Hebreos 10:1 - Páez

¹ Moises leya' naasáa thaakwe ewsa vxyaaya' ũsu'tx txãatx kaajiyu'jsaçxáatx yu' txã' isa ewsa yã'j yu'çmeeta', txãasa na'wẽ Dxus tasxte utxaaya' aanxu isa tajkx ikhna nestxi yu' txãawe'sxtxi' pkal ji'phmeesa vxit-ya' bagaçxteçxáa yuhwa ãjawa'jsa meek yu' leya'.

Hebreos 10:1 Referans Kwoze

Hebreos 8:5

Nawa naa kiwete txã'wẽ pkalsawe'sx ju'gu we'we pu'çxsa' naasáa cielute ma'wẽçxah yũuwa'jna txã'sna kaajiyu'jniçxá'stxi selpi'. Txã'wẽ cielutewe'sxa's kaajiyu'jnisate íiçxáak Dxusna neewe'wena ũswa'j yat Moises txajaçte', Dxusa' na'jĩna we'we: Ew mtheg, sa' thã'j vxiçte adx ma'wẽ kaavxya'ja'the', txã'wẽy yũune'ga jĩk.

Hebreos 9:11

Nawa ãçxha' pkalsa ju'gu we'we pu'çxsa thaakwe ewsa ũythasnisa pa'kh txã' Kristo'. Sa' txajx yujuni' nasaa vxitnisa naa kiwetewe'sxmée, cielute iiméh ewsate u'kaçxa kxtee pkalsa ju'gu we'we pu'çxna selpiina ũsa'.

Colosenses 2:17

Txã'wẽ yũunisa' naasáa teeçx pa'jwa'jsa ũsu'k txã'sna jxpa'gawa'ja's kaapiya'jsaçxáatx yu'. Aça' ew jiyute yu', txãa pa'jwa'jsa' Kristok yu'.

Hebreos 9:23

Txã'wẽ cielute ma'wẽna txã'sna kaajiyu'jsa naa kiwetewe'sxçxáa yuhtxwa yaatena ũswa'j peejxtxi yu', tajkx ikhçxa txãa ee yakh. Aça' cielute ũswa'jsatx yaatewa'j yu' wejxku thaakwe ewsa peejx yu', tajkx ikhe'tx txã'wẽsamée.

Hebreos 9:25

Pkalsawe'sx ju'gu we'we pu'çxsa npiiçthẽ'jsa' aanxu isa tee dxi'jçxáak u'ka', Dxus yuuçxáa ũsni jĩnisate. Nawa peekx eemée, takx eeçxá'sku jxũçxa u'ka', kxtee pẽ'çhuçya'. Nawa Kristo' uuçxa kujus Dxus tasxte u'kame'.

Romanos 8:3

Moises leya' kwe'sx kakwe ewmée yũunijũ txuhdeya' ãjameeyã'the', Dxusa' txajx Nçxi'ka's kaakh nasaa kakwe's ũsçxa. Aça' txãa kakwe yakh kluuste uuçxak pejka nwe'we, pkala' peena yu' ewmée yũuna kaafxi'ze'khamen.

Hebreos 7:11

Ley nvxiitnisa Aaron ji'j levxiwe'sxçxáa txã'wẽ nasa pkalsatx Dxus tasxte kuutxa'jya' ãjawaça', vxite kaahwa'j peejxmeene' yu', Melkisedekwa ma'wẽga Aaron ji'thewe'sxmée yu' txã'wẽysa.

Hebreos 10:22

Txãa pa'ga Kristo' pu'çxyujuna sũhna ũusuh jxuka yajkxçxa Dxus tasxte ũukhmée utxaaga, txãa pa'gatey Kristo' kwe'sx ũuste pkaltxi' jxuka yaatek, aça' kwe'sx kakwewa bautismote akhnik yuu, yuuwemeesatha'w sũhnaçxáa yaakxkahn.