San Juan 10:27 - Páez

²⁷ Adx piisxaatx jiith, aça' txãawe'sxa' adx pa'yani'swa wa'lmée nwẽese'je'tx, sa' adx yakh u'jwe'tx.

San Juan 10:27 Referans Kwoze

San Juan 10:16

Txã'wẽy piisxáa vxite ji'pthu ayte kxuuphnimeesa txãatxwa nuypa'ja'nja. Aça' txãawe'sxwa adx pa'yani's nwẽese'jetxna. Txã'wẽ yũute', teeçx ahteçxaçxáa jxuka pkhakhni neeyũutxna teeçx jxpe'jsa yakhçxáa.

San Juan 10:14

Adxa' piisxaatx ew jxpe'jsath. Adx Tatawa ma'wẽ adxa's ew jiina aça' adxwa ew jiith Tata's, txã'wẽy adxwa piisxaatxi' ew jiith, aça' adx piisxaawa adxa's jiita'. Adx piisxaatx wedxçxa nwe'weya' adx ĩtxi fxi'zeni's ivxiituya'wath.

Apocalipsis 3:20

Mwẽese'jwe, adxa' vxitxte pa'yana ũsthu. Aça' maawa adx we'weni's wẽse'jçxa ka'ga'the', kxtee u'kaçxa txãa yakh fxi'ze'nja, aça' txãawa adx yakh fxi'zena.

1 Corintios 8:3

Nawa txã'wẽ yũumée, Dxusa'sçxáa ũusuh jxuka yaakxsa's Dxusa' jiia' txã'wẽ yũusa's.

Hebreos 3:7

Txãa pa'ga txãa yakhçxáa fxi'zewa'ja's na'wẽk pta'sxi' Dxus Espiritu': Ãçxh Dxus we'weni's wẽse'jyã'jçxa',

San Juan 5:25

Isath we'we': Pçumée ĩtxi fxi'zewa'j en pa'jana jĩ'th txãa ena' ãçxhíia'. Aça' uusaawe'sxa' Dxus Nçxi'k we'weni's wẽse'jçxa kxtey yuusá' ĩtxi fxi'zewa'ja's ji'phutxna.

San Juan 8:12

Ki'kin nasa pkhaakhete', Jesusa' na'jĩnak we'we: —Adxa' eena'te kaafxi'ze'jsath, aça' maawa adx yakh yuusa' eena'te fxi'zewa'ja's ji'phutxna, sa' bagaçxte yuhwa çxhi'dxte fxi'zemeetxna.

Gálatas 4:9

Nawa ãçxha' Dxusa's jiisa yã'ji'kwe meeçxawa Dxusa' i'kwe'sxtxi jiia' aça' ¿kĩjxa'çxáa ki' sxaweduki'kwe piçthẽ'jwe'sx kaapiya'jni açxamée seelpisate fxi'zeya'?

San Juan 10:8

Adx pa'jmeyna yaçte pa'jsa' jxukay ĩsxiisa pesweeçxáatx yu'. Aça' piisxá' ũukhçxa utxaameeta'.

San Juan 12:26

Maawa adxa's selpíi wẽeçxa', adx yakh yuweena, sa' adx mtee ũste' txãawa kxtey ũsya' ãjana adxna selpiisa'. Aça' maawa adxna selpisaatxi's adx Tata' tuuthe'jena.

San Juan 8:43

Na'swa adx kaapiya'jni's jiyu'çmeei'kwe, txã'wẽ adx we'weni's nwẽese'je'çmeei'kwe, txãasa i'kwe jiyu'çmée.

San Lucas 9:23

Txajũ' jxukaysatx na'jĩk: —Maawa adx yakh yuu wẽeçxa', peekx kakwe jxthãasni's kĩhnawa jxuka nvxihtçxa yuuçxáa adx yakh yujxa' ãjãne'kwe, makwe pxthaa yuuwa'j seena'sa een isa ma'k pa'jnawa txã'sa' ũukhmée.

San Mateo 17:5

Txã'jĩna Pedro' we'wena ũsiyna, tãaph seena' zhiçxkwe çxihmesa kũhçxa aphku. Aça' txãa tãaphte na'jĩnak we'weni pthũuse: —Na' adx Nçxi'k wala wedxnisa', txãa pa'ga wala weçxana ũsthu. Txã'sa' nwẽese'jna kxtey myuuwe jĩni's

2 Timoteo 2:19

Nawa maaçxah txãa jĩitewa ew jiyukahn Dxusíi na'jĩna we'weçxak nvxiht: Dxusa' jiia' maaçxah txãa jĩitewa jĩ'k. Sa': Jxukaysa Dxus yakh fxi'zesa' ewmeejũ jxuka txutewa'jsata' jĩ'k.

San Juan 21:22

Jesusa' na'wẽk pas: —Adx jxthãaste' naa piçthẽ'ja' uumée u'juma'k adx sxawedna kĩhpkaçx, nawa txã'sa' idxa' yaakxwa'j ji'phmeeg. Idxa' adx yakh fxi'zewa'jçxá's miiyajkx.

San Lucas 13:27

Nawa txã' na'wẽ pasuna: Na'jĩyã'th na', i'kwe'sxtxi' jiimeeth majũwe'sxne'kwe nawa. Adx tasxu me'jwe, i'kwe'sxa' jxukay ewmée yũusaçxáa i'kwe jĩna.

San Marcos 8:34

Jesusa' txãa yakh yuusawe'sxtxi pa'yaçxa na'jĩk: —Maa nasawa adx yakh yuu wẽeçxa', peekx kakwe jxthãasni's kĩhnawa jxuka nvxihtçxa yuuçxáa adx yakh yujxa' ãjãne'kwe, makwe thẽysa uuwa'j ma'k pa'j nawa txã'sa' yajkxmée.

San Mateo 25:12

Nawa pasçxa': Isa, adxa' i'kwe'sxtxi' jiimeeth jĩk.

San Mateo 16:24

Txajũ' Jesusa' txãa yakh u'jusawe'sxtxi ki' we'wek: —Maawa adx yakh yuu wẽeçxa', peekx kakwe jxthãasni's kĩhnawa jxuka nvxihtçxa yuuçxáa adx yakh yujxa' ãjane'kwe, makwe pxthaa yuuwa'j seena'sa ma'k yuu nawa txã'sa' ũukhmée.

San Mateo 7:23

Nawa adxa' na'jĩna pasu'nja: Bagaçxte yuhwa adx jxpe'jnisa yu'çmeei'kwe, naa pa'ga i'kwe'sxtxi' jiimeeth. Ewmée yũuna fxi'zesa' adx tasxtewe'sx meei'kwe.

Apocalipsis 14:4

Txãawe'sxa' Dxus yuuçxáana selpiina fxi'zesatx yu', sa' txãawe'sxa' nasaa ksxavxyu nwe'wenitx yuu Dxus jĩi vxite' Piisxakuẽ jĩnisa txãa jĩi yuuwa'jsa, nyafxte nwe'wenisa. Txãasatx Piisxakuẽ jĩnisa ikhni yuuk txãa mtee u'thewa txãa yakh ja'da u'jwe'.

Hechos 3:23

Txã'wẽme', maawa Dxus yuwe pta'sxsa's nwẽese'jsame', Israelwe'sx tasxuh txudeni neeyũuçxa jxukaysa vxituwa'tha' jĩk.

San Marcos 10:21

Jesusa' txãa piçtakxa's peeygãhna thegçxa' na'jĩk: —Na'wẽ yũuwa'jçxáa peejxa': Iidx ji'phuni's jxuka txweyçxa, puuple ji'phmeesatx peesya' me'j. Txã'wẽ yũuçxa', cielute ji'phsa yuune'ga. Txã'wẽ yũuçxa adx yakh myuh, makwe seena' nxussa pa'thewa txãatxi' yajkxmée jĩte',