Hebreos 10:39 - Páez

³⁹ Nawa na'wẽ txuteeçxa vxituwa'the ũsta' txãatewe'sxmeetha'w kwe'sxa', wejxwa kwe'sx ũus vxitukahmén Dxusa'sçxáa yajkxna fxi'zesatewe'sxtha'w.

Hebreos 10:39 Referans Kwoze

1 Juan 5:5

Maawa Jesusa' Dxus Nçxi'kna sũhna ũusuh jxuka yaakxsa yuuçxáa, naa kiwete ewmeesa's nwẽese'jmée knayuutxna.

1 Pedro 1:5

I'kwe'sxa' Dxusa's ũuste jxpubamée yaakxwa'ja's ji'phi'kwe, naa pa'ga txã' i'kwe'sxtxi jxaawuuna nmeh en ãhte i'kwe'sx cielute pa'jwa'ja's pheu'jçxa ji'pha' txã'sa' jxpa'gakahn.

San Marcos 16:16

Aça' maawa adxa's ũusuh jxuka yajkxna jxpa'gaçxa yu'te ya'bautisaĩna txã' nwe'weni yuuna. Nawa adxa's ũusuh jxuka yajkxna jxpa'gasame' Dxus kastigo's knayuuna.

1 Juan 5:16

Yakhthẽ'j pkalte fxi'zena ũstewa txãa pkala' perdon ji'phte uyçxa', maawa Dxusa's neewe'wewa'ja' txãa pkalsa pa'gate, aça' yakhthẽ'j txã'wẽ fxi'zesa's Dxusa' ĩtxi fxi'zewa'ja's peesuna. Nawa pkal perdon ji'phmeesa ũsta' txã'wẽsate fxi'zena ũste yu', Dxusa's neewe'wewa'ja's jxkaja'çmeeth.

2 Pedro 3:7

Sa' ãçxh neeyũusáa ũsta' cielu vxite' kiwe txãatxi' Dxusíik we'weçxa nvxiht nasa ewmeesatx jxuka naa kiwete ivxiituwa'j ente ipx naa kiwe's jxuka kabuna jĩna.

Hebreos 11:1

Dxusa's ũuste yaakxsa' yafxju ãate yu' uymeeçxawa, ũuste yu' jiik ya'fxi'ze' kxtey yuuyujuna sũhna ũythasna.

1 Tesalonicenses 5:9

Dxusa' kwe'sxtxi' kastigãyya' sũhçxa nvxihtme', wejxwa Jesukristo nwe'wete ewte neeyũuwa'ja's ji'phukahnku txã'wẽ nvxiht.

San Juan 17:12

Adxa' naa kiwete txãawe'sx yakh ũsçxa', idx pu'çxte' jxpa'yakxthu jxpe'jna fxi'ze adxa's jxpe'khan ũsgu txãawe'sxtxi's. Aça' jxukaysa yu' vxitumeeta', naasáa teeçx vxituwa'jsane' yu' txãa yuuçxáak vxitu, Dxus librute pta'sxna fxi'jni' kxtey yuukahn.

San Juan 6:40

Adxna kaahsa jxthãasni' na'wẽ': maawa jxukay Dxus Nçxi'ka's ũuste jxpa'gasa' pçumée ĩtxi fxi'zewa'ja's ji'phu jxthãasu'k. Txãa pa'ga txã'wẽ ũuste jxpa'gasatxi' adxa' nmeh ente' ki' ĩtxi vxitu'nja.

San Lucas 11:26

Sa' u'jçxa vxite siete eçx txãate jxthaakwe ewmeesatx nuypa'jçxa, txãa nasa ũuste pejka u'katx. Aça' txãa nasa' jxthaakwek ewmeesa yuuna pa'ja'.

2 Tesalonicenses 2:3

Nawa weh yuhwa jxpubanuwe ĩsxiini's. Txã'wẽ jxpubakahmén Kristo kĩiwa'j en ãhmeyna nyafxte' Dxusa's uy wẽemée ahçeçxa txãa yakh puiiwa'j en khuẽ'y u'puna, naapkaçxha' teeçx piçthẽ'j eçxthẽ'j na'wẽy iiméh seena' kazx pkalsa infxiernote akhni yuuwa'jsawa vxyaana.

San Juan 20:31

Nawa Jesukristo' Dxus kaahni txajx Nçxi'k yuh yu'ga sũhna jiyuçxa' txã'sna jxpa'gaçxa', pçumée ĩtxi fxi'zewa'ja's ji'phukahn pta'sxna fxi'jnisaçxáata'.

Apocalipsis 17:11

Eçx seena' kazxsa nyafxíi yu' ũsu'k nawa ãçxha' meea' txã' jxkaahsa sietesak yu'. Nawa ew jiyute yu', txãaíiçxáa jxkaahsa oçxotewe'sx yuuwa'jsa'. Txãa e'su isa jxukate vxituna.

Hebreos 10:26

Txã'wẽ ewsa's ãate pta'sxni wala ew jiiçxa txã'sa' ahçena txute'nja'w, aça' txã'wẽ yũusa's peena yu' peltunãywa'jmée yuuna.

1 Timoteo 6:9

Nawa txã'wẽ yaakxsame' maaíi yu' wala ji'phu wẽeniçxá's yaakxsa' ewmeetetx wete', ewmée yũuwa'jçxá's yaakxpa'ga. Sa' txã'wẽ yaakxnisa' nasatx ewmeete kaaivxitu'jsaçxá'.

San Juan 5:24

Isath we'we': Maawa adx pta'sxni's jxpa'yajkx wẽse'jçxa adxna kaahsa's ũuste jxpa'gasa', bagaçxte yuhwa pçumée ĩtxĩ fxi'zewa'ja's ji'phutxna. Txã'wẽ yũusa' ewmeete nvxiitni yuumée, uuwa'ju kutxi'jçxa bagaçxte yuhwa pçumée ĩtxi fxi'zewa'the nvxiitnisa yuuna.

Apocalipsis 17:8

Eçx seena' kazxsa's uygu txã' nyafxíi yu' ũsu'k, nawa ãçxha' meea'. Txã'wẽçxawa kafx iiméh seena' dxiisajũ kasejena vxituya'. Aça' naa kiwetewe'sx jxukaysa txãawe'sx yase's bagaçxteçxáa yuhwa uuwa'jmée ĩtxĩ fxi'zewa'j librute fxi'jnimeesa yu' wala yuh ũukhutxna txãa eçx seena' kazxsa ki' vxyaana txã'sna uyçxa.

Hebreos 10:38

Aça' Dxusçxáana yajkxna fxi'zesa' ewte neeyũuna. Nawa txã'wẽ yũumée txuteete', txãa yakha' wẽt fxi'zeme'nja jĩ'k.