Hechos 26:22 - Páez

²² Nawa Dxus pu'çxte', ãçxpkaçx Dxus yuwe's le'çxkwe yuhwa jxpubameeth pta'sxna fxi'ze' jxtuhthesa ma'tx yuu ma'wẽsatxwa jxukaysatx. Sa' Dxus yuwe pta'sxsawe'sx vxite' Moises pta'sxni txãaju bagaçxte yuhwa fxiy yu' pta'sxi'çmeeth.

Hechos 26:22 Referans Kwoze

Hechos 24:14

Nawa ãateth pta'sxi' Dxus tasxte pa'jwa'j dxi'ja's ãçxh u'se kaajiyu'jnisa' ĩsxiinisa' jĩ'tx txã'snath nwẽese'je' kwe'sx yaçgawe'sxtxi jxpe'jsa Dxusa's selpiina. Sa' txã'wẽ Dxus jxkaahni leyte fxi'jni vxite' Dxus yuwe pta'sxsawe'sx fxi'jnitx jxukath kxtey nwẽese'je'.

San Juan 5:46

Moises we'weni's jiyuwaça', adxa's jxpa'gane'kwe, Moisesa' adxnaíiçxáak tuuthe'jna fxi'j naa pa'ga.

Hechos 10:43

Txã'wẽy Dxus yuwe pta'sxsawe'sxwa yaçkhẽy we'wetx Jesusa' na'wẽ yũuwa'jsa' jĩna: Maawa jxukay txã's nwẽese'jsa' txãawe'sx pkaltxi peltunãyni yuutxna jĩnatx we'we.

San Lucas 24:44

Sa' na'jĩnak we'we: —Adxna na'wẽ yũuk txã'snath adxa' i'kwe'sx yakh nee u'juy pta'sx. Moises ley fxi'jni vxite' Dxus yuwee pta'sxsawe'sx librute fxi'jni vxite' Salmos librute fxi'jni ũsta', adxa's ma'wẽ yũuwa'ja'swa txã' jxuka kxtey yuuna jĩnath pta'sx.

San Lucas 24:27

Dxus librute ma'wẽ fxi'jni'swa jxuka pta'sxya' takhku, txã's ma'wẽ yũuwa'ja'swa Moises we'wenijũjx takhçxa mtee pa'jne'ta Dxus yuwe pta'sxsawe'sx fxi'jçxa nvxiht kxtee pa'j.

Apocalipsis 15:3

Sa' Dxusna selpisáa Moises mema's memu'tx, vxite' Piisxakuẽ jĩnisa'swa weçxana memu'tx na'jĩna: Dxus, kĩhtewa jxuka ãjãsa, Seena' yuh wala pu'çxgu kĩhtewa jxuka. Naa kiwete jxuka jxkaahsa iidx mjĩini' jxuka ewçxaçxáata'.

Romanos 3:21

Aça' ley jxkaahni's nvxihtçxa yuuwemée ewsa yuuna pa'jwa'ja's ãçxha' Dxusíi kaajiyu'kh, txã'wẽ yũuwa'ja's Dxus leyte txãniiteyku pta'sxna fxi'jni ũsu' Dxusna selpisaawe'sx fxi'jni.

Hechos 28:23

vxite ente ki' pa'jya' neeyũuçxa txãa en ãhte', wala kuh pkhaakheçxa pa'jtx Pablo ũsni yatte. Aça' Pablo' kusíi pta'sxçxa kusna kĩhpkaçxku pta'sx Dxus jxkaahwa'ja's. Sa' Moises fxi'jni ley vxite' Dxus yuwe pta'sxsa txãniiteywe'sx fxi'jni ma'wẽçxahne'ta Jesusa's we'wena fxi'j txã'snak ãate kaajiyu'j.

Hechos 26:17

Idxa's nwe'we'nja judiuwe'sx kuseju, sa' judiu ji'jmée vxite nasa kiwesu kajaçthu kxsũwa nwe'we'nja.

Hechos 26:6

Dxusa' kwe'sx yaçgawe'sx yakh puutx we'weçxa uusaawe'sxtxi ki' ĩtxĩ vxit-ya' neeyũuk txã'sa' kxtey yuuna sũhnath fxi'ze', naa pa'ga yuuçxáatx paapẽjxya' ayte nuypa'j.

San Juan 5:39

I'kwe'sxa' jxpa'yajkx i'kwe leeĩ', pçumée ĩtxĩ fxi'zewa'ja's ji'phuya'. Aça' txãa libru' adxa's pta'sxsaíiçxá'.

San Juan 1:45

Aça' Fxelipe' Natanaela's pta'sxya' u'jçxa' na'jĩk: —Moisesa' teeçx piçthẽ'ja' vxyaana jĩnak fxi'j ley librute, aça' Dxus yuwe pta'sxsa txãniiteywe'sxwa txã'snaíiçxáatx tuuthe'jna fxi'j txã'stha'w kwe'sxa' puutx uy. Txãa piçthẽ'ja' Jose nçxi'k Jesusa', Nasaret çxhabtewe'sxa' jĩte',

San Juan 1:17

Nyafxí' juuna' jxkaahnisa ley Moises nvxihtku txã'sçxáanatha'w jxpa'ga, naapkaçxha' Jesukristo' isa Dxus peeygãani'sku nuypa'j txã'snatha'w jxpa'ga.

San Lucas 24:46

sa' na'jĩk: —Kristo' uuwa'jsa', nawa tekh ente' ki' ĩtxĩ yuuna uusaawe'sx ksxavxyuh.

Apocalipsis 20:12

Txajũ' uusaawe'sxtxi uythu, walasa ma'k yuu le'çxkwesa ma'k yuu nawa jxuka Dxus tasxte yujuçxa ũste. Aça' librutx phadenitx yuu, vxite' bagaçxte yuhwa uuwa'jmée ĩtxĩ fxi'zewa'j libru yã'jçxa. Txajũ' uusaawe'sxtxi Dxus tasxte kuutxa'jnitx yuu, txãawe'sx ma'wẽ yũuna fxi'zesatewa librute ma'wẽne' fxi'jni ũsu' kxtee thegçxa kastigãywa'ja's pta'sxya'.

Apocalipsis 11:18

Naa kiwete nasa' idxa's ahçetx, nawa txãawe'sxtxi kastigãywa'j ena' ãjk. Aça' txã'wẽy uusaawe'sxtxiwa kastigaĩne'ga. Sa' walasa ma'tx yuu meeçxa' le'çxkwesa ma'tx yuu nawa idx yakh txutemée fxi'zeçxa iidx yase's açewe'wesameewe'sxtxi' deweene'ga ew yũuna iidx yuwe's pta'sxna selpiina fxi'zepa'ga. Naapkaçxha' naa kiwete suwna ũssawe'sxtxi's ka'tu' ivxiitune'ga jĩnatx we'we.

2 Timoteo 3:11

Idxa' peekx jiig Antiokía, Ikonio, Listra çxhabsu adxna pkxuuna açenitxi'. Nawa Dxusa' txãasu jxuka nwe'wek.

San Mateo 26:24

Dxus Nçxi'k Nasa Yuusa' ma'wẽ uuwa'jsatewa Dxus librute pta'sxi'k txã'sa' kxtey yuuya'wa'. Nawa adxa's açesawe'sx kusete dukhsa' ¡seena' yuh nxuste khẽjena! Txãa piçthẽ'ja' naa kiwete wejx yuuwa upxmeewaçne' wejx ew yu' jĩte',

San Lucas 16:28

kxte' tahç nyakh ji'pthu txãawe'sxtxi pta'sxya' adx ayte nakwe wala pxthaa yuuna ũsthu kxtee yuukahmén jĩte',

Hechos 13:29

Txajũ' Dxus librute ma'wẽne' fxi'jni ũsu' txã'sa' jxuka kxtey yuuçxa', Jesusa's kluusu spajkxçxa pedaatx.

1 Corintios 15:3

Kristo yuwe ewte nvxiitwa'jsa jĩni's adxna ma'wẽ kaapiya'the' i'kwe'sxtxiwa txã'wẽyçxáath kaapiya'j txã' na'wẽk yu': Dxus librute ma'wẽne' fxi'jni ũsu' aça' txã'sa' kxtey yuuna Kristo' kwe'sx pkalsa pa'gate uuk.

1 Corintios 15:4

Txajũ' pedaniik yuu nawa tekh ente' ki' ĩtxi yuuk, Dxus librute ma'wẽne' fxi'jni ũsu' txã'wẽy.