San Juan 11:15 - Páez

¹⁵ I'kwe'sxa' adx ãjani's uyçxa' adx kimtewa jiyukahn, ewçxá'ntka kxtee ũsu'çmée. Txã'wẽ uuniyã'j ũstewa, thegya' u'jwega jĩte',

San Juan 11:15 Referans Kwoze

2 Timoteo 2:10

Txã'wẽ Dxus yuwe's yup-ya' ãjawa'jme' açíiçxáath adx nxuswa'ja's ũukhmée Dxus yuwe's pta'sxi' Dxus txhitxnisa nwe'wewa'j ũstxna txãawe'sxtxi peeygãhçxa, kxah Kristo Jesus yakh utxaapa'ga txãawe'sxwa ji'phutxna pçuwa'jmée weçxana ewte ũswa'ja's.

San Juan 17:19

Sa' txãawe'sx pa'gate adxwa iidx kusete neeyũuçthu, kxah txãawe'sxwa iidx jxpe'jwa'jyã'j neeyũutxna.

San Juan 12:30

Txajũ' Jesusa' na'jĩk: —Txã'wẽ we'weni' adxna pta'sxna we'weme', i'kwe'sxtxi pta'sxnak txã'wẽ we'we jiyukahn.

San Juan 11:4

Txajũ' Jesusa' naa pta'sxni's wẽse'jçxa' na'jĩk: —Na'wẽ ãçã'na ũsçxawa, uuwa'jsa meea'. Naasáa Dxus ãjãni's ãate kaavxya'ja'jna, txã'wẽy Dxus Nçxi'k ãjani'swa kaavxya'ja'khançxáa txã'wẽ ãçã'na ũsa'.

San Juan 2:11

Jesusa' Galilea kiwesu Kaná çxhabtek txã'wẽ kim yuhwa ãjãnimeesa's kaavxya'j. Txã'wẽ yũuçxak txajx ewuni's khiyu'j, aça' txãa yakh u'jusawe'sxa' jiyutx Jesus kimtewa.

1 Juan 5:13

Dxus Nçxi'ka's ũuste jxpa'gasa', pçumée ĩtxi fxi'zewa'ja's ji'phne'tka'w sũhna jiyukahnthu i'kwe'sxtxi pta'sxna fxi'ja'.

2 Corintios 4:15

Kwe'sxa' pkxuuni nxustetha'w fxi'ze', nawa i'kwe'sx ewte fxi'zewa'ja's uykahntha'w txã'wẽ yu', kxah maazkuẽesawa Dxus peeygãani's jxpa'gaçxa', kxaazkuẽesay Dxusa's weçxana tuuthe'jetxna.

San Juan 11:14

Txajũ' Jesusa' teehwedku ãate pta'sx: —Lasaro' uuni' jĩna.

San Juan 11:16

Tomas melxisu jĩ'tx txã' na'wẽk we'we vxite pi'kxna u'jusawe'sxtxi: —Kwe'sxwa u'jwega Jesus yakh ja'da uuya' jĩk.