese'jsameetx kastigãyya' seena' ipx wala yakh kĩhçxa txã'wẽ kwe'sxtxi jxkaasewa'ja's ũsuna.

San Juan 11:24

Marta' na'wẽk pas: —Ũ'kwe' jiith, uusaawe'sx ĩtxi yuu ente' ĩtxi yuuyujuna.

Hebreos 12:25

Txãa pa'ga wala mpa'yajkxwe, kwe'sxtxi we'wesa cielujuwe'sxa's weeçxya'mée. Miiyajkxwe, Dxus jxkaahna we'weni Sinaíjũwe'sxçxá's weeçxçxawa iyumeeta', aça' kwe'sxa' wejx iyuya' ãjame'nja'w, cielujũ yuu we'weni's nwẽese'jya' wa'lçxa'.

Hebreos 2:3

Txãaçxáa yuhwa kxteyku yuu, aça' kwe'sx ewte neeyũuwa'j txakwe walasa's Dxus Nçxi'k Kristo txajx yuweju yuuk pta'sx txã'sa' jxpa'yakxmeeçxa', ¿ma'wẽ Dxus kastigo seena'sajũ iyukxtha'w? Aça' Kristo pta'sxni's nyafxte wẽse'jsawe'sxa' kwe'sxtxitx pta'sx, isasa yuja' jĩna.

San Juan 5:45

Adx Tata tasxte i'kwe'sxtxi ewmée yuwe ũswa'jsana sũjuwá'kwe adxa' txã'wẽmeeth. Txã'wẽ i'kwe'sx ma'wẽsatewa adx Tata tasxte pta'sxsa' Moisesíiçxá', i'kwe'sx nakwe wala ewçxáa we'we'i'kwe txãa.

San Mateo 21:42

Aça' Jesusa' na'wẽk we'we: —I'kwe'sxa' ¿bagaçxte yuhwa iilẽeymeewá'kwe Dxus librute na'jĩna fxi'jni's? Yat txaahsawe'sxa': Naa kweta's selpime' jĩçxa wãatahtx. Nawa txãa íik yat makwesanawa çxhãçxha neewewa'jsa yuuna pa'j. Txã'wẽ neewewa'jsa yuuna pa'jwa'ja's Dxusku vxitçxa nvxiht. Txãa pa'ga kwe'sx yakha' wala weçxa yuja' ¿jĩ'çmeena'?

2 Corintios 4:3

Nawa ewte nvxiitwa'jsa Dxus yuwe's pta'sxi'tha'w txã'sa' maaíi yu' açxamée wáa ew jiyutxna, nawa txãa yu' vxituwa'jsa yakhçxáa txã'wẽ yũuna.

San Lucas 20:17

Txã'wẽ paste', Jesusa' txãawe'sx dxi'psu thegçxa na'wẽk pta'sx: —Txã'wẽ yuune'jmeete', ¿kĩjxa'çxáaki'k Dxus librute na'wẽ we'we'?: Yat txaahsawe'sxa': Naa kweta' selpime' jĩçxa wãatãhtx, Nawa txãa íik yat makwesanawa çxhãçxha neewewa'jsa yuuna pa'j.

San Lucas 17:25

Nawa txãa en ãhmeyna, Dxus Nçxi'k Nasa Yuusa' wala pa'ga yuuna naa ensu nasa yaaçeni.

San Lucas 9:26

Maa nasawa adxa's jxpa'gaya' wa'lna adx pta'sxnitxwa wa'lutxna aça' Dxus Nçxi'k Nasa Yuusaawa adx Tata eena' kweethniite Dxus angeleswe'sx yakh jxkaajxa' kĩhçxa', txã'wẽ yũusatxi' jxpa'gaya' wa'luna.

San Lucas 9:22

Txajũ' na'wẽk pta'sx: —Dxus Nçxi'k Nasa Yuusá' wala pkxuuni yuuwa'ja's jxpa'gawa'j pejka peejxyuja', txãa pa'ga judiu nthẽ'jsawe'sx vxite' sacerdote npiiçthẽ'jwe'sx vxite' Dxus leya's kaapiya'jsawe'sx ahçeçxa ikhetxna. Nawa uuçxawa tekh ente' ki' ĩtxĩ yuuna jĩnak pta'sx.

San Lucas 7:30

Nawa fxariseowe'sx vxite' ley kaapiya'jsawe'sx Juan bautisãynimeesa yu', txãawe'sxtxi Dxus ew yũu wẽeni yu'sa' jxpa'gamée ahçetx.

San Marcos 16:16

Aça' maawa adxa's ũusuh jxuka yajkxna jxpa'gaçxa yu'te ya'bautisaĩna txã' nwe'weni yuuna. Nawa adxa's ũusuh jxuka yajkxna jxpa'gasame' Dxus kastigo's knayuuna.

San Marcos 12:10

Dxus librute na'wẽ fxi'jni ũsa' txã'sa' iilẽeymeewá'kwe i'kwe'sxa': Yat txaahsawe'sxa': Naa kweta' seelpime' jĩçxa wãatãhtx. Nawa txãaíik yat makwesanawa çxhãçxha neewewa'jsa yuuna pa'j.

San Mateo 25:31

Dxus Nçxi'k Nasa Yuusa' jxkaahsa yuuçxa angeleswe'sx ksxavxyte kĩhçxa txajx jxkaahwa'the kaçxhiina.

Hechos 3:23

Txã'wẽme', maawa Dxus yuwe pta'sxsa's nwẽese'jsame', Israelwe'sx tasxuh txudeni neeyũuçxa jxukaysa vxituwa'tha' jĩk.

San Marcos 8:31

Txajũ' Jesusa' pta'sxku: —Dxus Nçxi'k Nasa Yuusa' wala pkxuuni pa'ga yuuna, sa' judiu nthẽ'jsawe'sx vxite' sacerdote npiiçthẽ'jwe'sx vxite' Dxus leya's kaapiya'jsawe'sx ahçeçxa kiikhe'jetxna. Aça' uuçxawa tekh ente' ki' ĩtxĩ yuuna jĩk.

San Mateo 10:15

Isath we'we', Dxus kastigãywa'j en ãhte', txã'wẽ yũusa nasa' seena' yuh ya'kastigaĩtxna, Sodoma Gomoçxa çxhabsu nasate jxthaakwe.

San Juan 6:39

Adx Tata' adx jxpe'khan dukhnisatxi' teeçxçxáa yuhwa ivxiitu jxthãasu'çme', kxajíi adxa' nmeh ente' ki' ĩtxi vxitu'nja.

San Juan 8:47

Dxus luuçxa' Dxus we'weni's nwẽese'je'tx. Nawa i'kwe'sxa' nwẽese'je'çmeei'kwe na' Dxus luuçx meei'kwe jĩk.

Hechos 17:31

Txã'wẽme', Dxusa' teeçx ente naa kiwete yuuwesatx kastigãywa'jsa txhitxhku. Aça' txãa txhitxhnisa' kxtey yuuyujuna. Txã'wẽ yuuya' íiçxáak uuçxawa ki' ĩtxi yuu.

Hebreos 4:12

Txã'wẽme', Dxus we'weni' ĩtxisa', kĩhtewa jxuka seelpisa. Dxus we'weni' kçxilx pdxi'p seena' zeksate jxthaakwe zeksa', txãasak ũus dxiite kĩh pkal ji'phtewa jxuka ãate kpajkxwe'we'. Sa' ũusteçxáa yaakxni kĩh yuhnawa paaçte nvxiitu'çme'.

Hebreos 10:25

Vxite na'wẽtx kwe'sx pkhaakheçte pa'ja'çmée txã'wẽ yũumée, wejxwa teeçxsa na'wẽçxah kxteeçxah puutx kçxhãaçxha'jna fxi'zega, na'wẽ Kristo kĩiwa'j enwa utxaaçyã'ja' naa pa'ga.

1 Pedro 1:5

I'kwe'sxa' Dxusa's ũuste jxpubamée yaakxwa'ja's ji'phi'kwe, naa pa'ga txã' i'kwe'sxtxi jxaawuuna nmeh en ãhte i'kwe'sx cielute pa'jwa'ja's pheu'jçxa ji'pha' txã'sa' jxpa'gakahn.

2 Pedro 3:3

Na'wẽ yũuwa'ja's khuẽ'y mpa'yajkxwe. Nmeh en yuuçte', nasa kasejetxna txãawe'sx kakwe pkal yũu wẽeniçxá's nwẽese'jçxa Dxus jĩi yu'sa' açesa.

2 Pedro 3:7

Sa' ãçxh neeyũusáa ũsta' cielu vxite' kiwe txãatxi' Dxusíik we'weçxa nvxiht nasa ewmeesatx jxuka naa kiwete ivxiituwa'j ente ipx naa kiwe's jxuka kabuna jĩna.