Hechos 1:16 - Páez

¹⁶ —Yakhthẽ'jwe'sx mjiyuwe: Judas ewmée yũuwa'ja's Davxida' fxi'kh Dxus Espiritu kaaũusuthe'jni's Dxus librute txã' kxtey yuuwa'jsa yuh yu'ne'. Txajíik Judasa' Jesusa's preesu'jwa'jsatx pe'jna kũhçxa dukh.

Hechos 1:16 Referans Kwoze

San Juan 13:18

I'kwe'sx jxukaysa yuutxi' txã'jĩ'çmeeth. Jiith kimçxah adx txhitxhnisatewa. Nawa Dxus librute na'wẽ fxi'jni ũsa': Adx yakh ih ũ'saçxawa, adxa's ahçeçxa kiikhe'jya'wa' jĩna fxi'jni' kxtey yuukahnthu txã'jĩ'.

Hechos 1:20

Judas uuwa'ja's we'weçxak Salmo librute na'jĩ': Txãa yatte u'pwa'jsa kim yuhwa neeyũumeetxna, Aça' txajx yata' namu ji'phmée peekx neeyũuna jĩ'k. Vxite ajkhẽwa na'wẽ fxi'jni': Txajx mjĩiwa'ja's vxite tee mjĩi jĩna fxi'jni'.

San Mateo 26:56

Nawa Dxus yuwe pta'sxsawe'sx fxi'jçxa nvxiitni kxtey yuukahnçxáa txã'wẽ yuuça' jĩk. Naapkaçxha' Jesus yakh u'jusawe'sxa' txã'sçxáana nvxihtçxa jxuka ũphna u'jtx.

San Mateo 26:54

Txã'wẽ pẽjxte', kxtey yuuyujuna, nawa Dxus librute' nyafxiitey pta'sxni yã'kh yu' ãçxh na'wẽ tuduçta' txã' kxtey yuukahn, aça' nwe'wewa'jsa pẽjxme'nja.

San Mateo 26:47

Jesus kxtee we'wena nee ũsiyna, Judasa' pa'kh. Txã' docesatewe'sxíiçxáak yu'. Aça' txãa yakh nasa wala kuh pa'jtx kçxilx vxite' fxtũ atçxa. Txãawe'sxa' sacerdote npiiçthẽ'jwe'sx vxite' judiu nthẽ'jsawe'sx jxkaahnisatx yu'.

1 Pedro 1:11

Txã'wẽ Dxus Espiritu' txãawe'sxtxi' dxiikhẽy kaajiyu'kh ewte nvxiitwa'jsa' wala pxthaa yuuçxawa txãa e'su' wala jxtuhthesa yuuwa'jsa' jĩna. Txãa pa'gatx Dxusna selpisaawe'sxa' jiyu wẽe txã'wẽ yuuwa'jsa' kimki sa' bagaçxki açki'k Dxus Espiritu' txã'wẽ pta'sxi' sũhna.

San Marcos 14:43

Kxtee we'wena nee ũsiyna, Judasa' kũjk. Txãa yu' Jesus yakh u'jusa docesatewe'sxíiçxáak yu', aça' txãa Judas yakh nasa wala kũhtx kçxilx fxtũ txã'wẽ atçxa. Txãawe'sx yu' Dxus leya's kaapiya'jsawe'sx vxite' sacerdote npiiçthẽ'jwe'sx vxite' judiu nthẽ'jsawe'sx jxkaahnitx yu'.

2 Pedro 2:21

Txãawe'sxa' isa kaapiya'jni's jiyumeewaçne' wejx ew yu', txã'wẽ Dxus jxkaahni's jiyuçxa ki' txuteena ũsya'mée.

Hechos 23:6

Txajũ' kxte pkhaakhesawe'sxa' saduceo vxite' fxariseowe'sx txãawe'sxtewa jiyuçxa', Pablo' na'wẽk sus we'we: —Yakhthẽ'jwe'sx, adxa' fxariseo ji'j, fxariseo íiçxáath. Uusaawe'sxa' ki' ĩtxĩ yuuwa'jsa yuhta' sũhna yaakxsath. Txãa pa'ga yuuçxáa adxa's ewmeesa' jĩna ũsta'.

Hechos 23:1

Pablo' sacerdote npiiçthẽ'jwe'sx vxite' judiu nthẽ'jsawe'sx pkhaakhesatx thegçxa', na'wẽk we'we: —Yakhthẽ'jwe'sx, adxa' ãçxpkaçx Dxus dxi'pte jxpubath sũhwa'j yu'sa' ji'phmeeth jĩte',

Hechos 22:1

—Yakhthẽ'j vxite' thẽ'jsawe'sx, mwẽese'jwe adx we'weni's jĩte',

Hechos 15:7

Txã'wẽ wala txaçx txãa yuwe's puutx we'wenijũ', Pedro' kiiteçxa na'wẽk we'we: —Yakhthẽ'jwe'sx, i'kwe'sxa' jii i'kwe Dxusa' adxa's txhitxhku txajx yuwe ewte nvxiitwa'jsa's pta'sxkahn judiu ji'jmée vxite nasatxwa, kxah txãawe'sxwa jiyukahn.

Hechos 13:38

Ãçxha' yakhthẽ'jwe'sx i'kwe'sxa' mjiyuwe: I'kwe'sx pkaltxi peltunãywa'ja's pta'sxi'tha'w, nawa peltunãywa'jsa' Jesus yuuçxá'.

Hechos 13:15

Aça' pkhaakheni yatte npiiçthẽ'ja' Dxus ley vxite' Dxus yuwe pta'sxsa fxi'jni's lẽeyna jxã'jçxa', na'wẽtx we'we: —Yakhthẽ'jwe'sx, kĩh we'wewa'j ji'phçxa', myu'kxpehwe nasatx ãçxhíi jĩte',

Hechos 7:2

Estebana' pta'sxya' takhku: —Yakhthẽ'jwe'sx, na's mwẽese'jwe: Kwe'sx Dxus cielutewe'sxa' yaçgathẽ'j Abrahana's vxyaak Harán kiwete u'pxa' u'jmey nee Mesopotamia kiwete ũsiyna.

Hechos 2:37

Txã'jĩna pta'sxte wẽse'jçxa', ũuste wala nxus yajkxtxi. Sa' Pedrowe'sxtxi pẽjxtxi: —Yakhthẽ'jwe'sx, ãçxha' ¿ma'wẽ yũukxtha'w? jĩte',

Hechos 2:23

Nawa txã'sa' kluuste fxuççxa ikhkahn i'kwe'sxa' dukhi'kwe nasa ewmeesa kusete. Txã'wẽ uuwa'ja's Dxusne' txhitxhçxa nvxiht txãniitey, txãa pa'ga i'kwe txã'wẽ yũu.

San Juan 19:36

Nawa Dxus librute' na'wẽ fxi'jni': Iidx dxi'thtxi' teeçxçxáa yuhwa çxkahdemeetxna jĩni kxtey yuukahntxi txã'wẽ yũu.

San Juan 10:35

Jiitha'w Dxus librute fxi'jni's maawa weeçx we'wewa'jme'. Maawa Dxus yuwe's jxpa'gasayã'ja', Dxus i'kwe jĩnak we'we Dxusa'.

San Lucas 22:47

Jesusa' kxtee we'wena nee ũsiyna, nasa wala kũhtx. Aça' Jesus yakh u'jusa Judas yu' txãa nasa yaçte kũhçxa, Jesus tasxte utxaak pukakwette weçxaya'.

San Marcos 12:36

Naapkaçxha' Dxus Espiritu kaayaki'the' Davxida' Kristo's we'weçxa' na'jĩk: Adxna jxpe'jsa Kristo's Dxusa' na'jĩk: Adx pukate paçu ju'gte mkaaçx, Idxna açesatx idxçxaçxáana nwẽese'jwa'ja's vxitna jxã'phkaçx jĩk.

Hechos 28:25

Txã'wẽ maaíi yu' nwẽese'j wẽemeeçxa txuteena u'jweçte', Pablo' na'wẽk txãawe'sxtxi we'we: —Dxus yuwe pta'sxsa Isaiasa's Dxus Espiritu kwe'we'the', isa yuh na'jĩna pta'sxne' kwe'sx yaçgawe'sxtxi':

Hechos 28:17

Kxte pa'jni tekh en skhẽwniite', Pablo' pa'ya kaakh kxte Romate judiu npiiçthẽ'jwe'sxtxi. Sa' pkhaakhete', na'wẽk we'we: —Adxa' kĩhwa ewmée yu' yũumeeth judiuwe'sxtxi, sa' kwe'sx yaçgawe'sx kaapiya'jni'swa ahçena fxi'ze'çmeeth. Makwe txã'wẽtewa, Jerusalente adxa's tudçxa romanowe'sxtxi dukhtxi.

Hechos 15:13

Txãawe'sx pta'sxna jxã'the', Jakobok we'we: —Yakhthẽ'jwe'sx, mwẽese'jwe.

San Mateo 26:14

Txajũ' Jesus yakh u'jusa docesatewe'sx Judas Iskariote yaasesa' sacerdote npiiçthẽ'jwe'sx yakh puutx we'weya' u'jçxa

San Juan 17:12

Adxa' naa kiwete txãawe'sx yakh ũsçxa', idx pu'çxte' jxpa'yakxthu jxpe'jna fxi'ze adxa's jxpe'khan ũsgu txãawe'sxtxi's. Aça' jxukaysa yu' vxitumeeta', naasáa teeçx vxituwa'jsane' yu' txãa yuuçxáak vxitu, Dxus librute pta'sxna fxi'jni' kxtey yuukahn.

2 Pedro 1:21

Txãa pa'gatey Dxus kĩh yũuya'watewa dxiikhẽy pta'sxsawe'sxa' Dxus yakh fxi'zesatx yu', sa' peekx ũusuhçxáa yajkxçxa we'wemée, Dxus Espiritu kwe'we'thetx txã'wẽ fxi'jna ũsu'.