Hebreos 12:3 - Páez

³ Jesusa' nakwe wala pxthaa yuuk pkalsawe'sx kusete txã'sna i'kwe'sxa' yajkxçxa txãa na'wẽy nxuswa'j en pa'thewa Dxus tasxu txutemée mfxi'zewe.

Hebreos 12:3 Referans Kwoze

Gálatas 6:9

Txãa pa'ga ew yũuwa'jçxá's wahtxmée kxtey yuuna fxi'zewa'j ji'ptha'w. Txã'wẽ ew yũuwa'ja's wa'lmée kxtey yuuna ũsçxa', ewsa's jxpa'gawa'j en ãhte', jxpa'ga'nja'w.

2 Corintios 4:16

Txãasatha'w kwe'sxa' bagaçxtewa ũukhmée Dxusçxá's çxhãçxha yaaki'. Makwe kwe'sx kakwete çxhãçxhasa yu' pçuuna u'jweçtewa, Dxus yakh weçxana fxi'zewa'j yu' jweeíiçxáak een isa çxhãçxha ya'fxi'ze'.

Apocalipsis 2:3

Wahtxmée adxna selpiipa'ga wala pxthaa yuuna wantãyna mjĩiwa'j ji'phu'i'kwe txã'wẽ yũuni's adxa' jiith.

1 Corintios 15:58

Txãa pa'ga adx yakhthẽ'jwe'sx, bagaçxte yuhwa pu'vxitumée Dxus yakh mfxi'zewe, Jesukristo's jwee íiçxáa çxhãçxha selpiina, txãa pa'gatey Jesukristo's selpinisa' kxulsame'.

Hebreos 12:2

Jesukristo yuuçxá's pu'vxitumée yajkxna fxi'zega, txãa pa'gatey txãa yuuçxáak Dxusa' pu'çxhina sũhwa'ja's ũsu', sa' txãa yuuçxáak Dxusna yaakxni jxuka kxtey yuuna pa'phkaçx pu'çxhi'. Txã'wẽ yũuya'k Jesusa' thaamewa'j yu'sa' yajkxmée kluuste uu, txakwe wala nxusnxustewa. Txãa pa'gatey pxthaa yuuni en skhẽwniijũ' wẽt weçxana ũswa'ja's jiik yu', txãasak cielute Dxus ũsni pukate kaçx.

Hebreos 3:1

Yakhthẽ'jwe'sx i'kwe'sxa' Dxus pa'yanisa i'kwe yuu txãa jĩi yuuwa'jsa, txãa pa'ga wala ew mjiyuwe Kristo Jesusa's. Txã' Dxus kaahnisa', pkalsawe'sx pa'gate Dxus tasxte we'wewa'jsa, sa' Dxus yakh kwe'sx fxi'zewa'ja's pta'sxsa'.

2 Corintios 4:1

Ãhmeekwetewa Dxusku neewe'weçxa nvxiht txajx tasxte selpiwa'ja's, kxahtha'w çxhãçxha yajkxna fxi'ze'.

San Juan 5:16

Txãa pa'gatx judiuwe'sxa' Jesusa's ahçeçxa ikh wẽe, ki'sni ente txã'wẽ ãça'sa's nuykatxhipa'ga.

Hebreos 12:5

Sa' txakwe dud yu' peçxkanawa'jmeena Dxusa' txajx luuçxtxi's na'wẽk yu'kxpeje' txã'sna: Dxus yu'kxpehna kastigãyni's açenu, adx nçxi'k, Sa' juuna' we'wete', nxusna ũusçxanu.

San Lucas 14:1

Teeçx sapatu jxkaase ente' Jesusa' fxariseo npiiçthẽ'j yattek ũ'ya' u'j. Aça' vxite fxariseowe'sx yu' peethegu'natx ũsu'.

2 Tesalonicenses 3:13

Yakhthẽ'jwe'sx, i'kwe'sxa' ew yũuwa'j yu'sa' wa'lnuwe.

San Juan 18:22

Txã'wẽ we'wete', dxuus yat thegsawe'sx teeçx kxtee ũssa' kuseju Jesus dxi'pga pehtxaçxa', na'wẽk juuna' we'we: —Anasa' sacerdote npiiçthẽ'ja' aç yuja' ¿txã'wẽ pasu'gá'? jĩte',

San Juan 8:52

Txã'jĩte', judiuwe'sxa' na'wẽtx we'we: —Ãçxhtha'w wejx ew jiyu, eçxthẽ'j yakh ũstewa. Abrahana' uuk sa' Dxus yuwe pta'sxsawe'sxwa uutx. Naapkaçxha' idxa' na'jĩ'g: Maawa adx we'weni's kxtey yuuçxa', bagaçxte yuhwa uu ena's ji'phumeetxna jĩ'g.

San Juan 8:59

Txã'jĩte', judiuwe'sxa' ũusaçxaçxa', Jesusa's kwet wãatatajxa'watx yu'. Nawa Jesusa' txãawe'sx ksxavxysuy dxuus yatu kasehna u'kh, kim yuhwa jiyunimeete.

San Juan 8:13

Txajũ' fxariseowe'sxa' na'wẽtx we'we: —Idxa' peekíiçxáa ya'tuuthe'jna ũsgu aça' txã' kxul yuhna jĩte',

San Juan 7:12

Txãa fxiestate' Jesusa's nuywe'wesa yuuçxáatx susna ũsu'. Vxiteíi yu': Jesusa' ewsa yuja' jĩçpkaçxha', vxite yu': Ewmeesa', nasatx ĩsxiina u'jusaçxá' jĩnatx nuywe'we'.

San Lucas 16:14

fxariseowe'sxa' naa kiwete ji'phuniçxá's wejx pa'pçxuna fxi'zesa wẽsẽ'jçxa', Jesusa's weeçx we'wetx.

San Lucas 15:2

Txãa pa'gatx Dxus ley kaapiya'jsawe'sx vxite' fxariseowe'sxa' Jesusa's na'jĩna nuywe'we: —Naa piçthẽ'ja' wala fxiy yu'k, pkalsawe'sxtxi jxpa'gaçxa txãawe'sx yakhku ũ'we' jĩte',

San Lucas 5:21

Dxus leya's kaapiya'jsawe'sx vxite' fxariseowe'sxa' ũuste na'wẽtx yajkxna u'pu': Naa piçthẽ'ja' ¿kiimna saga Dxusa's iiweeçx we'wé'? Dxus yuuçxáa pkaltxi peltunãyya' ãjawa'jsa', aça' jweeju yu' ¿kimçxá' peltunãyya' ãjãma'k? sũjũ'tx.

San Lucas 2:34

Aça' Simeona' bedekĩyçxa', Jesus njĩ'j Maria's pta'sxku: —Mwẽesẽ'çx, naa luuçxkuẽ' Israelwe'sxtxi wala kçxhãaçxha'jwa'jsa' nawa txã'sna jiyusamée yu' wala jxpubawa'jsata'. Mpa'yajkxwe wakx txã'sa' wala açetxna.

San Mateo 22:15

Txajũ' fxariseowe'sxa' u'jçxa txãawe'sx pwe'sx puutx we'wetx Jesusa's ewmeete nvxiit wẽeçxa.

San Mateo 21:46

Sa' tud wẽeçxawa ũukhtxi, txã'wẽ nasa' Jesus ju'guçxaçxáatx ũs yu', Dxus yuwe pta'sxsa' jĩna txãa pa'ga.

San Mateo 21:23

Txajũ' Jesusa' dxuus yatte u'kaçxa kaapiya'jaçpkaçxha', sacerdote npiiçthẽ'jwe'sx vxite' judiu nthẽ'jsawe'sx kũhçxa' na'wẽtx pẽjx: —¿Kĩh yũupa'gaga txã'wẽ dxuus yatte jxuka suw? ¿Kimga jxkaah txã'wẽ yũuwa'ja's? jĩte',

San Mateo 15:2

—Idx yakh u'jusawe'sxa' ¿kĩh yũuçxata yaçgawe'sx kaapiya'jnitxi' kxtey yu'çmée, txã'wẽ kusekhẽ yu' kaahmée ũ'wé'?

San Mateo 12:24

Txã'jĩni's fxariseowe'sx wẽse'jçxa', na'jĩtx: —Naa piçthẽ'ja' eçxtxi nasaa ũusuh kutxi'ji'k nawa eçxthẽ'j pu'çxteçxáak txã'wẽ ãja' jĩ'tx.

San Mateo 11:19

Txãa e'su Dxus Nçxi'k Nasa Yuusáa pa'jçxa txã'wẽ ũ'na tudxna yuute', na'wẽi'kwe açewe'we': Wala pũ'we', sa' txã'wẽyku wala tudxi'. Pkalsawe'sx vxite' gobierno jĩi vxyu pkhakhsawe'sx yakh namiku' jĩna i'kwe açewe'we'. I'kwe'sxa' jiimeeçxai'kwe txã'jĩ'. Nawa maawa jiyuwa'jsa yuutxi' Dxusa' kaajiyu'juna adx ma'wẽsatewa jĩk.

San Juan 9:40

Txajũ' fxariseowe'sx kxtee ũssa' txã'wẽ wẽse'jçxa', na'wẽtx pẽjx: —Kwe'sxwa uyya' ãjasameewá'ntka'w jĩte',

San Juan 10:20

Maaíi yu' na'wẽtx ũusçxawe'we': —¿Kĩjxa'kwe nwẽese'je' eçxthẽ'j yakh ũsçxa luuku we'weni's? jĩ'tx.

1 Pedro 2:23

Wẽesxusatxi's ka'tuwa wẽesxuuna pasme'. Pkxuusaatxi's txã'wẽ yũupa'ga i'kwe'sxwa ewmeete neeyũune'kwe jĩna pasme'. Txã'wẽ yũumée wejxwa Dxusçxáanak neewe'we.