Hechos 15:8 - Páez

⁸ Dxusa' jiia' maaçxah nwẽese'jwa'jsatewa, txãasa íik vxite nasawa txã'sna nwẽese'jwa'jsa yuutxi's txajx Espiritu's ũs, kwe'sxtxiwa ma'wẽga txajx Espiritu's ũs txã'wẽy.

Hechos 15:8 Referans Kwoze

Hechos 1:24

Sa' na'wẽtx Dxus yakh puutx we'we: —Idxa' maa maa nasa ũus yaakxni'swa jiig. Kwe'sxtxi meen mkhiyu'j naa e'zsatx maaçxahtxga txhitxh,

Hechos 10:47

Txajũ' Pedro' na'jĩk: —Naa nasawa kwe'sx na'wẽy Dxus Espiritu's jxpa'ga yã'the', yu'te bautisãywa'ja's ¿kimçxá' yupxa' ãjama'k? jĩçxa',

Apocalipsis 2:23

Sa' txãa u'y luuçxtxi's ikhe'nja. Txã'wẽ yũute Dxus luuçxa' jxukaysa jiyutxna adxa' txãawe'sx ũus dxiiju yaakxni's jxuka jiyusatewa. Sa' i'kwe'sx teeçxsa na'wẽçxah kĩh yũusatewa, ka'tuwa txã'wẽy yu'nja.

Hebreos 4:13

Dxus vxitnisa' kĩh yuhwa txajx dxi'pte paaçte uynimeete yu' neeyũumeetxna. Kĩjkĩhwa jxuka ãateçxaçxáa ũsta' kwe'sxtxi kastigãywa'jsa ũsa' txajx dxi'pte.

Hechos 14:3

Txã'wẽ açepa'gaíiçxáatx Pablowe'sxa' jweeíiçxáa kxte txaçx ũsu', Dxusa' pu'çxhina sũhna ũukhmée pta'sxna. Aça' Pablowe'sx txã'wẽ Dxus peeygãani's pta'sxte', Dxusa' kxte nasa wẽse'jsa yuutxi' ewku kaajiyu'j Pablowe'sxtxi kĩhwa seena'sa's kaavxya'ja'jya' ãjawa'ja's ũsçxa.

Hechos 2:4

Aça' jxukaysa ja'daçxah txãawe'sx ũuste Dxus Espiritu yuuçxaçxáa jxuka khẽete', txã'sna jxpa'gaçxa maa nasa we'weni yuwe'swa we'weya' ãjatx, Dxus Espiritu maa yuweju we'wewa'ja's jxkaathe' txãaju.

Hebreos 2:4

Txãawe'sxçxáa isasa yuja' jĩmeeta', Dxus yuuk isasa yuhna sũhna jiyukahn kim yuhwa ãjanimeesa's kaavxya'ja'j. Sa' Dxus Espiritu pu'çxte kĩhte yuhwa sxiigmée selpiina fxi'zewa'jtx ũsku teeçxsa na'wẽçxah, txajx ũs wẽeni yu's jxuka.

Hechos 4:31

Txã'jĩna Dxus yakh puutx we'wena jxã'jaçpkaçxha', txãawe'sx pkhaakhenite' ehd u'kh, naapkaçxha' Dxus Espiritu' txãawe'sx ũuste khẽete', Dxus yuwe's ũukhméetx pta'sxi'.

San Juan 21:17

Tekh uswa ki' pẽjxku Jesusa': —Jonas nçxi'k Simon, ¿adxa's wedxi'gá'? Aça' Pedro' wala nxusku txã'wẽ tekh us ¿adxa's wedxi'gá'? jĩna pẽjxte'. Sa' na'jĩk: —Idxa' jxuka jiig adx idxa's wedxiçtewa jĩte', Jesusa' na'jĩnak neewe'we: —Txã'wẽçxa' adx piisxaatx jxpa'yakx miipe'j.

San Juan 5:37

Txã'wẽy adxna kaahsawa isak pta'sxi' adxa's tuuthe'jna. Txã'wẽtewa, i'kwe'sxa' bagaçxte yuhwa txajx we'weni's iiwẽse'jmeene'kwe, sa' txã'sa' iiuywameene'kwe.

Hechos 15:28

I'kwe'sxtxi' jwee yu' thaakwe jxkaahmée na'wẽçxáa yũuwa'ja'sku Dxus Espiritu' kwe'sxtxi kaaũusuthe'j: