2 Nawa vxitxte u'kasa' piisxáa-thegsaçxa txã'wẽ yuuna.
Adxa' piisxaatx ew jxpe'jsath. Adx Tatawa ma'wẽ adxa's ew jiina aça' adxwa ew jiith Tata's, txã'wẽy adxwa piisxaatxi' ew jiith, aça' adx piisxaawa adxa's jiita'. Adx piisxaatx wedxçxa nwe'weya' adx ĩtxi fxi'zeni's ivxiituya'wath.
Aça' ãçxha' peekíi ya'mpa'yajkxwe, txã'wẽy Jesukristo ee pkawçxa weynisa Dxus luuçxtxiwa ew jxpe'jna, Dxus Espiritu' i'kwe'sxtxik thegwa'jsa nvxiht naa pa'ga.
Txã'wẽ yũuçxa', kwe'sxtxi jxpe'jsa jxthaakwe jxtuhthesa vxyaate', i'kwe'sxa' jxpa'gane'kwe peesni iiméh zhiçxkwesa's txã' naa kiwega peesnisa pçu'tx txã'wẽsa meeta'.
Jesukristo' iiméh ew txajx nasatx jxpe'jsa yu'k, txajx eek txã'wẽ u'se puutx we'weni bagaçxte yuhwa yu'pthehwa'jme's vxitçxa nvxiitni's kxtey kxũ'ju'jwa'jsa yuu.
Idx kĩhtewa sxiigmée ãjawa'ja's Dxusa' ũsku ancianowe'sx idxa's peekizeçxa Dxus yakh puutx we'wete txãatxi' ivxiituya'mée wala mpa'yajkx.
Adxíi vxitx na'wẽsath, aça' maawa adx tasxte u'kasa', nwe'weni yuutxna. Txajũyã'ja' ki' kasehn ki' u'kan txã'wẽ yuuna ũsçxawa, sã'jĩni nes yuutxna.
Nasa jiyumeete', Jesusa' na'jĩnak ki'kin pta'sx: —Isath we'we': Adxíi piisxáa u'kani vxitx na'wẽsath.
Adx paçu kusete siete estrelxatx uygu vxite' bela txaahni sietesatx txã'wẽsa' na'wẽ kaajiyu'jsata': Txãa estrelxa' Dxus luuçx siete ahte pkhaakhena ũssatx yuwee pta'sxsa angeleswe'sxta', naapkaçxha' siete bela txaahnisa' Dxus luuçx siete ahte pkhaakhesawe'sxta' jĩ'k.
I'kwe'sxa' nyafxiia' piisxáa vxitusa na'wẽ i'kwe ũsu', nawa ãçxha' Kristo tasxte sxawedi'kwe, txã' piisxáa thegsa na'wẽk jxpe'je' i'kwe'sx ũustxi.
Mar pxãhte Kreta kiwete idxa's nvxihtthu adx ma'wẽ neewe'weni's kxtey yuukahn. Txãa pa'gag idxa' kxtee yuwe puutx we'wena jxã'jnimée neeyũuk txãatx pheu'jna jxã'jçxa çxhab iisa dxuus yatte jxkaahwa'jsa ancianowe'sx pakweçxa ki'pna yuuwa'jsa neeyũu.
Kĩh ũ'wa tutxhteçxáa khẽesa yu', nasatx ewmeesa vxitu'çme', naasáa ũusuh ewmée yaakxnisa yuuçxáak nasatx ewmeesa vxitu'.
