Hechos 22:1 - Páez

¹ —Yakhthẽ'j vxite' thẽ'jsawe'sx, mwẽese'jwe adx we'weni's jĩte',

Hechos 22:1 Referans Kwoze

Hechos 7:2

Estebana' pta'sxya' takhku: —Yakhthẽ'jwe'sx, na's mwẽese'jwe: Kwe'sx Dxus cielutewe'sxa' yaçgathẽ'j Abrahana's vxyaak Harán kiwete u'pxa' u'jmey nee Mesopotamia kiwete ũsiyna.

2 Timoteo 4:16

Adxa' nyafxçxah adx ma'wẽsaçxawa khuẽswe'sx tasxna pasya' u'the', kim yuhwa adx ju'gu yuumeeta', adxçxáanatx nvxiht. Txã'wẽ yũutewa, txãawe'sxtxi' Dxusa' peltunãywaça' sũju'th.

1 Pedro 3:15

wejxwa i'kwe'sx ũuste jxkaahsa Kristoçxá's weçxana mneewe'wewe. Na'wẽ i'kwe'sxtxi kaapiya'jni's jii i'kwe txã'sna paapẽysatxi's pasya' thaamemée meswe bagaçxtewa, sa' ũusçxa we'wemée ewçxáa mpaaswe.

Filipenses 1:17

Naapkaçxha' vxite' adxa's pu'çxna ew yajkxçxatx txã'wẽ yũ'. Adx yu' preesu ũsçxawa Dxus yuwe yu'sa' ũukhmée pta'sxna ũstewa jiiçxatx txãawe'sxwa ũukhmée ew yũ'.

Filipenses 1:7

Adxa' Dxus yuwe's pta'sxpa'gaçxáa ãçxha' karcelte ũsthu. Nawa khuẽs tasxte pa'yama'tx pẽjxya' nawa Dxus yuwe ewsa yuja' jĩna pta'sxna nes yu'nja, txã'wẽy i'kwe'sxwa tuuthe'j pu'çxna ũsi'kwe. Txãa pa'ga adxa' i'kwe'sxtxi iiméh wala peeygãhna jxukaysatx peçxkanamée yajkxna fxi'zete', wala weçxa yuja'.

2 Corintios 12:19

Kwe'sx dxi'pte ewte neeyũu wẽeçxaçxáak txã'jĩ' sũjuwá'kwe, nawa txã'wẽmeeth, wejxwa Dxus dxi'pteth we'we' Kristo jxkaahniçxá's, kxah i'kwe'sxa' Dxus yakh jweeíiçxáa çxhãçxha fxi'zewa'ja's uyuune'kwe, adx yakhthẽ'jwe'sx yaakxnisa.

2 Corintios 7:11

I'kwe'sxa' Dxusçxáana yajkxna ne'kwe txãa nxusnisa's ahçemée jxpa'ga. Aça' txã'wẽ yũupa'ga ma'wẽga ew fxi'zewa'j kaseh txã'sa' miiyajkxwe naata': Ãhmée ne'tka'w yuu sũhna ũukhçxa yuwe's pheu'jya' yajkx i'kwe, txãa ewmée yũusa's kastigãywa'ja's puutx we'wena. Txã'wẽ yũuçxa', adx yakh puutx uyya' yajkx i'kwe. Txãasa i'kwe yuuwemeesa yuu.

1 Corintios 9:3

Adxna nuywe'wesatxi' na'wẽth pasu':

Romanos 2:15

Txã'wẽ yũuwa'ja's Dxusne' kaaũusuthe'je', txãa pa'gatx ãate kaavxya'ja'jna ewçxáa fxi'ze'. Txã'wẽ yũuwa'ja's txãawe'sx ũus yaakxni' kaajiyu'ju'ne' kĩh yũuni ewmeesatewa sa' kĩh yũuni ewsatewa txã'wẽy.

Hechos 28:17

Kxte pa'jni tekh en skhẽwniite', Pablo' pa'ya kaakh kxte Romate judiu npiiçthẽ'jwe'sxtxi. Sa' pkhaakhete', na'wẽk we'we: —Adxa' kĩhwa ewmée yu' yũumeeth judiuwe'sxtxi, sa' kwe'sx yaçgawe'sx kaapiya'jni'swa ahçena fxi'ze'çmeeth. Makwe txã'wẽtewa, Jerusalente adxa's tudçxa romanowe'sxtxi dukhtxi.

Hechos 26:24

Pablo txã'wẽ we'wete', Fxesto' na'jĩnak sus we'we: —Pablo, luuku yuunig. Jwee wala piyaçxane'ga txã'wẽ luuku yuu jĩte',

Hechos 25:16

Aça' adxa' pta'sxthu: Romanowe'sx leya' maa yuhnawa ikh kaja'çme', pãatxhĩ'khsa yuuwesa yakh kaapdxi'pu'jçxa kim yuuwetewa jiyumey yu'.

Hechos 25:8

Txajũ' Pablo' na'wẽk pas: —Adxa' kĩhte yuhwa yuuwemeeth. Judiuwe'sx ley, Dxus yatna, Romate jxkaahsa Cesar maate yuhwa yuuwemeeth jĩte',

Hechos 24:10

ne'jwe'sxa' kuseju pta'sxku Pablo's we'wekahn. Aça' Pablo' na'wẽk we'we: —Adxa' jiith idxa' wala kuh anxu yã'j kwe'sx kiwete jxkaahna ũsgu. Txãa pa'ga adxa' iidx dxi'pte ũukhmée pasya'wath adx ma'wẽsaçxawa.

Hechos 23:6

Txajũ' kxte pkhaakhesawe'sxa' saduceo vxite' fxariseowe'sx txãawe'sxtewa jiyuçxa', Pablo' na'wẽk sus we'we: —Yakhthẽ'jwe'sx, adxa' fxariseo ji'j, fxariseo íiçxáath. Uusaawe'sxa' ki' ĩtxĩ yuuwa'jsa yuhta' sũhna yaakxsath. Txãa pa'ga yuuçxáa adxa's ewmeesa' jĩna ũsta'.

Hechos 23:1

Pablo' sacerdote npiiçthẽ'jwe'sx vxite' judiu nthẽ'jsawe'sx pkhaakhesatx thegçxa', na'wẽk we'we: —Yakhthẽ'jwe'sx, adxa' ãçxpkaçx Dxus dxi'pte jxpubath sũhwa'j yu'sa' ji'phmeeth jĩte',

Hechos 19:33

Nawa kxte ũssa maaíi yu' kĩh yũupa'ga ũusaçxana ũstewa jiisa', teeçx piçthẽ'j Alejandro yaasesa's pta'sxçxa nasaa ksxavxyte ukapajkxna nuykũhtx we'wewa'jsa. Aça' txãa piçthẽ'ja' sxuuna' yuuwa'ja's kuseju pta'sxçxa judiuwe'sxa' yuuwemeetha'w jĩna we'we wẽek.

Hechos 13:26

Yakhthẽ'jwe'sx Abrahan ji'j, vxite nasawa Dxusna nwẽese'jsa i'kwe'sx ewte neeyũuwa'ja's pta'sxnik yuu.

San Lucas 21:14

I'kwe'sxa' txãawe'sxtxi' ¿ma'wẽ pasukxtha'w? sũhna kuh yajkxmeene'kwe,

San Lucas 12:11

Na'jĩ'th na': i'kwe'sxtxi judiuwe'sx pkhaakhenisu meeçxa' khuẽswe'sx tasxte kuutxa'thewa, ũukhnuwe kuh yajkxna kĩh we'weki'th sũhna.