Hebreos 8:6 - Páez

⁶ Nawa Dxus tasxte kwe'sx ju'gu we'we pu'çxsa Jesukristo selpiini' thaakwe ewa', txãa pa'gatey Dxus thaakwe ew pu'çxwa'ja's iiméh ew puutx we'wek txã'sna selpiina ũsa'.

Hebreos 8:6 Referans Kwoze

Hebreos 7:22

Txãa pa'ga Jesusa' jxthaakwe ew puutx we'weçxa nvxiitnisa'.

Hebreos 12:24

Dxus u'se puutx we'weçxa nvxiitni's kxtey kxũ'ju'jwa'jsa Jesus tasxte, Abel ee na'wẽsamée Jesus ee pkawnisa' thaakwe ewsate txã'wẽsa tasxte utxasáa i'kwe.

2 Pedro 1:4

Txã'wẽ Dxusa' kĩhte yuhwa sxiigmée pu'çxwa'ja's ji'phçxa íiçxáak kwe'sxtxi's nwe'weya' puutx we'we. Txã'wẽ yũute', i'kwe'sxa' naa kiwete jxuka ewmeesa kazx yajkxna fxi'zenijũ txuteeçxa, txãa ma'wẽsate' txãa na'wẽysa íiçxáa yuuna pa'khanku txã'wẽ yũu.

Tito 1:2

bagaçxte yuhwa pçumée ĩtxi fxi'zewa'ja's ji'phuya' sũhna. Txãa pçumée ĩtxi fxi'zewa'ja's Dxusa' peesya' neeyũuk Dxus ĩsxiisamée naa kiwe meetey.

San Lucas 22:20

Ũ'na jxã'jçxa', waso's jxpa'gaçxa na'wẽk we'we: —Adx eea's pkawçxa yuuçxáak Dxusa' i'kwe'sxtxi nwe'wewa'ja's u'se pheu'jçxa nvxiht. Aça' naa wasotewe'sxa' adx ee na'wẽsa'.

Romanos 9:4

Adx ji'jwe'sxa' Dxus txhitxhnisata', naa pa'ga Dxus luuçxta'. Txãapa'gak Dxusa' txãawe'sx ksxavxyte pi'kxna ũsu' eena' kweethna. Sa' ma'wẽçxah pu'çxwa'ja'swa puutx we'wek. Leynawa ũsku. Dxuus yatte ma'wẽ yũuwa'ja'swa pta'sxku. Sa' kiwe's jxuka yamuwa'ja'swa puutx we'wek.

Efesios 2:12

Sa' txãa ensu' judiuwe'sx yakhmée fxi'zesa i'kwe yu', Kristo's ũuste ji'phmeesa. Sa' i'kwe'sxa' Dxus pu'çxwa'ja'swa ji'phmeesa i'kwe yu'. Txãa pa'ga i'kwe bagaçxte yuhwa Dxus tasxte pa'jwa'j yu'sa' ji'phmeesa yu'.

1 Timoteo 2:5

Txã'wẽme', ewte nvxiitwa'jsa' teeçx Dxus yuuçxáa ũsa', aça' txã'wẽy Dxus dxi'pte nasaa ju'gu yuuçxa we'we pu'çxsawa teeçx íiçxáa ũsa', txã' Jesukristo' kwe'sx kakwe's íiçxáa ji'phsa.