Hechos 26:10 - Páez

¹⁰ Jerusalente sacerdote npiiçthẽ'jwe'sx jxkaathe', Jesus kaapiya'jni's nwẽese'jsawe'sx maazkuẽesatxwa karcelte txahth. Sa' ikheçte uyçxa', ew yuh yuuçta' sũhnath fxi'ze'.

Hechos 26:10 Referans Kwoze

Hechos 8:3

Naapkaçxha' Saulo' Dxus yakh fxi'zesawe'sxtxi ahçeçxa yat iisak pakwena u'j txajũ juuna' yuuna kutxi'jçxa karcelte ktxaaja'jya' piçthẽ'j petx u'y yã'jçxa.

Hechos 9:21

Aça' wẽse'jsa jxukay kuh yajkxna na'wẽtx we'we': —¿Naa piçthẽ'jíi txã'wẽ Jerusalente Jesusa's neewe'wesatx ikh wẽena fxi'zesameená'? Sa' ¿txã'wẽy aytewe'sxtxiwa preesu jxũna u'jçxa sacerdote npiiçthẽ'jwe'sx kusete dukhya' sũhçxa yuusa yu'çmeená'? jĩ'tx.

1 Corintios 15:9

Txãasa adxa' Jesus jxkaahnisatewe'sx vxite yakh yu', wala ãhmeekwesath, sa' Jesus jxkaahnisa na'wẽ yuuwa ya'kxsuswa'jmeesath, txã'wẽ Dxus luuçxtxith ahçena fxi'ze naa pa'ga.

Hechos 9:26

Txãa e'su' Saulo' Jerusalente pa'jçxa', Jesusa's nwẽese'jsawe'sx yakh pkhaakhe wẽek. Nawa kxteewe'sx jxukaysa ũukhtxi Jesusa's nwẽese'jsameewáana sũhçxa.

Hechos 8:1

Estebana's ikheçte', Saulo' weçxanak ũsu'. Isa txãn entetx iiméh seena' ahçeya' takh Dxus yakh fxi'zesa Jerusalentewe'sxtxi. Txã'wẽ yũute', jxukaysa pũsxitx Judea kiwesu vxite' Samariasu, naasáa Jesus jxkaahnisawe'sxçxáatx neeyũu Jerusalente.

Hechos 7:58

Sa' çxhabuh kutxi'jçxa Estebana's açesawe'sxa' kwet wãatatahtx, txãawe'sx atxhtxi teeçx piçtakx Saulo yaasesa's kthegu'jçxa.

Apocalipsis 17:6

Txajũ' jiyuth, txãa u'ya' tũunik yu' Dxus luuçxwe'sx ee vxite' Jesus kaapiya'jni's pta'sxpa'ga ikhni yuutx txãawe'sx ee yakh. Sa' u'y txã'wẽsa's uyçxa', wala ũukhthu.

Efesios 1:1

Adxa' Jesukristo jxkaahnisa Pablo yaaseth, txã'wẽte selpiwa'jsa Dxus nvxiitnisa. Txãa pa'ga Dxus luuçx Efxeso çxhabtewe'sx jĩi naa karta's fxi'jçxa kajaçthu, Kristo Jesusa's nwẽese'jna fxi'zesawe'sxtxi weçxana.

Gálatas 1:13

I'kwe'sxa' jiiyã'jne'kwe adxa' nyafxí' judiuwe'sx jxkaahni's nwẽese'jna ũsçxa', ma'wẽtka fxi'ze', sa' ma'wẽtka seena' juuna' yuuna Kristo nasatx ahçe ivxiituya' sũhçxa.

Hechos 9:41

Txajũ' Pedro' pu'kisçxa kxuuju'jna'wa, Dxus yakh fxi'zesawe'sx vxite' vxiudawe'sxtxi pa'yaçxa, ĩtxik dukh.

Hechos 9:32

Txajũ' Pedro' yakhthẽ'jwe'sxtxi Dxus yuwe's pta'sxya' kasehçxa', Lida çxhabte Jesusa's nwẽese'jsawe'sxtxiwa thegya' u'kh.