Hechos 26:24 - Páez

²⁴ Pablo txã'wẽ we'wete', Fxesto' na'jĩnak sus we'we: —Pablo, luuku yuunig. Jwee wala piyaçxane'ga txã'wẽ luuku yuu jĩte',

Hechos 26:24 Referans Kwoze

1 Corintios 1:23

Nawa kwe'sxa' Kristo's kluuskhẽ ki'pçxa ikhniçxá'stha'w pta'sxi'. Judiuwe'sxa' txã'wẽ pta'sxni'stxi jxpuba', naapkaçxha' griegowe'sx yuutxi'sa' kĩhtewa seelpimée luuku we'weni na'wẽ ne' pthũuse'.

2 Corintios 5:13

Adxa' luuku na'wẽ wá'ntka we'we', nawa txã' Dxus jĩ'. Aça' luuku na'wẽmée we'weçxa yu', i'kwe'sxtxi ne'tka we'we' jiyukahn.

1 Corintios 4:10

Kristo kaapiya'jni's pta'sxpa'gaçxáa kwe'sxtxi' kĩhtewa jiimeesa luuku we'wesata' jĩ'tx, naapkaçxha' i'kwe'sx yu' Kristo kaapiya'jni's sxiigmée jxuka jiisa na'wẽ i'kwe yaaki'. Kwe'sxa' ãhmeekwesatha'w, naapkaçxha' i'kwe'sx yu' jxtuhthesa i'kwe. Kwe'sxtxi' açe'tx nasa', nawa i'kwe'sx yuutxi' peeygãja'tx.

San Marcos 3:21

Txajũ' Jesus nwe'sxa' txã'wẽ yũuni's jiyuçxa', Jesusa' luuku yuune' sũhçxa pe'jna u'jya' pa'jtx.

Hechos 26:11

Maazkuẽe uswa iipkxuuth, Jesus yase's açewe'wekahn. Msuuwa judiuwe'sx pkhaakheni yat-su txã'wẽçxaçxáath yuu. Sa' seena' pxũuskwe yuute', vxite kiwesuwa u'th, txã'wẽy ahçeçxa pkxuuya'.

Hechos 17:32

Txã'wẽ uuçxawa ki' ĩtxi yuuk jĩni's wẽse'jçxa', maaíi yu' weeçxtxi, naapkaçxha' vxite we'weçxa': —Vxite enkhẽ ki' pta'sxine'ga, txagaçx ki' wẽse'je'nja'w jĩ'tx.

Hechos 24:25

Aça' Pablo' pta'sxku Dxus dxi'pte ew fxi'zewa'ja', sa' peekx kakwe's ewmée yũuna jxpe'jwa'jme'. Txã'wẽme', nmeh ente' Dxusa' kastigaĩna jĩna we'wete', Fxelixa' wala ũukhçxa na'wẽk we'we: —Ãçxhíi yu' txã'wẽçxáa mpeeta'sx. Vxite ente adx en ji'phuçxa ki' pa'ya'nja jĩk.

Hechos 22:1

—Yakhthẽ'j vxite' thẽ'jsawe'sx, mwẽese'jwe adx we'weni's jĩte',

San Juan 8:52

Txã'jĩte', judiuwe'sxa' na'wẽtx we'we: —Ãçxhtha'w wejx ew jiyu, eçxthẽ'j yakh ũstewa. Abrahana' uuk sa' Dxus yuwe pta'sxsawe'sxwa uutx. Naapkaçxha' idxa' na'jĩ'g: Maawa adx we'weni's kxtey yuuçxa', bagaçxte yuhwa uu ena's ji'phumeetxna jĩ'g.

San Juan 8:48

Txajũ' judiuwe'sxa' Jesusa's na'wẽtx açewe'we: —Idxa' Samariajũwe'sxgu, txãasa eçxthẽ'j yakh ũsgu aça' isatha'w txã'jĩ' jĩte',

San Juan 7:15

Aça' judiuwe'sxa' kuh yajkxnatx ũsu' txãawe'sx pwe'sxçxáa na'jĩna: —Naa piçthẽ'ja' ¿ma'wẽçxa txakwe wala jiina, maa kaapiya'jsa yakh yuhwa u'jusameeçxawa?

Hechos 24:27

Txã'wẽ e'z anxupkaçx Pablo's karcelte jxpe'jna ũsçxaçxáa Fxelixa' ne'jwe'sx kasejk, aça' vxite ne'jwe'sx Porcio Fxestok u'ka. Nawa Fxelixa' judiuwe'sx yaaçeni fxi'ze wẽemeeçxa, Pablo's karcelte nvxihtku.

2 Timoteo 3:15

Le'çxkuẽjũjx Dxus yuwe's jiyug txã' Kristo Jesus yakh fxi'zeçxa ewte pa'jwa'ja's kaajiyu'juna.