Hebreos 5:1 - Páez

¹ Pkalsawe'sx ju'gu we'we pu'çxwa'jsa txhitxhçxa naa kiwete nvxiitnisa' txãa íiçxáa pkalpa'ga tajkx ikhçxa Dxus altalte kabwa'jsa'.

Hebreos 5:1 Referans Kwoze

Hebreos 8:3

Pkalsawe'sx ju'gu we'we pu'çxna ũssa nyafxiiwe'sxa' pkalpa'ga tajkx ikhçxa Dxus altalte kabna nes yuuwa'jsa jĩçxa nvxiitnisatx yu'. Txãa pa'gak Jesukristowa kĩhçxáawa nuykũuwa'j ji'phu.

Hebreos 10:11

Pkalsawe'sx ju'gu we'we pu'çxsa judiuwe'sxa' txã'wẽ yuh een isa maazkuẽe uswa tajkx ikhçxa altalte kabna nestxi yu' jxkaasewa'jmée, makwe txã'wẽ yũunisa' bagaçxte yuhwa pkaltxi' khukhwa'jsameetewa.

Hebreos 11:4

Abela' tajkx ikhçxa kabte', Dxusa' weçxayujuna sũhna ũuste jiiçxak txã'wẽ yũu, Kain jĩite thaakwe ewsa. Aça' txã'wẽ yũunisa' Dxus yakha' ewsane' yu' naa pa'ga Dxusa' jxpa'gak. Aça' Abel yu' uuni', nawa Abela' txã'wẽk Dxusa's ũuste jxpubamée yajkx jĩni yu' ãçxpa'jwa ũsa'.

Hebreos 9:9

Kĩhwa jxuka txã'wẽ yũunisa' ãçxh naa ensuwe'sxa's kaajiyu'jsaçxáak yu'. Kxtee tajkx ikhçxa Dxusna weçxana kabnisa' txãawe'sx pkaltxi khukhya' ãjawa'jsame'.

Hebreos 7:27

Pkalsawe'sx ju'gu we'we pu'çxwa'jsa nyafxiiwe'sxa' na'wẽtx een isa tajkx ikhçxa Dxus altalte kabu' txã'wẽ yũuwa'jsa meek yu'. Txãawe'sxa' nyafxte' peekx pkalpa'ga khuẽ'y txã'wẽ tajkx kabçxatx nasaa pkalpa'gawa txã'wẽy yũ'. Nawa Jesusa' een isa txã'wẽ tajkx ikhme', txãa yuuk uu tee dxi'jçxáa jxukaysa pa'gate.

Hebreos 2:17

Txã'wẽ nasatx pu'çxya' ãjaya'k kwe'sx na'wẽsa yuu kĩhtewa jxuka. Txãasak nyakh na'wẽ yuuna pa'jçxa kwe'sxtxi peeygãawa'ja's ji'phuçxa pkalsawe'sx pa'gate Dxus tasxte we'wewa'jsa yuu. Sa' nasaa pkaltxi jxuka peltunãyya'k pxthaa yuuçxa uuwa'j ji'phuna ũsu'.

Romanos 15:17

Txãasath adx ũuste wẽtwẽt yaaki', Jesukristo kaapiya'jni's pta'sxna Dxusa's selpi'th sũhna.

1 Corintios 15:3

Kristo yuwe ewte nvxiitwa'jsa jĩni's adxna ma'wẽ kaapiya'the' i'kwe'sxtxiwa txã'wẽyçxáath kaapiya'j txã' na'wẽk yu': Dxus librute ma'wẽne' fxi'jni ũsu' aça' txã'sa' kxtey yuuna Kristo' kwe'sx pkalsa pa'gate uuk.

Hebreos 8:4

Jesukristo' naa kiwetee txã'wẽ pkalsawe'sx ju'gu we'we pu'çxna ũswa'ja's vxit wẽewaça', ãjawa'jmeene' yu', txã'wẽ ãjakahmeníi Moises ley nvxiitnisatx ũs yu' pkalsawe'sx ju'gu we'we pu'çxsa.

Hebreos 10:12

Nawa Jesukristo' pkalpa'ga tee dxi'j yuuçxáa kluuste uuni yakhçxáa jxuka jxã'jnik yuu txãaçxáa bagaçxtewa selpiwa'jsa. Txãasak cielute Dxus pukate kaçx.