San Juan 1:1 - Páez

¹ Nyafxiitey naa kiwe meeíin, Kristo' ũsyã'kh yu'. Txã' Dxus yakhku ũsu', sa' Dxus íiçxáak yu'.

San Juan 1:1 Referans Kwoze

San Juan 17:5

Tata, naa kiwe meetey ma'wẽtka'w cielute ih weçxana ũsu', ãçxha' txã'sa' ki' mah kxtey ih weçxana ũswa'ja's.

Apocalipsis 19:13

Txajx athni ropa yu' eete akhnisa'sku jxaath yu'. Sa' txãa yu' Dxus ma'wẽsatewa txã'sna kaajiyu'jsa' jĩnisak yu'.

Colosenses 1:17

Naa kiwe meetey Kristo' ũsyã'kh yu', sa' ãçxwa txãa íiçxáa ũsa', txajx pa'ga yuuçxáa kĩjkĩhwa jxuka ewçxáa ũsta'.

San Juan 1:14

Nyafxiitey Dxus yakh ũssa' nasaa kakwe's jxpa'gaçxa kwe'sx yakh ũsu'k, isasaçxá's pta'sxna peeygãhna. Txãa pa'ga kwe'sxa' txajx fxi'zeni wala zhiçxkwesa's uytha'w, txãasa jiitha'w Dxus Nçxi'k teeçxçxáasatewa.

Apocalipsis 22:13

Adxa' naa kiwe meetey ũsyã'th yu', sa' bagaçxtewa nes yuuwa'jsath. Adxthu nyafxte ũsya' takh, sa' jxuka skhẽwtewa adx íiçxáa neeyũuwa'jsath pçuwa'jsamée.

San Juan 1:2

Nyafxiiteya' txã'wẽk Dxus yakh ũssa yu'.

Apocalipsis 1:8

Kwe'sxtxi nwe'wesa' ma'wẽ yũuwa'ja'swa ãjãwa'jsa we'weçxa': Adxa' naa kiwe meetey ũsyã'th yu', sa' bagaçxtewa nes yuuwa'jsath pçuwa'jsamée jĩ'k. Txã' nyafxíiwa txãak yu', sa' ãçxwa txãaíiçxá', sa' txãaíiçxáa bagaçxtewa nes yuuna.

Filipenses 2:6

Kristo' Dxusíiçxáak yu', nawa Dxus txakwe seena' wala jxtuhthesath sũhwa'j yu'sa' ji'phumée,

San Mateo 1:23

Txã' na'wẽk we'we: Teeçx kna'sa' teeçx nçxi'k ji'phuna. Txã' Emanwel kxsusni yuuna jĩk. Txãa Emanwel jĩnisa': Dxusa' kwe'sx yakh ũsa' jĩni'.

Apocalipsis 21:6

ki' we'wek: —Adx we'weni' jxuka kxtey yuunik yuu. Adxa' naa kiwe meetey ũsyã'th yu', sa' bagaçxtewa nes yuuwa'jsath pçuwa'jsamée. Aça' maawa yũ'wẽesa's kĩh yuhwa vxyuu pa'gamée ũsu'nja yu' bagaçxte yuhwa uumée kaafxi'ze'jwa'jsana.

Hebreos 13:8

Jesukristo' bagaçxte yuhwa yu'pthehsame'. Nyafxíiwa ma'wẽsaga yu', sa' ãçxwa txãaíiçxá', sa' bagaçxtewa txãaíiçxáa nes yuuwa'jsa'.

1 Juan 5:20

Jiitha'w Dxus Nçxi'k naa kiwete kĩhçxa', Dxus ĩtxisa's jiyuwa'ja's kwe'sxtxi ũsku. Txãa pa'ga Dxus ĩtxisa Nçxi'k Jesukristo yakh fxi'zena ũstha'w. Txãa Dxus ĩtxisa' bagaçxte yuhwa pçumée ĩtxi fxi'zewa'ja's kwe'sxtxi peessa'.

1 Timoteo 3:16

Kwe'sx ewte neeyũuwa'ja's kim yuhwa jiyunimeek ũsu' txã'sa' Dxusa' kaavxya'ja'kh txã' na'wẽ seena' walasa': Dxusa' nasaa kakwe yakhku vxyaa, Sa' Dxus Espiritu we'weçxa': Txã' kĩh pkal yuhwa ji'phmeesa' jĩnik yuu. Aça' Dxus angeleswe'sxwa uyniisak yuu. Sa' mtee mteewa jxuka pta'sxni yuute', Naa kiwete msuuwe'sxwa maaíi yu' txãawe'sx ũuste jxpa'gatx. Txajũ' cielute ki' jxpa'ganik yuu.

San Juan 16:28

Adxa' Tata tasxu kasehçxa, naa kiwete yuwe'th, sa' ãçxha' naa kiwe's nvxihtçxa ki' u'jweçthu adx Tata tasxna jĩte',

Apocalipsis 1:17

Aça' txã'wẽ uyçxa', txajx tasxga uuníi na'wẽth wete. Nawa txajx kuse paçuwe'sxa's adx kajkwete peekizeçxa na'jĩ'k: —Ũukhnu, naa kiwe meetey adxa' ũsyã'th yu', sa' bagaçxtewa nes yuuwa'jsath pçuwa'jsamée.

San Juan 20:28

Tomasa' na'jĩk: —¡Adxna jxpe'jsa yuhg, sa' adx Dxus yuhg!

Tito 2:13

Txã'wẽy Dxus peeygãani' kwe'sxtxi nwe'wesa Dxus Jesukristo jxtuhthesa kĩjxa' neeyũuk txãa en ãhpkaçx weçxana ũythasna ũswa'ja'sku jxkaaja'.

Hebreos 7:3

Sa' txajx ney txajx njĩ'j txajx yaçgawe'sx txãatxi's ya'jiyu'çme', txajx upxhni en txajx uuni txã'wẽsaçxa yuhtxwa. Txãasa Dxus Nçxi'k pkalsawe'sx ju'gu we'we pu'çxna nes yuusa na'wẽysak yu' Melkisedekha'.

Apocalipsis 3:14

Dxus luuçx Laodicea çxhabtewe'sxtxi jxpe'jsa Dxus angela's na'jĩna mfxi'j: Ĩsxĩisamée kĩhtewa jxuka isasaçxá's we'wesa kĩh yuhwa meetey ũsyã'kh yu' txã' na'jĩ'k:

Efesios 3:9

Txã'wẽ kĩhnawa jxuka pheu'jsa Dxusa' judiu ji'jmeetxwa nwe'weçxa judiuwe'sx yakh kxteeçxah yuutxaya' ãjawa'ja's txãniiteyku pheu'jçxa ji'phu' kim yuhtxwa kaajiyu'jnimée txã'sna ãate pta'sxwa'jsath nvxiitni yuu maatxwa jxukaysatx.

Apocalipsis 1:2

Txãa pa'gak Juana' Dxus yuwe isasa's we'we Jesukristo kaavxya'ja'the uyni's jxuka, txãasa ĩsxĩinisame'.

1 Juan 5:7

Jesukristo' Dxus Nçxi'ktewa jiisa cielute' tekhta': Dxusa', vxite' Jesukristo íiçxá', vxite' Dxus Espiritu'. Aça' txãa tekhsa' txãa na'wẽçxaçxáatx we'we'.

Romanos 9:5

Txãawe'sxa' nyafxte Dxus txhitxhnisa Abrahan ji'tha', aça' txãawe'sx ji'thek Kristo upxhna ũsu' nasaa kakwe yakh. Txãa Kristo' Dxusíiçxáak yu', bagaçxtewa tuuthe'jni yuuwa'jsa.

San Juan 1:18

Nawa maa yuhwa Dxusa's iiuymeeta'. Txã'wẽtewa Dxus Nçxi'k teeçxçxáasa Ney yakh ih ũssa' kwe'sxtxi' kaajiyu'kh Dxus ma'wẽsatewa.

Apocalipsis 2:8

Dxus luuçx Esmirna çxhabtewe'sxtxi jxpe'jsa Dxus angela's na'jĩna mfxi'j: Naa kiwe meetey ũsyã'kh yu' sa' bagaçxtewa nes yuuwa'jsa uuçxa ki' ĩtxĩ yuuk txã' na'jĩ'k:

2 Pedro 1:1

Jesukristo's selpisáa Simon Pedro yaaseth, txajx jxkaahnisa. Txãasa naa karta's fxi'jaçthu, i'kwe'sxwa kwe'sx na'wẽyçxáa i'kwe Dxusa's yaakxwa'ja's ji'phu naa pa'ga. Txã'wẽ yuukahníi kwe'sxtxi nwe'wesa Jesukristo nwe'wek.

Apocalipsis 1:11

Txã' na'jĩ'k: —Kĩh yuhwa meetey adxa' ũsyã'th yu', sa' bagaçxtewa nes yuuwa'jsath. Aça' idx uyuuçgu txãatxi's eçte fxi'jçxa mkaah Dxus luuçx siete ahte pkhaakhena ũssa Asia kiwetewe'sxtxi, Efxeso, Esmirna, Pérgamo, Tiatira, Sardis, Fxiladelfxia, Laodicea txãa çxhabtewe'sxtxi jĩte',

San Lucas 24:53

Sa' pu'vxitumeetx dxuus yatte Dxusna weçxana nes yu'.

San Juan 8:58

Jesus pasçxa': —Isath we'we', Abrahan meeíin, adxa' ũsyã'th yu'.

Colosenses 1:15

Dxusa' kwe'sx yafxte vxyaasame', nawa vxyaaya' kĩjk txajx Nçxi'k Jesukristo kakwete. Txãasa Kristo' Dxus íiçxá', naa kiwete kĩjkĩhtewa thaakwe yaçtewe'sx.