Hechos 21:11 - Páez

¹¹ Txã' kwe'sxtxi puutx uyçxa', Pablo jxtudni's pẽjxçxa peekíiçxáa çxida petx kuse yakh ya'jytudçxa na'wẽk we'we: —Dxus Espiritu' pta'sxi'k, Jerusalente judiuwe'sxa' naa jxtudni namu's na'wẽ tudçxa vxite nasatx dukhetxna jĩk.

Hechos 21:11 Referans Kwoze

Hechos 21:33

Txajũ' komadante kũhçxa Pablo's e'z kadenajuk tudkaah. Txã'wẽ yũuçxak pẽjx ¿kimna sa' kĩhga yũu? jĩna.

Hechos 20:23

Naasáa na'wẽ yuuçxáa jiith: maa çxhabte u'thewa Dxus Espiritu' pta'sxna nesku yu' karcelte kxuuphni wala nxuswa'j ji'phgu jĩna.

1 Pedro 1:12

Txã'wẽ paapẽjxna ũste', Dxusa' txãawe'sxtxi pejka kaajiyu'kh txã'wẽ pta'sxnisa' i'kwe'sx jĩi meea', vxite ensuwe'sx jĩia' jĩk. Txã'wẽ ewte neeyũuwa'j seena' wẽtwẽt-sa's Dxus ũsku txã'sa' angeleswe'sx yuhwa jweeíiçxáa wala jiyuwaça' sũju'tx, txã'wẽ seena' zhiçxkwesa pa'ga.

Hebreos 10:34

I'kwe'sxa' karcelte ũssawe'sx pa'gate peeygãawa'ja's ji'phui'kwe, sa' i'kwe'sx ji'phunitx kusa'jaçte', ũusaçxamée weçxanai'kwe neeyũu. Cielute bagaçxteçxáa yuhwa pçuwa'jsamée thaakwe ewsa's jiiçxai'kwe txã'wẽ yũu.

Hebreos 3:7

Txãa pa'ga txãa yakhçxáa fxi'zewa'ja's na'wẽk pta'sxi' Dxus Espiritu': Ãçxh Dxus we'weni's wẽse'jyã'jçxa',

2 Timoteo 2:9

Txã'wẽ Kristo yuwe ewsa's pta'sxpa'ga yuuçxáa preesu ũsthu yuuwesa na'wẽ tudni pxthaa yuuna. Nawa Dxus yuwe yu's tud-ya' ãjameetxna.

Efesios 6:20

Txã'sna pta'sxwa'jsa íiçxáak Dxusa' adxa's nvxiht, aça' txãa pa'ga íiçxáa ãçxha' preesu ũsthu. Aça' i'kwe'sxa' Dxusa's neewe'wena meswe, txajx yuwe's ũukhmée pta'sxkahn.

Efesios 4:1

Kristo's selpiipa'ga adxa' preesu ũsthu, nawa i'kwe'sxtxi neewe'we'th: ma'wẽ fxi'zekahn ne' Dxusa' i'kwe'sxtxi txhitxh txã'sa' kxtey yuuna meswe.

Efesios 3:1

Txã'wẽ adxa' Jesukristo kaapiya'jni's pta'sxpa'ga i'kwe'sx judiu ji'jmeeçxawa Dxus yakh fxi'zewa'ja's ji'phupa'ga, preesu ũsçxawa, Dxus yakh puutx we'we'th.

Hechos 28:25

Txã'wẽ maaíi yu' nwẽese'j wẽemeeçxa txuteena u'jweçte', Pablo' na'wẽk txãawe'sxtxi we'we: —Dxus yuwe pta'sxsa Isaiasa's Dxus Espiritu kwe'we'the', isa yuh na'jĩna pta'sxne' kwe'sx yaçgawe'sxtxi':

Hechos 28:20

Txãasath i'kwe'sxtxi pa'ya txã'jĩna pta'sxya'. Israelwe'sxa' ũythasu'tha'w Dxus tasxuh yuusa Kristo's txãa pa'ga yuuçxáa adxa' na'wẽ kadenaju tudni ũsthu.

Hechos 28:17

Kxte pa'jni tekh en skhẽwniite', Pablo' pa'ya kaakh kxte Romate judiu npiiçthẽ'jwe'sxtxi. Sa' pkhaakhete', na'wẽk we'we: —Adxa' kĩhwa ewmée yu' yũumeeth judiuwe'sxtxi, sa' kwe'sx yaçgawe'sx kaapiya'jni'swa ahçena fxi'ze'çmeeth. Makwe txã'wẽtewa, Jerusalente adxa's tudçxa romanowe'sxtxi dukhtxi.

Hechos 26:29

Pablo we'weçxa': —Le'çxkuẽe ma'k pejíi meeçxa' wala ma'k pejíi nawa idxçxáamée, ayte ãçxh wẽse'jna ũsta' txãawe'sx jxukaysatxku Kristo ju'gu yuu jxthãasu' Dxusa', adxwa ma'wẽtka Kristo ju'gu yuu txã'wẽy, nawa kadenaju tudnimée.

Hechos 24:27

Txã'wẽ e'z anxupkaçx Pablo's karcelte jxpe'jna ũsçxaçxáa Fxelixa' ne'jwe'sx kasejk, aça' vxite ne'jwe'sx Porcio Fxestok u'ka. Nawa Fxelixa' judiuwe'sx yaaçeni fxi'ze wẽemeeçxa, Pablo's karcelte nvxihtku.

Hechos 22:25

Nawa tuduçpkaçxha', Pablo' na'wẽk we'we kpiitana's: —I'kwe'sxa' romano nasa's peçxujkwete ¿ewmanx? kĩh yuuwetewa jiyumey.

Hechos 16:6

Txajũ' Pablowe'sxa' Fxrigia Galaciasutx ktejkana u'j, Dxus Espiritu' Asia kiwesu jwee yu' Dxus yuwe's kaapta'sxi'jme' naa pa'ga.

Hechos 13:2

Txãawe'sxa' teeçx ente' Dxusna selpiina yũunaana ũste', Dxus Espiritu' na'wẽk we'we: —Saulo Bernabé yakh mkaahwe adxa's selpikahn, txãawe'sxa' adx pa'yanisata' mjĩiwa'jsa jĩk.

Hechos 9:16

Adxa' txãa piçthẽ'ja's pta'sxi'nja adxna selpiina u'jupa'ga makwe pkxuuni yuuwa'ja'swa jĩte',

San Juan 18:1

Jesusa' txã'wẽ neewe'wena jxã'jçxa', Cedron yu'kuten ktejkana u'kh, txãa yakh u'jusawe'sx yã'jçxa teeçx walta ũsa' kxtee u'kaya'.

Hechos 8:29

Txajũ' Dxus Espiritu' Fxelipe's we'wek: Kaçxetilxate u'jsa's kpajkxya' me'j jĩte',

Hechos 21:4

Kxte' Kristo's nwẽese'jsawe'sxtxitha'w uy, sa' siete entha'w ũsu' txãawe'sx yakh. Aça' txãawe'sxtxi Dxus Espiritu kaajiyu'the', Pablo's pta'sxtxi Jerusalenna u'jmeene'ga jĩna.

1 Timoteo 4:1

Txã'wẽ ew ãate kaavxya'ja'jni yuutewa, maaíi yu' nmeh en yuuçte' Dxus tasxu txuteetxna eçxthẽ'j ĩsxiina kaapiya'jnite fxi'zeya'. Txã'jĩnak Dxus Espiritu' ãate pta'sxi'.