San Juan 1:51 - Páez

⁵¹ Sa' ki' we'weçxa': —Adxa' isath we'we': cielu phaateçxa ũste', Dxus angeleswe'sxa' kĩhna tejkana ũste uyuune'kwe Dxus Nçxi'k Nasa Yuusáa kajkwekhẽ jĩk.

San Juan 1:51 Referans Kwoze

Hechos 7:56

Sa' txã'wẽsa's uyçxa' na'jĩk: —Mthegwe, adxa' uyna ũsthu cielutewe'sx Dxus Nçxi'k Nasa Yuusá' Ney pukate ũsa' jĩçpkaçxha',

San Lucas 22:43

Dxus angel cielujũwe'sx kvxiisxa'jna kçxhãaçxha'jya' kĩjk.

San Lucas 2:13

txãa dudtey txãa angel yakh wala kuh angel cielujũwe'sx vxyaatx, Dxusna weçxana:

San Marcos 14:62

Jesus pasçxa': —Txã'wẽíith. Aça' i'kwe'sxa' uyuune'kwe Dxus Nçxi'k Nasa Yuusa' Dxus pukate kaçxçxa u'pte. Sa' cieluju tãaphte kĩjaçtewa uyuune'kwe jĩk.

San Marcos 1:10

Aça' yu'ju kasejeççxa', uyku cielu phaateeçte. Naapkaçxha' Espiritu' tub çxihme na'wẽsa txajx kajkwekhẽ kĩjaçtek uy.

San Mateo 3:16

Aça' Jesusa' yu'te ya'bautisãyçxa kasejeçpkaçxha', cielu' phaatek, aça' Jesusa' uyku Dxus Espiritu tub çxihme na'wẽsa txajx kajkwete kĩjaçte.

Hechos 10:11

Naapkaçxha' Pedro' uyku cielukhẽ tela wala na'wẽsa puutx vxiçte tudçxa nuykĩjaçte.

San Lucas 3:21

Txã'wẽ yũumeyna Juana' nasatx yu'te bautisãyna ũste', Jesuswa pa'jçxa yu'te ya'bautisãyku. Sa' oraĩçpkaçxha', cielu' phaatek.

San Mateo 4:11

eçxthẽ'ja' Jesus tasxu txuteek, aça' Dxus angeleswe'sxa' pu'çxya' pa'jtx.

Apocalipsis 19:11

Txãa e'su' cielu phateçxa ũsteth uy, aça' teeçx jiba çxihmesak vxyaa. Kxte a'jsa yu': Isasaçxá's Kxtey Yuusáa jĩnak kxsusni yu', txãa pa'gatey isasa yu'sa' jxuka kxtey yuuna puiiçxa knayku naa pa'ga.

Apocalipsis 4:1

Txãa e'su' ki' thegçxa' uythu cielute vxitx phateçxa ũste. Aça' nyafxíi we'weni na'wẽy we'weni ki' wẽse'th trompeta's seena' sus tukani, sa' na'jĩ'k: —Ay ẽete myuh, kxtee kaavxya'ja'jya'wath naa e'su kĩhçxa yuune'thewa txãatx.

2 Tesalonicenses 1:7

sa' i'kwe'sx nxuste fxi'zesa yuutxi' jxkaasewa'ja's ũsuna kwe'sx yã'jçxa, txã'wẽ Jesukristo' txajx angeleswe'sx yã'jçxa cielujũ kĩhçxa,

San Lucas 2:9

Naapkaçxha' Dxus angel teeçx vxyaak txãawe'sx u'pnisu jxuka eena' kweethna. Aça' txãawe'sxa' wala ũukhtxi.

Hebreos 1:14

Jxukay angeleswe'sxa' kwe'sx na'wẽ kakwe ji'phmeesa naa kiwete maaçxah ewte neeyũuwa'jsa ũstxna txãawe'sxtxi pu'çxya' kaahnisaçxáata'.

1 Timoteo 3:16

Kwe'sx ewte neeyũuwa'ja's kim yuhwa jiyunimeek ũsu' txã'sa' Dxusa' kaavxya'ja'kh txã' na'wẽ seena' walasa': Dxusa' nasaa kakwe yakhku vxyaa, Sa' Dxus Espiritu we'weçxa': Txã' kĩh pkal yuhwa ji'phmeesa' jĩnik yuu. Aça' Dxus angeleswe'sxwa uyniisak yuu. Sa' mtee mteewa jxuka pta'sxni yuute', Naa kiwete msuuwe'sxwa maaíi yu' txãawe'sx ũuste jxpa'gatx. Txajũ' cielute ki' jxpa'ganik yuu.

San Juan 10:1

Isath we'we', maawa piisxáa ka'ga'jni vxitxtey u'kamée, vxite ahte vxitxtemée u'kasa' txã' pesweeta'.

San Lucas 22:69

Nawa ãçxhũyã'ja' Dxus Nçxi'k Nasa Yuusá' Dxus ĩtxĩsa pukate kaçxya' u'jwena jĩk.

San Mateo 25:31

Dxus Nçxi'k Nasa Yuusa' jxkaahsa yuuçxa angeleswe'sx ksxavxyte kĩhçxa txajx jxkaahwa'the kaçxhiina.

Judas 1:14

Adan nçun sietetewe'sx Enokha' na'jĩk Dxus kaaũusuthe'jni's: Txã'wẽ ewmée yũuni's jxukaysatx paapẽjxçxa nasa seena' ewmeesatxi's jxukaysatx kastigãyya' Dxusa' txajx nasa iiméh wala kuhsa yakh yuhte uythu, txãawe'sx makwethẽ'jne'ta ewmée yũuna fxi'zeçxa txã'wẽy Dxusnawa açewe'we txãa pa'ga kastigãyya' jĩ'k Enokha'.

2 Tesalonicenses 1:9

Txãawe'sxtxi' Dxus jxkaahna ũsni tasxu txuhdeçxa bagaçxte yuhwa peena yu' Dxus yakh puutx uywa'jmeete nxuste kastigãyni yuutxna.

San Juan 14:12

Isath we'we', adxna ũuste jxpa'gasa' adx na'wẽy mjĩiya' ãjatxna. Nawa txã'wẽçxáamée, adx mjĩinite jxthaakwe wala mjĩiya' ãjatxna, txã'wẽ ãjakahníiçxáa adxa' u'jweçthu Tata tasxna.

San Juan 6:47

Adxa' isath we'we': Adxa's jxpa'gasa' pçumée ĩtxĩ fxi'zewa'ja's ji'phutxna,

San Lucas 24:4

Sa' wala ũukhna ma'wẽ yũuwa'ja's yuuwa jiimeetx ũsu', naapkaçxha' e'z piçthẽ'jtx ropa zhiçxkwe zmeena' çxihmesa athçxa txãawe'sx pukate vxyaa.

San Mateo 26:24

Dxus Nçxi'k Nasa Yuusa' ma'wẽ uuwa'jsatewa Dxus librute pta'sxi'k txã'sa' kxtey yuuya'wa'. Nawa adxa's açesawe'sx kusete dukhsa' ¡seena' yuh nxuste khẽjena! Txãa piçthẽ'ja' naa kiwete wejx yuuwa upxmeewaçne' wejx ew yu' jĩte',

San Juan 21:18

Isath we'we', nyafxíi piçtakxteya' ropa's peekíi jathe'g, sa' mtee u'j wẽeçxawa u'jwe'g. Nawa ĩisx yã'the', vxitesa' idxa's tudçxa jxũna u'jwetxna idx u'j wẽemeetewa.

San Juan 8:51

Isath we'we': Adx we'weni's kxtey yuusa', bagaçxte yuhwa uu ena's ji'phumeetxna.

San Juan 6:32

Aça' txã'jĩte', Jesusa' na'wẽk pas: —Isath we'we', cielujũ ũ'a's Moises puuçme'. Cielujũ ũ'a's adx Tatak puuç.

San Juan 3:5

Jesusa' pta'sxku: —Adxa' naa kakwe upxwa'ja's we'we'çmeeth. Maawa Dxus jxkaanite u'ka wẽeçxa', yu'te vxite' Dxus Espiritute upxwa'ja'sthu txã'jĩ'.

San Juan 16:20

Isath we'we': I'kwe'sxa' nxusna ũ'nene'kwe, aça' naa kiwete nasa yu' wala weçxaatxna. Nawa i'kwe'sxa' makwe nxusna ũsçxawa, nxusu en skhẽwte', weçxweçxa neeyũune'kwe.

San Juan 13:16

Isath we'we', maawa selpisa' txajx patronte jxthaakwesame', aça' txã'wẽy kaahnisawa txã's kaahsate jxthaakwesame'.

San Juan 10:7

Nasa jiyumeete', Jesusa' na'jĩnak ki'kin pta'sx: —Isath we'we': Adxíi piisxáa u'kani vxitx na'wẽsath.

San Juan 6:53

Jesusa' na'wẽk pta'sx: —Adxa' isath we'we': Dxus Nçxi'k Nasa Yuusáa kakwe's ũ'çxa txajx eenawa tudxmeeçxa yu', pçumée ĩtxi fxi'zewa'ja's ji'phumeene'kwe.

San Juan 5:27

Sa' yuuwesatx kastigãywa'ja'swa adxa'síiçxáak ũs, adxa' Dxus Nçxi'k Nasa Yuusath naa pa'ga.

San Juan 5:19

Txajũ' Jesusa' na'wẽk pta'sx: —Isath we'we', adxa' Dxus Nçxi'kthu, nawa adxçxáa yu' mjĩiya' ãjame'nja. Adx Tata ma'wẽ mjĩite', txajx mjĩini's thegçxa yuuçxáath txã'wẽy mjĩiya' ãja'.

San Juan 3:3

Jesusa' na'wẽk pas: —Isath we'we', maawa ki' upxmeeçxa yu', Dxus jxkaahna ũsnite u'kaya' ãjameena.

San Mateo 9:6

Makwe thẽysatewa Dxus Nçxi'k Nasa Yuusa' naa kiwete pkaltxi peltunãyya' ãjawa'jsa' naa pa'ga kaajiyu'j ya'wath ãçxha'. Txajũ' ẽseya' ãjasame's na'wẽk we'we: —Kiiteçxa, iidx deeni's tu'sçxa yatna me'j jĩte',

San Mateo 8:20

Jesus pasçxa': —Yu'kh niimal yuhwa deewa'j kafx ji'phta', txã'wẽy vxiçxakwewa yat ji'phta'. Nawa Dxus Nçxi'k Nasa Yuusa' mtee yuhwa txajx dxiktheçxáa yuja'swa khikhwa'j ji'phme'.

San Juan 16:23

Txã'wẽ adxa's ki' uyniijũ', txajũyã'ja' jxuka jiisa adxa's paapẽywa'j ji'phumeene'kwe. Nawa adx Tata yu'sa' kĩhwa jxuka pẽjxya' ãjãne'kwe adxa's pi'kxçxa, aça' txã' jxuka ũsuna.

San Juan 13:38

Jesus we'weçxa': —¿Isaga txã'jĩ'á'? Nawa adxa' na'jĩ'th na': atalx we'wemeyna, adxa's jiimeeth jĩna tekh us ĩsxiijaçyã'j yuune'ga jĩk.

San Juan 8:58

Jesus pasçxa': —Isath we'we', Abrahan meeíin, adxa' ũsyã'th yu'.

San Juan 8:34

Jesusa' pta'sxku: —Isath we'we', maawa ewmée yũuna fxi'zesa', ewmeete fxi'zesata'.

San Juan 6:26

Jesusa' na'wẽk pas: —Isath we'we', i'kwe'sxa' pana's txikpkaçx ũ'çxaçxáa i'kwe txã'wẽ adxa's pakwé'. Nawa adx txã'wẽ maa yuhwa ãjanimeesa's vxitthu txã's yu' jiyuçxa txã'wẽ yu'çmeei'kwe.

San Juan 1:50

Jesusa' na'jĩk: —Txã'wẽ higwera fxtũu tasxte u'pte idxa's uythu jĩteçxáa ¿adx kimtewa jiyuwá'ga? Txã'wẽyã'jçxa', naajũyã'ja' Dxus kaavxya'ja'jnitx wejx walasatx uyuune'ga jĩk.