Hechos 16:17 - Páez

¹⁷ Txãa kna'sa' kwe'sx e'stey yuwe'k Pablo's na'wẽ sus we'wena: —Naa piçthẽ'jwe'sxa' cielute Dxusna selpisaata', txãasatx i'kwe'sxtxi' pta'sxi' ewte u'jwa'j dxi'ja's jĩna.

Hechos 16:17 Referans Kwoze

San Juan 14:6

Jesusa' pta'sxku dxi'ja's: —Adx yuuçxáa Dxus tasxte kaapa'ja'jwa'jsath, sa' adx yuuçxáa kaypuba'jwa'jsameeth, sa' adx yuuçxáa ĩtxi kaafxi'ze'jwa'jsath. Aça' adxpa'ga yuuçxáa maawa adx Tata tasxte pa'jya' ãjatxna.

1 Pedro 2:16

Dxus nwe'wenisa yã'jçxa', ew mfxi'zewe. Nawa nwe'wenisa yã'tha'w aça' kimwa ma'jĩmeena sũhçxa ewmée yũunuwe, wejxwa Dxus kusete selpisaatha'w sũhna ew yũuwa'jçxá's yajkxna mfxi'zewe.

San Marcos 5:7

sus we'wena: —¿Adxa's kĩh yũuya'waga? Jesus, Dxus ĩtxĩsa Nçxi'k. Dxus pa'ga adxa's peeygãhçxa txakwe seena' wala nxuste yu' kaahnu jĩk.

San Lucas 4:41

Txãa ãçã'sawe'sx maaíi yu' eçx luuku vxit-sa's ũuste ji'phtewa txãa eçxwa suhs na'jĩna kasehtx: —Idxa' Dxus Nçxi'kgu jĩna. Txãawe'sxa' Dxus Nçxi'ktewa jiitx yu'. Nawa Jesusa' juuna' we'weçxa jwee yu' kwe'we'jme'.

San Lucas 4:34

—Jesus Nasarethuwe'sx, kwe'sxtxi' ¿kĩhga yũu wẽjẽ'? Kuçx yuunu. Meeçxa' ¿ivxiituya'wagá'? Idx kimtewa jiith. Idxa' Dxus kaahnisag jĩte',

San Lucas 1:79

Çxhi'dxte uu ente na'wẽ yã'j ũstewa, wẽt eena'te nvxiht-ya'. Sa' kwe'sxtxiwa jxpubamée ewte kaafxi'ze'jya'k txã'wẽ yũu jĩnak we'we Zakariasa'.

Hechos 19:13

Txã'wẽ yũute', judiuwe'sx dxijxuuçxa eçxtxi nasaa ũusuh kutxi'jsawe'sxwa Jesus yase's kxsusçxa eçxtxi kutxi'jya' na'wẽtx we'we': —Pablo kxsusnisa Jesus yasete jxkaajaçthu kasejkahn jĩnatx we'we'.

Hechos 18:26

Apolosa' judiuwe'sx pkhaakheni yatte u'kaçxa sxiigmeek pta'sxi'. Aça' Priscila Akilawe'sx jiyuçxa', txãa Apolos txã'sçxáa fxii pe'jna u'jçxa, jweeíiçxáatx ew pta'sx Jesukristo yakh fxi'zewa'ja's jxuka.

San Lucas 20:21

Sa' na'jĩnatx paapẽjx: —Kwe'sxa' idxa's jiitha'w. Idxa' isasaçxá'sgu pta'sxi', Dxus tasxte pa'jwa'j dxi'ja's kaapiya'jna. Sa' nasaa jxkaahna yu'kxpehnitx nwẽese'je'çmeeg, txãa pa'gatey idxa' nasa ewsa na'wẽ thegsatx jiyumey ju'gu yu'çmeeg.

San Lucas 1:77

Kxah nasa' pkalpa'ga peltunãywa'ja's maawa jiyuçxa, ewte neeyũuwa'ja's ji'phutxna.

San Marcos 12:14

Aça' txãawe'sxa' na'wẽtx paapẽjx Jesusa's: —Idxa's kwe'sxa' jiitha'w. Idxa' isasaçxá'sgu we'we', Dxus tasxte pa'jwa'j dxi'ja's kaapiya'jna. Sa' nasaa jxkaahna yu'kxpehnitx nwẽese'je'çmeeg, txãa pa'gatey idxa' nasa ewsa na'wẽ thegsatx jiyumey ju'gu yu'çmeeg. Idx ¿ma'jĩki'g? Jxkaahsa Cesara's vxyu dukhte ¿ewmanx? Meeçxa' dukhmeete wáa ¿ewna? jĩna pẽjxte',

San Marcos 1:24

—Jesus, Nasarethuwe'sx, kwe'sxtxi' ¿kĩh ya'waga? ¿Ivxiituya' wá'ga yuwé'? Idx kimtewa jiith. Idxa' Dxus kaahnisag jĩte',

San Mateo 22:16

Txã'wẽ yũuçxa' txãawe'sx ju'gu ũssa vxite' Herodes nasa txãawe'sxtxi' kaahtx Jesusa's na'jĩna pẽykahn: —Kaapiya'jsa, idxa's jiitha'w, kĩhtewa isasaçxáanag we'we'. Sa' Dxus tasxte pa'jwa'j dxi'ja'swa ew yuuçxáag kaapiya'ja'. Nasaa jxkaahna yu'kxpehnitx nwẽese'je'çmeeg, txãa pa'gatey idxa' nasa ewsa na'wẽ thegsatx jiyumey ju'gu yu'çmeeg.

San Mateo 8:29

Txãa eçx iiyamunisa' na'jĩnatx sus we'we: —Dxus Nçxi'k Jesus, kwe'sx nxuste ũswa'j en ãhmeyna, ¿nxuste akhya' yuwe'wá'ga? jĩ'tx.

San Lucas 8:28

Sa' Jesusa's uyçxa', tasxte peejxũkweçxa', na'jĩnak suhs we'we: —Jesus, Dxus ĩtxisa Nçxi'k, adxa'sa' ¿kĩhga yũu wẽjẽ'? Adxa's nxuste ũswa'the akhkahmén pxthaath we'we' jĩk.

2 Pedro 2:2

Txã'wẽ yũute', maazkuẽesawa txãawe'sx ewmeesa's kaapiya'jniçxá's kxtey yuuna fxi'zetxna, aça' txãawe'sx pa'gaçxáa Dxus yuwe isasa yu' açewe'weni yuuna.