Hebreos 2:10 - Páez

¹⁰ Kĩjkĩhnawa jxuka vxit-sa Dxusku txajx luuçx yuuwa'jsa yuutxi' jxuka nwe'weçxa txajx tasxte nuypa'jya' Jesukristo's pxthaa yuuçxa uuwa'j vxit, kĩhte yuhwa sxiigmée nwe'wesa yuukahn.

Hebreos 2:10 Referans Kwoze

Romanos 11:36

Txãasa Dxusa' seena' yuh wala ewsa' bagaçxtewa nes yuuwa'jsa. Txã'sa' seena' yuh wala weçxawa'j ji'ptha'w.

Hebreos 12:2

Jesukristo yuuçxá's pu'vxitumée yajkxna fxi'zega, txãa pa'gatey txãa yuuçxáak Dxusa' pu'çxhina sũhwa'ja's ũsu', sa' txãa yuuçxáak Dxusna yaakxni jxuka kxtey yuuna pa'phkaçx pu'çxhi'. Txã'wẽ yũuya'k Jesusa' thaamewa'j yu'sa' yajkxmée kluuste uu, txakwe wala nxusnxustewa. Txãa pa'gatey pxthaa yuuni en skhẽwniijũ' wẽt weçxana ũswa'ja's jiik yu', txãasak cielute Dxus ũsni pukate kaçx.

Hebreos 6:20

Jesusa' cielute Dxus ũsnitek u'ka, Dxus tasxte pkalsawe'sx ju'gu we'we pu'çxçxa kwe'sxtxi kxtee ka'ga'jya'. Txã' Melkisedek na'wẽsak yu'.

Hechos 5:31

Dxusa' txã'wẽ yũuçxa cielute txajx pukate paçu ju'gte ki'pçxa Jxkaahwa'jsak vxit, kxah Israelwe'sxa' txãawe'sx pkaltxi nvxihtçxa Dxus tasxte sxawedte, Jesusa' nwe'wena.

San Lucas 24:46

sa' na'jĩk: —Kristo' uuwa'jsa', nawa tekh ente' ki' ĩtxĩ yuuna uusaawe'sx ksxavxyuh.

San Lucas 24:26

Kristo' cielute u'kamey, ¿seena' nxus pxthaa yuuwa'jsa yu'çmeená'? jĩçxa',

1 Pedro 5:10

Nawa i'kwe'sx maz en pxthaa yuuniijũ', Dxus kĩhtewa jxuka pu'çxsa' kçxhãaçxha'jana jxpubana sxiigmée ew fxi'zewa'ja's pu'çxna. Txãa Dxusíiçxáak kwe'sxtxi pa'ya, Jesukristo yakh bagaçxte yuhwa pçumée ũswa'the.

1 Corintios 8:6

Nawa kwe'sx yakh yu', teeçx Dxus yuuçxáa ũsa' kwe'sx Tata cielute ũssa. Txãak kĩh yuhwa peejxmée jxuka taki'jçxa nvxiht, aça' kwe'sxa' txãa pa'gaçxáatha'w ĩtxi fxi'zeya' ãja'. Txã'wẽy kwe'sxtxi jxpe'jsawa teeçxçxáa ũsa', txã' Jesukristo'. Kĩhwa jxuka txajx thegna jxpe'pha'gaçxáa ũsta', txãa pa'ga kwe'sxwa txajx jxpe'jnisa íiçxáatha'w.

Hebreos 7:28

Pkalsawe'sx ju'gu we'we pu'çxwa'jsatx Moises ley nvxiituççxa', naa kiwete nasa ãhmeekwesaçxáatxku nvxiitu'. Nawa ley skhẽwnite Dxus jurãyçxa txã'wẽ yũuwa'jsa nvxiituççxa', txajx Nçxi'k iiméh thaakwe ewsa'sku nvxiht bagaçxtewa nes yuuwa'jsa.

Efesios 3:10

Dxusa' ma'wẽ yũuçxa nasa ma'wẽsatxwa jxuka nwe'weçxa kxteeçxah teeçxçxáa vxitna pa'jni's kaajiyu'jnik yuu, aça' Dxus txã'wẽ yũuni's ãçxha' Dxus yakh fxi'zesawe'sxa', ẽe walatewe'sx, angeles ma'wẽsawa jxuka jiyutxna.

Apocalipsis 4:11

Kwe'sx Dxus idx yuuçxáa jxpa'gawa'jsag weçxana tuuthe'jni's, Txãa pa'gatey idxçxaçxáag kĩhnawa jxuka vxit, Aça' iidx peeygãhçxa taki'jnisaçxaçxáa ũsta' jĩ'tx.

2 Timoteo 2:10

Txã'wẽ Dxus yuwe's yup-ya' ãjawa'jme' açíiçxáath adx nxuswa'ja's ũukhmée Dxus yuwe's pta'sxi' Dxus txhitxnisa nwe'wewa'j ũstxna txãawe'sxtxi peeygãhçxa, kxah Kristo Jesus yakh utxaapa'ga txãawe'sxwa ji'phutxna pçuwa'jmée weçxana ewte ũswa'ja's.

Colosenses 3:4

Sa' i'kwe'sxtxi ĩtxi kaafxi'ze'jsa Kristo vxyaate', i'kwe'sxwa txãa ma'wẽsate' txã'wẽysa yuuçxa txãa yakh ih ũsya' u'jwene'kwe.

Gálatas 3:26

Txãa pa'ga i'kwe'sxa' Kristo's ũusuh jxuka yajkxçxa nwẽese'pha'gaçxáa Dxus luuçx yuui'kwe.

2 Corintios 3:18

Txãa pa'gatey kwe'sxa' dxi'pa's yaaphni ji'phmeetha'w, txãa pa'gak Dxus kweethni' kwe'sx dxi'pte speeju na'wẽ eena' kweethya' ãjã'. Aça' Dxus Espiritu pu'çxte', jxukaysa jwee íiçxáatha'w Kristo ma'wẽsate', txãa na'wẽy fxi'zena u'jya' ãja', kwe'sxtxi jxpe'jsa Dxus Espiritu' txã'wẽ yũuwa'ja'sku pu'çxhi' naa pa'ga.

Romanos 9:23

Sa' vxite wa'lsameetxi's ẽe walate seena' zhiçxkwesa's jxpa'gawa'jsak vxit, txã'sna jxpa'gawa'jsatxi' nyafxíi enteyku txhitxh. Aça' kxteewe'sxa' kwe'sxtha'w txajx peeygãanisa.

Hechos 3:15

Txã'wẽ yũuçxa i'kwe'sxa' Jesus ĩtxi kaafxi'ze'jwa'jsa yu'sa' kiikhe'ji'kwe. Nawa Dxusa' txã'sa' ki' ĩtxi vxitni's kwe'sxa' uysaatha'w, txãasa jiitha'w.

Apocalipsis 7:9

Txãa e'su' ki' thegçxa' nasa iiméh wala kuh uythu. Txãawe'sxa' maa nasa ma'wẽsa majũwe'sxwa jxukatx yu', yuwe fxiyfxiyçxah we'wesa. Sa' Piisxakuẽ jĩnisa jxkaahna u'pni peeku'jsutx yujuçxa ũsu'. Txãawe'sxtxi' kim yuhwa isaya' ãjãmeeta', iiméh wala kuh yu'tx txãa pa'ga. Sa' ropa çxihmesa athçxa kusesu yu' lamus eçnatx yaat yu'.

1 Pedro 5:1

Ancianowe'sxtxi yu'kxpejeçthu, adxwa txãawe'sx na'wẽysa íiçxáath, sa' Kristo pxthaa yuuni'swa uysaath, sa' txãawe'sx na'wẽy cielutewa ũswa'jsath.

1 Pedro 1:12

Txã'wẽ paapẽjxna ũste', Dxusa' txãawe'sxtxi pejka kaajiyu'kh txã'wẽ pta'sxnisa' i'kwe'sx jĩi meea', vxite ensuwe'sx jĩia' jĩk. Txã'wẽ ewte neeyũuwa'j seena' wẽtwẽt-sa's Dxus ũsku txã'sa' angeleswe'sx yuhwa jweeíiçxáa wala jiyuwaça' sũju'tx, txã'wẽ seena' zhiçxkwesa pa'ga.

Hebreos 7:26

Pkalsawe'sx ju'gu Dxus tasxte we'we pu'çxsa' Jesus na'wẽsa ewsatha'w peejx yu'. Txã' kĩh pkal yuhwa ji'phmeesa, bagaçxte yuhwa ewmée yũuna fxi'zesamée, naa kiwetewe'sx na'wẽsa meek yu'. Txãasak Dxus pukate kãhpkaçx jxũna u'jnisa yuu.

Efesios 2:7

Nawa kwe'sxtxi txajx peeygãani txakwe seena' walasa's naa e'su' ãate kaavxya'ja'jya'k txã'wẽ yũu kwe'sx txakwe wala ãhmeekwetewa, naasáa Kristo pa'ga yuuçxáa.

2 Corintios 6:18

Txã'wẽ yũute', i'kwe'sxtxi adx jxpa'gaçxa Ney na'wẽ yu'nja. Aça' i'kwe'sxa' adx luuçx yuune'kwe jĩ'k kĩhtewa jxuka ãjãsa Dxusa'.

2 Corintios 5:18

Txã'wẽ u'se yuuwa'ja's Dxusçxaçxáak vxitu', txãasak txãa yakh ew fxi'zewa'ja'swa vxitu', kwe'sx pa'gate Kristo's uuwa'j vxitçxa. Dxusa' txã'wẽ yũuçxak adxa's neewe'weçxa nvxiht, txãa yakh ew fxi'zewa'ja's jxukaysatx pta'sxkahn.

2 Corintios 4:17

Txãa pa'gatey naa kiwete nxuste fxi'zenisa' dudtewe'sxçxáa, txaçxmey skhẽwwa'jsa'. Aça' txãa skhẽwniijũ' bagaçxte yuhwa skhẽwwa'jsamée iiméh ewsa'sku cielute ya'ji'phu'.

1 Corintios 2:7

wejxwa naa kiwe meetey bagaçxte yuhwa pçumée kwe'sx ewte neeyũuwa'ja's Dxusa' pheu'jçxa ji'phyã'kh yu' kim yuhwa jiyunimeesa txã'snatha'w pta'sxi'.

San Juan 19:30

Aça' Jesusa' esponja's çxazxaçxa', na'wẽk we'we: —Jxuka jxã'jnik neeyũu jĩna'wa, kĩiçhuna' uuk.

San Juan 11:52

Nawa judiuwe'sxtxi nwe'weya'çxáameene' txã'wẽ uuya'wa yu'. Dxus luuçx mtee mteewa ũstxna txãawe'sxtxiwa pkhakhya'k txã'wẽ uuya'wa yu'.

San Lucas 13:32

Jesus pasçxa': —U'jçxa na'jĩne'kwe txãa thẽ'ja's: Ãçxh yakh kuskus yakh nee mjĩiwa'j ji'phthu eçx luuku vxit-satx nasa ũusu kutxi'jna ãçã'satxwa nuykatxhina. Sa' tekh ente' mjĩina jxã'ja'nja jĩ'k jĩne'kwe.

San Lucas 2:14

¡Dxus ẽe walatewe'sxa' seena' yuh ew yuuk! Naa kiwete nasa wẽtwẽt fxi'zewa'ja's ũsku peeygãhçxa jĩ'tx.