Hechos 26:18 - Páez

¹⁸ Txãawe'sx tasxsu kajaçthu, aça' idxa' txãawe'sx yafxtxi phaadene'ga, peena yu' çxhi'dxte fxi'zemée eena'sa's uykahn, sa' eçxthẽ'j kusete fxi'zemée Dxus yakh fxi'zekahn. Adxa's jxpa'gasa' txãawe'sx pkaltxi peltunãyni neeyũuçxa cielute ũswa'ja's jxpa'gatxna Dxus txhitxhnisawe'sx yakh ja'daçxah jĩk adxa's.

Hechos 26:18 Referans Kwoze

1 Pedro 2:9

Nawa i'kwe'sxa' Dxus txhitxhnisai'kwe, txajx tasxte yuuçxáa selpiina ũswa'jsa. Dxus kusetewe'sxi'kwe, kĩh pkal yuhwa ji'phmeesa. Txãa pa'ga Dxus txakwe wala i'kwe'sxtxi ewte nvxiitni's pta'sxwa'j ji'phi'kwe. Txã'wẽ yũukahnku pa'ya, jiimée jxpubana çxhi'dxte ũsnijũ kasehçxa zhiçxkwe eena'te pa'khan.

Efesios 1:18

kxah i'kwe'sxtxi kĩjxa' nwe'weçxawa ew kaajiyu'juna. Sa' cielute Dxus jĩ's kĩhnawa jxuka jxpa'gawa'j ji'ptha'w txã' seena' yuh wala zhiçxkwesa' txã'snawa jiyune'kwe.

Efesios 5:8

Nyafxiia' i'kwe'sxa' jxpubana ũsçxa', çxhi'dxte na'wẽi'kwe fxi'zesa yu'. Nawa ãçxha' Kristo's ũuste jxpa'ganijũ' eena'te ũsi'kwe. Txãa pa'ga peena yu' jxpubamée eena'teçxáa mfxi'zewe Kristo nwe'wenijũyã'ja'.

Hechos 20:32

Ãçxha' yakhthẽ'jwe'sxtxi Dxusa's neewe'weçxa txajx kusete nvxiituçthu txajx kaapiya'jni's peçxkanamée fxi'zekahn, txãa pa'gatey txajx yuwe' kçxhãaçxha'jna weçxana kaafxi'ze'jçxa cielute txajx nwe'wenisa jxukaysa yakh ũswa'ja'swa ũsya' ãjawa'jsa'.

2 Corintios 4:6

Dxusa' nyafxiitey kĩh yuhwa meetey çxhi'dx walate eena'sa's kaakh kweethkahn txãa Dxusíiçxáak kwe'sx ũustewa eena' kaakweethe'j, Jesukristo' Dxusíiçxáatewa jiyukahn.

San Juan 8:12

Ki'kin nasa pkhaakhete', Jesusa' na'jĩnak we'we: —Adxa' eena'te kaafxi'ze'jsath, aça' maawa adx yakh yuusa' eena'te fxi'zewa'ja's ji'phutxna, sa' bagaçxte yuhwa çxhi'dxte fxi'zemeetxna.

San Lucas 1:79

Çxhi'dxte uu ente na'wẽ yã'j ũstewa, wẽt eena'te nvxiht-ya'. Sa' kwe'sxtxiwa jxpubamée ewte kaafxi'ze'jya'k txã'wẽ yũu jĩnak we'we Zakariasa'.

Efesios 4:18

Txã'wẽ Dxusa's jxpa'gaya' wa'lpa'ga Dxus yakhmée ũsçxa ew eena' yaakxwa'j yu'sa' ji'phmeeta'.

2 Corintios 6:14

Dxusa's jiimeesawe'sx yakha' ptamuwa'jme'. Txã'wẽme' kxteeçxah txãawe'sx na'wẽy yũuna fxi'zeya' ãjameene'kwe. Ewsa' ewmeesa yakh fxi'zewa'jsame'. Eena'sa' çxhi'dxsa yakh kxteeçxah ũsya' ewu'çmeeta'.

2 Corintios 4:4

Txã'wẽ yũukahníi naa kiwete jxkaahna ũssa eçxthẽ'ja' txãawe'sx ũus yaakxni's jxuka aphku, Jesukristo Dxus na'wẽysa kaapiya'jni zhiçxkwesa's jiyukahmen.

1 Juan 3:8

Nawa pkalte fxi'zesa' eçxthẽ'j yakh ũssaçxa txã'wẽ yuuna, txãa pa'gatey eçxthẽ'ja' nyafxiitey pkalsak yu'. Txajíiçxáak Dxus Nçxi'ka' eçxthẽ'j mjĩini's ivxiituya' kĩh naa kiwete.

Hechos 2:38

Pedro pasçxa': —I'kwe'sx pkaltxi nvxihtçxa, Dxus tasxte misxawedwe, sa' Jesukristo's ũuste jxpa'gaçxa yu'tewa ya'bautisãywe, kxah i'kwe'sx pkaltxi peltunãyni yuuna. Txã'wẽ yũute', i'kwe'sxtxiwa Dxusa' txajx Espiritu's ũsuna.

1 Juan 5:19

Kwe'sxa' Dxus luuçx yuhtha'w, nawa naa kiwete nasa jxukaysa Dxusna yajkxmée fxi'zesa' eçxthẽ'j kusetewe'sxta' txã'sa' jiitha'w.

1 Juan 1:9

Nawa txã'wẽ yajkxmée, pkalsayuhth sũhna Dxusa's perdon pẽyi'nja'w aça' txã'wẽ yũusa's kim yuhnawa wa'lmée jxuka kxtey peltunãyçxa ewmeesa's jxuka nuyaateena.

Hechos 20:21

Txã'wẽy judiuwe'sx vxite' judiu ji'jmée txãawe'sxtxiwa jxukaysatx pta'sxthu: Dxus tasxte sxawedxa' pkaltxi nvxihtçxa kwe'sxtxi jxpe'jsa Jesukristo'swa ũuste miipa'gawe jĩna.

San Lucas 24:47

Aça' txã'wẽ yũuni's Jerusalenu pta'sxya' takhçxa maa maa kiwetewa jxuka pta'sxitxna, kxah nasa' pkaltxi nvxihtçxa Dxus tasxte sxawedte', Kristo' txãawe'sxtxi peltunaĩna jĩna fxi'jni ũsa'.

Apocalipsis 21:27

Nawa kazxsa yu' kĩh yuhwa u'kameena, ahçena ĩsxĩisa kĩjkĩhwa ewmée yũusa. Naasáa Piisxakuẽ jĩnisa libru ji'pha' txãa librute txãawe'sx yasetx fxi'jnisa yuuçxáa u'katxna bagaçxte yuhwa uuwa'jmée ĩtxĩ fxi'zewa'jsa.

1 Pedro 2:25

I'kwe'sxa' nyafxiia' piisxáa vxitusa na'wẽ i'kwe ũsu', nawa ãçxha' Kristo tasxte sxawedi'kwe, txã' piisxáa thegsa na'wẽk jxpe'je' i'kwe'sx ũustxi.

Hebreos 11:6

Nawa ũuste Dxusa's yuuçxáa yaakxwa'ja's ji'phmeete', Dxus yakh weçxana fxi'zeya' ya'ãja'çme', txãa pa'ga txajx tasxte utxaasa' Dxusa' ũsna sa' txã'sna pakwete', nwe'wena sũhwa'ja's ũuste ji'phuwa'ja'.

Hechos 13:47

Dxusa' kwe'sxtxi na'wẽk we'wena kaah: Nasa ksxavxysu eena' kweethwa'jsath nvxiht i'kwe'sxtxi', Sa' txã'wẽy maa kiwetewa ewsa's pta'sxwa'jsa jĩk.

Hechos 15:9

Dxusa' maa yuhtxwa nasa fxiisata' sũju'çme' kwe'sx yakh vxite nasa yakh. Txãasaíiçxáak vxite nasaçxawa Jesusa's yaakxsa yuutxi's txãawe'sx pkaltxi' peltunãy.

Hechos 5:31

Dxusa' txã'wẽ yũuçxa cielute txajx pukate paçu ju'gte ki'pçxa Jxkaahwa'jsak vxit, kxah Israelwe'sxa' txãawe'sx pkaltxi nvxihtçxa Dxus tasxte sxawedte, Jesusa' nwe'wena.

San Juan 9:5

Adxa' naa kiwete nee ũsíiçxáawa, nasatx eena'te kaafxi'ze'jwa'jsath.

San Juan 3:19

Maawa ũuste jxpa'gasame', ewmeeteyã'jtx nvxiitni yu', txã'wẽ eena'sa naa kiwete kĩhtewa, ewmeeçxáa yũuna ũsçxa', çxhi'dxteçxáa wejx fxi'ze wẽepa'ga.

1 Juan 2:12

Adx luuçxwe'sx, i'kwe'sx pkala' peltunãynitx yuu Jesukristo uute', txãa pa'gath fxi'ja'.

1 Pedro 1:4

Txãa pa'gak ew jii ya'fxi'ze', Dxusa' cielute kwe'sxtxi ũswa'j jxaawni ji'pha' txã'sa' jxpa'ga'nja'w sũhna ũythasna. Txã' bagaçxte yuhwa pçumeena sa' suweewameena sa' vxituwameena.

San Juan 17:17

Txãawe'sxa' iidx jĩiçxáa yuukahn idxçxáa jxpe'jene'ga, isasa's kaapiya'jna. Iidx kaapiya'jni' kaypuba'jwa'jsame'.

San Lucas 1:77

Kxah nasa' pkalpa'ga peltunãywa'ja's maawa jiyuçxa, ewte neeyũuwa'ja's ji'phutxna.

Judas 1:1

Jesukristo's selpisáa Jakobo nyakh Judas naa karta's fxi'jaçthu Dxus pa'yanisawe'sxtxi. I'kwe'sxa' Jesukristo jxpe'jni wala ew ũsi'kwe.

Santiago 2:5

Adx yakhthẽ'jwe'sx ew mwẽese'jwe: Naa kiwete makwe kĩhwa ji'phmée pxthaakuẽesaçxawa txãawe'sxa' Dxusa's yu' ma'wẽçxáa yuhwa peçxkanamée ũuste yajkxna fxi'zeçxa Dxus jxkaahna ũsnitewe'sxa's Dxusíi ũsya' neeyũuk Dxusna yaakxsatxi' txã'sna jxpa'gawa'jsata'.

Hebreos 10:14

Txãa pa'gatey tee dxi'j kluuste uuníi yakhçxáa jxuka jxã'jnik yuu txajx nasa yuuwa'jsawe'sx jĩi bagaçxtewa selpiwa'jsa.

Gálatas 3:14

Txã'wẽ Kristo Jesus kwe'sx pa'gate uupa'gatha'w judiu ji'jmeeçxawa Dxusa's ũusuh jxuka yajkxna nwẽese'pha'ga yuuwemée ewsa yuuçxa Dxus Espiritu's jxpa'gawa'jsa yuu. Txã'wẽ yuuwa'ja'sku Dxusa' Abrahan yakh puutx we'we txã' kxtey yuuk.

San Lucas 24:45

Txajũk Dxus librute fxi'jni's isa ew kaajiyu'j,

2 Timoteo 2:26

Kxah eçxthẽ'j kusete fxi'zeni's jiyuçxa', txãajũ iyuya' ãjatxna. Txã'wẽme' eçxthẽ'ja' ma'wẽwa suwya' ũsa'.

Efesios 2:8

Txãa pa'ga i'kwe'sxa' kĩhte yuhwa seelpimeesaçxawa, naasáa Dxus peeygãhçxa nwe'wenisaçxáa i'kwe, txã'wẽ Kristo's ũusuh jxuka yaakxpa'ga. Dxus nwe'weni's i'kwe'sx kakweju ew yũuna fxi'zeçxa uymeei'kwe, txã'sa' Dxusku pees peeygãhçxa.

Efesios 1:11

Dxus jĩi yu'sa' jxuka jxpa'gawa'ja's Dxusa' nyafxiitey ne' pheu'jçxa nvxiht Kristo nwe'wenisawe'sx jĩi. Naa pa'ga Kristo nwe'wenisa' jxpa'gawa'jsatha'w Dxus pheu'jçxa nvxiitni yu' jxuka.

1 Corintios 1:30

Kristo Jesus yakh fxi'zewa'ja's Dxusku vxit. Aça' Kristo's jiyuwa'ja'swa Dxus íiçxáak vxit. Sa' txãa Kristopa'ga yuuçxáa kwe'sxa' Dxus dxi'pte ewtetha'w neeyũu, txajx tasxu txutemée fxi'zeya'.

San Lucas 4:18

Dxus Espiritu' adx yakh ũsa', Txãasak adxa's txhitxh yuwe ewsa's puupletx pta'sxkahn. Ũuste nxusna u'psatxku kvxiisxa'jya' adxa's kaah, Yuuwesa preesutx nwe'wewa'ja'sku pta'sxya' kaah, Sa' uysameetxi' kaauyu'jna, Pkxuunisatxi' nwe'weçxa,

San Lucas 2:32

Txãaíi Israel nasa meetxwa eena' kweethwa'jsa' na' Israelwe'sx yuutxi' jweeíiçxáa weçxweçxa kaayaki'jwa'jsa' jĩ'k.

San Mateo 4:16

Txãa nasa' çxhi'dxte ũssa na'wẽ ũsçxawa, Eena'sa's uytxi. Sa' uuníi na'wẽçxáa yã'j ũstewa, Eena'sa' kweethku jĩ'k.

Hebreos 10:10

Jesukristo' Dxus jxthãasni's kxtey yuuçxa txajx kakwe's peekíi ya'dukhçxa kluuste uuk jxukaysa pa'gate tee dxi'jçxáa. Txãa pa'gak Dxusa' kwe'sxtxi's txãa jĩi vxit.

Hebreos 9:15

Dxusa' kwe'sxtxi nwe'wewa'ja's u'se puutx we'wek txã'sna Jesukristo' kxtey yuuna ũsa', na'wẽ nyafxte Dxus puutx we'wek txã'sna nwẽese'jmeeçxa pkalte wetetha'w txãa pkalwa peltunãynik yuu Kristo uupa'ga. Txah Jesukristo nwe'wenisawe'sxa' jxpa'gaya' ãjatxna Dxus jĩi bagaçxteçxáa yuhwa pçuwa'jsamée kwe'sx jĩiçxaçxáa yuuwa'ja's nvxihtku txã'sna.

Efesios 5:14

Txã'sna we'weçxak na'jĩ': Jxpa'yakxmeeg fxi'ze', miiyajkx. Sa' pkalte uuníi na'wẽ fxi'zenijũ mkaaseh, Aça' Kristo' eena'te kaafxi'ze'jena jĩ'k.

Efesios 1:14

Aça' Dxus Espiritu's ũuste ji'phsa' nmeh ente' txajx nasatx jxukate nwe'wena jxã'jnijũ' Dxus jĩi yu'sa' kĩhnawa jxuka jxpa'gawa'jsaçxa txã'wẽ txajx Espiritu's ji'phsa ya'yuuna. Txãa pa'ga Dxus txakwe wala ew yũusa's weçxawa'ja'.

Efesios 1:7

Txãa Jesukristok kwe'sxtxi' nwe'we txajx eeju kwe'sx pkaltxi jxuka peltunãyçxa. Nawa Dxusa' kwe'sxtxi wala peeygãhçxa yuuçxáak txã'wẽ yuuwa'ja's vxit.

Gálatas 3:2

Mpeeta'sxwe: I'kwe'sxa' ¿Moises ley jxkaahni's nwẽese'jçxakwe Dxus Espiritu's jxpa'ga'? Meeçxa' ¿kwe'sx pta'sxni's nwẽese'jçxakwe Dxus Espiritu's jxpa'ga'?

Gálatas 2:20

Adxa' leya's nwẽese'jya'mée Dxus yakhçxáa fxi'zeya', Kristo yakh ja'da uusáa na'wẽth yuu, Txãasa ãçxh ĩtxi fxi'ze'th txã' adx jĩime', adxna ĩtxi kaafxi'ze'jsa Kristo jĩ'. Txãasath naa kakwe yakh ĩtxi fxi'ze'ççxawa, na'wẽ Dxus Nçxi'k adxna peeygãhçxa peekíi ya'dukhçxa uuk adx pa'gate txãa yakh yuuçxáa fxi'ze'.

1 Corintios 1:2

Korinto çxhabte yakhthẽ'jwe'sxtxi weçxana fxi'jaçthu, txã'wẽy yakhthẽ'j Sosteneswa yuwe weçxaakaja'k. I'kwe'sxa' Kristo Jesus yakh txutemée fxi'zeya' utxaapa'ga Dxus luuçxi'kwe. Majũwe'sxwa kwe'sxtxi jxpe'jsa Jesukristo yasena kxsussa ũstxna txãawe'sx yã'jçxa ja'daçxah txajx tasxte yuuçxáa fxi'zekahnku Dxusa' pa'ya. Txãa Jesukristo' kwe'sx jxukaysatx jxpe'jsa'.

Romanos 8:17

Txã'wẽ Dxus luuçx yã'ja', Dxus jĩ's jxuka jxpa'gawa'jsatha'w. Dxusa' txajx jĩi yu'sa' jxuka Kristo's ũsuna txã'sna kwe'sxwa jxpa'ga'nja'w Kristo yakh ja'daçxah. Nawa Kristo yakh pxthaa yuuwa'ja's ji'phuçxa yuuçxáa cielute txã'wẽ jxpa'ga'nja'w Kristo yakh ja'daçxah.

Hechos 26:23

Txãawe'sxa' na'wẽtx pta'sx: Dxus tasxuh yuusa Kristo' wala pxthaa yuuçxa uuçxawa ki' txãa khuẽ'y ĩtxĩ yuuna, sa' eena'te fxi'zewa'ja's pta'sxina kwe'sx ji'jtx txã'wẽy vxite kiweju nasatxwa jĩnatx pta'sx. Txã'wẽyçxáath adxwa pta'sxi'.

Hechos 10:43

Txã'wẽy Dxus yuwe pta'sxsawe'sxwa yaçkhẽy we'wetx Jesusa' na'wẽ yũuwa'jsa' jĩna: Maawa jxukay txã's nwẽese'jsa' txãawe'sx pkaltxi peltunãyni yuutxna jĩnatx we'we.

Hechos 3:19

Txã'wẽ yũupa'ga Dxus tasxte sxawedçxa i'kwe'sx pkalpa'ga perdon mpẽjxwe txãa pkaltxi khũkhni yuuya'. Txã'wẽ yũuçxa' weçxana ũswa'j ena's ji'phune'kwe,

San Juan 9:39

Jesusa' na'jĩnak pta'sx: —Adxa' na'wẽ yuuya'íiçxáath naa kiwete kĩh, uyya' ãjasameeçxawa uyya' ãjãkahn, aça' makwe uysaaçxawa uyya' ãjãkahmén.

San Juan 4:14

Nawa adx peesni yu'a's tudxçxa', bagaçxte yuhwa yũ'wẽemeetxna. Txãa pa'gatey adx peesni yu'a' txãawe'sx ũuste yu'ĩçh na'wẽ nes yuuna, pçuwa'jmée ĩtxi fxi'zewa'ja's ji'phukahn.

San Juan 4:10

Txajũ' Jesusa' pta'sxku: —Dxusa' kĩh ũsya'watewa jiyuçxa txã'wẽy yu' thãassa' kimtewa jiyuwaça', adxa's yu' thãasune'kwe, aça' adxa' yu' pçuwa'jmeesa's peesu'nja jĩte',

San Mateo 4:10

Jesus pasçxa': —Eçxthẽ'j, adx tasxu mtxutée, txãa pa'gatey Dxus librute na'jĩ'k: Idxna jxpe'jsa Dxusçxá's neewe'wewa'ja', sa' txãaçxá's selpiwa'ja' jĩna fxi'jni' jĩte',

Hechos 26:19

Agripa, idxa'sthu pta'sxi': Txã'wẽ vxyaaçxa we'weni's wa'lmée kxtey nwẽese'jçxa

Efesios 5:11

Jxpubana çxhi'dxte ũssa yakh ja'da ewmée yũuna fxi'zenuwe, wejx yuuwa txã'wẽ yũusatxi' mkaapiya'jwe ewmée yũukahmen.

Efesios 6:12

Txã'wẽme', naa kiwete nasaa pwe'sx yakh puiina ũsmeetha'w. Naa kiwete eçxthẽ'j ma'wẽ seena' ewmée kazx txãaçxaçxáa jxkaahna ũsna txãa yakh kwe'sxa' pdxi'puçxa puiina ũstha'w.