San Juan 11:25 - Páez

²⁵ Nawa Jesusa' na'jĩk: —Adxíi uuniitewa ĩtxi vxit-sath, sa' pçumée ĩtxi fxi'zewa'ja'swa adxíi peessath. Maawa adxa's ũuste jxpa'gasa' makwe uuçxawa ki' ĩtxi yuutxna.

San Juan 11:25 Referans Kwoze

1 Tesalonicenses 4:14

Jesusa' uuçxawa ki' ĩtxi yuuni's jiitha'w, txã'wẽyçxáa Jesusna jxpa'gaçxa uusaatxi' Dxusa' ki' ĩtxi vxitçxa Jesus yakh nuykĩjana sũju'tha'w.

San Juan 3:36

Aça' maawa Dxus Nçxi'ka's ũuste jxpa'gasa' pçumée ĩtxi fxi'zewa'ja's ji'phutxna. Nawa Dxus Nçxi'ka's nwẽese'jsame' pçumée ĩtxi fxi'zewa'ja's ji'phumeetxna, naasáa Dxus kastigo seena'saçxá's jxpa'gawa'jsata'.

San Juan 1:4

Uuçxa ki' ĩtxi yuuwa'ja's txãak ji'phu', sa' txãa íiçxáak nasatx eena'te kaafxi'ze'jwa'jsa yu'.

San Juan 5:21

Tata' ma'wẽga uusaatx ĩtxi vxitu', txã'wẽy adxwa ĩtxi vxitu'nja maatxwa.

San Juan 6:44

Adxa' Tata jxkaahnisath aça' txãaíi adx tasxte kuutxa'the yuuçxáa txãatxi' jxukaysatx nmeh ente' ĩtxi vxitu'nja.

Romanos 8:2

Txãa pa'gatey Dxus Espiritu ĩtxi kaafxi'ze'jwa'jsa' nwe'wek txã'wẽ pkalteçxáa fxi'zenijũ, sa' uuwa'theçxáa yã'j ũstewa txãajũwa nwe'wek, Kristo Jesus yakh fxi'zepa'ga.

San Juan 6:35

Jesusa' pta'sxku: —Ũ' ĩtxi kaafxi'ze'jwa'jsa' adxthu. Aça' maazkuẽesawa adx tasxte pa'jsa' bagaçxte yuhwa wẽemeetxna. Sa' txã'wẽy adxna ũuste jxpa'gasa' peena yu' yũ'wẽemeetxna.

Apocalipsis 21:4

Txãasa Dxusa' kĩh nxusniijũwa jxuka nwe'wena, aça' peena yu' uuwa'jmée yuuna. Ũ'newa'j enwa pa'jmeena, nxus we'wewa'jwa pa'jmeena, akasawa pa'jmeena, txãa pa'gatey nyafxíi fxi'zeni ena' skhẽwku jĩ'k.

Filipenses 3:10

Txãasa Kristo yuuçxá's ew jiyuçxa txãa ma'wẽne' uuçxa ki' ĩtxĩ yuu txã'wẽy yuu wẽeth. Sa' txãa na'wẽy pxthaa yuuçxa uuwa'jnawa ji'phuçxa,

Apocalipsis 20:5

Txãawe'sxa' uuçxawa ki' ĩtxĩ yuusaata' nyafxte, nawa vxite uusaawe'sx yu' ĩtxĩ yuumeeta' txãa mil anxu skhẽwpkaçx.

Hechos 3:15

Txã'wẽ yũuçxa i'kwe'sxa' Jesus ĩtxi kaafxi'ze'jwa'jsa yu'sa' kiikhe'ji'kwe. Nawa Dxusa' txã'sa' ki' ĩtxi vxitni's kwe'sxa' uysaatha'w, txãasa jiitha'w.

San Juan 14:6

Jesusa' pta'sxku dxi'ja's: —Adx yuuçxáa Dxus tasxte kaapa'ja'jwa'jsath, sa' adx yuuçxáa kaypuba'jwa'jsameeth, sa' adx yuuçxáa ĩtxi kaafxi'ze'jwa'jsath. Aça' adxpa'ga yuuçxáa maawa adx Tata tasxte pa'jya' ãjatxna.

San Juan 5:26

Txãa pa'gatey adx Tata' ĩtxĩ vxit-ya' ãjãwa'ja's ji'pha', sa' adxnawa ũsku txã'wẽ ĩtxi vxit-ya' ãjãwa'ja's.

Apocalipsis 22:17

Aça' Dxus Espiritu vxite' Piisxakuẽ jĩnisa nyuu txãawe'sxa' pi'ki'tx: —Myuh jĩna. Aça' txã'wẽ pi'kxni's wẽse'jsa' jweeju mpa'yawe. Aça' yũ'wẽesa' utxaaçxa mpa'gawe yu' bagaçxteçxáa yuhwa uuwa'jmeete kaafxi'ze'jsa's, kĩh yuhwa vxyuu pa'gamée.

San Juan 14:19

Naajũ' txaçxmeynaçxáa nasa' adxa's peena yu' uymeetxna. Nawa adxa' uuwa'jsameeth, txãa pa'ga i'kwe'sxwa uuwa'jsameei'kwe, txãasa i'kwe'sx yu' adxa's uyuune'kwe.

Filipenses 1:23

Aça' txãa e'zsatx txhitxhwa'ja' adx yakha' thẽya'. Ki'kinte' uuni wejx ewna Kristo yakh ũsya' u'jni sũhnath yaaki'.

Apocalipsis 22:1

Txajũ' Dxus angela' teeçx yu'wala seena' zhiçxkwe çxihme atesa's pta'sxku, bagaçxte yuhwa uumée kaafxi'ze'jwa'jsa's. Sa' txãa yu'a' Dxus jxkaahna ũsni vxite' Piisxakuẽ jĩnisa txãawe'sx jxkaahna ũsnijũk kasehna ũsu'.

2 Corintios 4:14

Sa' Dxusa' kwe'sxtxi na'wẽ yũuwa'ja'swa jiitha'w: Jesus uutewa ki' ĩtxĩ vxitku, sa' kwe'sxtxiwa txã'wẽy ki' ĩtxĩ vxituna. Txã'wẽ yũuçxa txajx ũsnite pe'jna u'jwena petx i'kwe'sx yã'jçxa Jesus yakh fxi'zepa'ga.

Romanos 4:17

Txajíik Dxus librutewa na'jĩ': Nasa maazkuẽesatewa jxukaysate tata yuuwa'jsa idxa's nvxiituçthu jĩk Dxusa'. Dxus yakha' kĩh yuhwa thẽyme'. Txã' uusaatxwa ki' ĩtxi vxitu'k, sa' kĩh yuhwa vxyaawa'jmeetewa, kaavxya'ja'ja'k.

San Lucas 23:43

Jesus pasçxa': —Isath we'we', Dxus ũsnite ãçxhíi adx yakh ũsune'ga jĩk.

1 Corintios 15:29

Txã'wẽ uusaawe'sx ĩtxi yuuwa'jsameete', ¿kĩjxa'çxáata txã'wẽ ya'bautisaĩ' ĩtxi yuuwa'ja's yajkxçxa?

1 Corintios 15:18

Txã'wẽ ĩtxi yuumée wá' aça' Kristo's ũuste jxpa'gaçxa uusaawe'sxa' vxitune'ta.

San Juan 3:16

Dxusa' naa kiwete nasatx iiméh wala peeygãhçxa yuuçxáak txajx Nçxi'k teeçxçxáasanawa naa kiwete kaah, kxah maawa txã'sna ũuste jxpa'gaçxa' bagaçxte yuhwa pçumée ĩtxi fxi'zewa'ja's ji'phukahn vxitumée.

Apocalipsis 1:18

Uuçxawa ki' ĩtxĩ yuusath. Uuwa'ja's peena yu' ji'phuya'mée adxthu knay, sa' uu kiwetewa kaafxi'ze'jme'nja, txãasa ãçxha' bagaçxtewa ĩtxĩçxáa nes yuuwa'jsath.