Hechos 2:30 - Páez

³⁰ Nawa Davxida' Dxus yuwe pta'sxsak yu'. Txãasak jii yu' Dxusa' teeçx ũsya' puutx we'wek txajx ji'thewe'sx txã' Kristok yu' Davxid na'wẽy jxkaahwa'jsa txã'snak jii yu'.

Hechos 2:30 Referans Kwoze

2 Pedro 1:21

Txãa pa'gatey Dxus kĩh yũuya'watewa dxiikhẽy pta'sxsawe'sxa' Dxus yakh fxi'zesatx yu', sa' peekx ũusuhçxáa yajkxçxa we'wemée, Dxus Espiritu kwe'we'thetx txã'wẽ fxi'jna ũsu'.

2 Timoteo 2:8

Ãçxha' Jesukristo' jxkaahsa Davxid ji'j uuçxawa ki' ĩtxi yuuk txã'sna myajkx. Adxa' txã'snath pta'sxi' ewte nvxiitwa'jsa' jĩna.

Romanos 1:3

Aça' txãa Dxus yuwe ewte nvxiitwa'jsa' kwe'sxtxi jxpe'jsa Jesukristo Dxus Nçxi'ka'sku we'we'. Aça' Jesukristo' naa kiwete yu' jxkaahsa Davxid ji'thek upx kakwe yu'.

San Marcos 12:36

Naapkaçxha' Dxus Espiritu kaayaki'the' Davxida' Kristo's we'weçxa' na'jĩk: Adxna jxpe'jsa Kristo's Dxusa' na'jĩk: Adx pukate paçu ju'gte mkaaçx, Idxna açesatx idxçxaçxáana nwẽese'jwa'ja's vxitna jxã'phkaçx jĩk.

Apocalipsis 19:16

Sa' txajx athni ropate vxite' jĩ'besu na'jĩna fxi'jnik ji'phu': Maa Jxkaahsatewa Jxthaakwe Jxtuhthesa', sa' Maatewa Jxthaakwe Çxhãçxhasa' jĩna.

Apocalipsis 17:14

Txã'wẽ yũuçxa Piisxakuẽ jĩnisa yakh puiitxna. Nawa Piisxakuẽ jĩnisa yuh pejka knayuuna txãawe'sxtxi', txãa pa'gatey txã' Maatewa Jxthaakwe Çxhãçxhasa', sa' Maa Jxkaahsatewa Jxthaakwe Jxtuhthesa'. Aça' txãa yakh ũssa' Dxus peeygãhçxa nwe'wenisata' txãa yakh txutemée fxi'zesa.

Hebreos 7:21

Dxus tasxte kuutxa'jya' ãjawa'jsa jĩnisa nyafxiiwe'sxtxi' Dxusa' juraĩmeek nvxiht. Nawa Jesusa's txã'wẽ yuuwa'jsa nvxiituççxa', jurãyçxak nvxiht. Txajíik Dxus librute na'jĩna we'we': Idxa' bagaçxtewa pkalsawe'sx ju'gu we'we pu'çxna nes yuune'ga jĩnak Dxusa' txajx we'weni's jurãy na' yu'pthehmeena.

Hebreos 6:17

Txãa pa'gak Dxuswa txã'wẽy jurãy: Adx puutx we'weni's kxtey yu'nja jĩna. Dxusa' txajx puutx we'weni's le'çxkweçxáa yuhwa yu'pthehmée kxtey yuuya'k ũsu', aça' txã'sna jxpa'gawa'jsa' kxtey yuuyujuna sũhnaçxáa ũskahnku txã'wẽ yũu.

Hebreos 4:7

Txã'wẽ yũuni en skhẽwniijũ wala txaçxtek Dxusa' Davxida's na'jĩna kwe'we'j: Ãçxh Dxus we'weni's wẽse'jyã'jçxa', Wa'lna nwẽese'jmée yu' yuunuwe jĩ'k. Txãa yu' ãçxh naa ensuwe'sxwa txã'wẽy yũuwe'sxtek txã'jĩ.

Hebreos 3:7

Txãa pa'ga txãa yakhçxáa fxi'zewa'ja's na'wẽk pta'sxi' Dxus Espiritu': Ãçxh Dxus we'weni's wẽse'jyã'jçxa',

Romanos 15:12

Txajíiçxáak Isaiaswa na'jĩna fxi'j: Jesé ji'j teeçx kasejena, judiu ji'jmée vxite nasatx jxuka yamuya'. Aça' txãawe'sxa' nwe'wenisa yuutxna jĩ'k.

Hechos 1:16

—Yakhthẽ'jwe'sx mjiyuwe: Judas ewmée yũuwa'ja's Davxida' fxi'kh Dxus Espiritu kaaũusuthe'jni's Dxus librute txã' kxtey yuuwa'jsa yuh yu'ne'. Txajíik Judasa' Jesusa's preesu'jwa'jsatx pe'jna kũhçxa dukh.

San Lucas 24:44

Sa' na'jĩnak we'we: —Adxna na'wẽ yũuk txã'snath adxa' i'kwe'sx yakh nee u'juy pta'sx. Moises ley fxi'jni vxite' Dxus yuwee pta'sxsawe'sx librute fxi'jni vxite' Salmos librute fxi'jni ũsta', adxa's ma'wẽ yũuwa'ja'swa txã' jxuka kxtey yuuna jĩnath pta'sx.

San Mateo 27:35

Kluuskhẽ a'kxçxa', soldauwe'sxa' swerte kaahtx Jesus athni ropa's maa soldau knaytewa jiyuya'. Dxus yuwe pta'sxsa' na'jĩnak we'we txã' kxtey yuuk: Swerte kaahçxa adx ropa's txudeedetx txãawe'sx pwe'sx jĩnak we'we.

San Mateo 22:43

Jesusa' na'wẽk we'we: —Txã'wẽte', ¿ma'wẽçxaga Davxida's Dxus Espiritu kaayaki'the' Kristo's we'weçxa' na'jĩ:

Hebreos 1:1

Dxusa' txãniitey kwe'sx yaçgawe'sxtxi maazkuẽe uswa we'wek fxiyfxiyçxah txajx yuwee pta'sxsawe'sxtxi jxkaahçxa.