Hechos 23:9 - Páez

⁹ Txã'wẽ yũuçxa txãawe'sx pwe'sx wala sustxi ũusçxa we'wena. Aça' fxariseowe'sx ju'gusa ley kaapiya'jsawe'sx maaíi yu' kiiteçxa na'wẽtx we'we: —Naa piçthẽ'ja' ewmée yũusame'. Meeçxa' Dxus angel wá' yu', meeçxa' uusáa ũus wá' txã'wẽ vxyaa, nawa jiimeeçxa' kuçx we'wemeeyuga. Txã'wẽme', jiimeeçxa' Dxusa's wáa açewe'wesa yu'nja'w jĩ'tx.

Hechos 23:9 Referans Kwoze

Hechos 22:7

Aça' kiwega weteeçpkaçxha', na'wẽk we'weni pthũuse: Saulo, Saulo, ¿kĩh yũupa'gaga adxa's ahçeçxa pkxuuya' pakwé'? jĩte',

San Juan 12:29

Aça' nasa' txã'wẽ cielujũ we'weni's wẽse'jçxa': —Kpi'sxne' txã'jĩ jĩ'tx, naapkaçxha' vxite yu': —Teeçx angelne' txã'wẽ we'we jĩ'tx.

Hechos 26:31

Sa' fxiitx txuteena u'j, na'jĩna puutx we'weya' txãawe'sx pwe'sx: —Naa piçthẽ'ja' kĩh yuhwa yuuwemeesa' ikhkahn yuuwa. Sa' karcelteçxáa yuhwa ũswa'j ji'phme' jĩçxa',

Hechos 25:25

Nawa txã'wẽ ikhkahnwa kĩhtewa yuuwemeena'k thegu'. Nawa txãaíik Cesar paapẽyni wejx ewna jĩ'. Aça' txajx tasxna kaja'nja sũju'th.

Hechos 23:29

Aça' txãawe'sx ley pa'gaçxáata txã'wẽ açe', nawa ikhya' yu' ãjawa'jmeek yu' sa' karcelte txajxa'wa ãjawa'jme'.

San Marcos 2:16

Aça' Dxus leya's kaapiya'jsawe'sx vxite' fxariseowe'sxa' Jesusa' nasa txã'wẽsa ksxavxyte u'pte uyçxa', pẽjxtxi Jesus yakh u'jusawe'sxtxi: —I'kwe'sxtxi kaapiya'jsa ¿ma'wẽçxaga gobierno jĩi vxyu pkhakhsawe'sx vxite' pkalsawe'sx yakh ũ'wé'? jĩte',

1 Corintios 10:22

Kwe'sxtxi jxpe'jsa Jesukristo's kaaũusçxa'jwa'jsameetha'w kwe'sxa', txãa pa'gatey txãate jxthaakwe çxhãçxhasameetha'w naa pa'ga.

Hechos 27:23

Adxa' Dxusna selpisaath, aça' ãçxh kus Dxus angel vxyaaçxa

Hechos 23:8

(Saduceowe'sxa' uusaawe'sxa' ki' ĩtxi yuutxna sũju'çmeeta', sa' uute' nasaa ũus vxite' angeleswe'sx txã'wẽsa ũstxna sũju'çwameeta', naapkaçxha' fxariseowe'sxa' txã'wẽsa jxuka ũstxna sũju'tx, txãasatx puutx txutee.)

Hechos 11:17

Kwe'sxa' Jesukristo's nwẽese'pha'ga Dxusa' ma'wẽga txajx Espiritu's ũs, txã'wẽyku txãawe'sxtxiwa ũs. Aça' adxa' ¿ma'wẽ yũuçxa Dxus wedxni's wa'lna ũsuki'th?

Hechos 9:4

Aça' Saulo' weteçxa' wẽse'kh na'wẽ we'weni's: —Saulo, Saulo, ¿kĩh yũupa'gaga adxa's ahçeçxa pkxuuya' pakwé'? jĩte', Saulo' pẽjxku:

Hechos 5:39

Nawa Dxus jĩi wáana aça' txã'sa' i'kwe'sxa' ivxiituya' ãjãmeene'kwe. Dxus yakh puiisáa yuuya'mée mpa'yajkxwe jĩte',

San Lucas 23:22

Aça' Pilato' tekh uswa nasatx ki' we'wek na'jĩna: —Naa piçthẽ'ja' ¿kĩhga ewmée yũu? Adxa' makwe paapẽjxçxawa, ewmée yũuni's yu' uymeeth ikhkahn yuuwa. Txã'wẽ yuuwesa kasejeçme' aça' kaapeçxukwe'jçxaçxáa kaatxhweete'je'nja jĩtewa,

San Lucas 23:4

Aça' Pilato' sacerdote npiiçthẽ'jwe'sx nasa jxukaysatx na'wẽk we'we: —Naa piçthẽ'j yuuwe yuuni's uyu'çmeeth jĩtewa,

San Lucas 5:30

Aça' fxariseowe'sx vxite' ley kaapiya'jsawe'sxa' Jesus yakh u'jusawe'sxtxi' na'wẽtx açewe'we: —I'kwe'sxa' ¿ma'wẽtekwe txã'wẽ gobierno jĩi vxyu pkhakhsawe'sx yakh vxite' pkalsawe'sx yakh ũ'wé'? jĩte',

Hechos 22:6

Nawa adxa' ẽepxãh Damasko çxhabte utxaana pa'jaçpkaçxha', naa dudte ẽe walaju eenak kweeth adx dxi'pte uymeenus.