Hebreos 1:9 - Páez

⁹ Sa' ewmeesa yu'sa' jxpa'gamée, ewsa yuuçxá'sgu pakwe. Txãa pa'gak iidx Dxusa' iidx wẽt fxi'zewa'ja's iiméh wala pees, Naa kiwete iidx nwe'sxte jxthaakwe jĩ'k.

Hebreos 1:9 Referans Kwoze

Gálatas 5:22

Ãçxha' Dxus Espiritu kaaũusuthe'jni' naata': peeygãani, weçx weçxa fxi'zeni, ũuste ewçxáa yaakxni, ũusçxa yajkxmée fxi'zeni, maatxwa peeygãhna fxi'zeni, vxitesatx pu'çxna fxi'zeni, wa'lmée nwẽese'jna fxi'zeni,

Romanos 15:13

Kwe'sxtxi nwe'wesa Dxusa' i'kwe'sx ũuste wẽtwẽt weçxana fxi'zewa'ja's ũsuna txã'sna jxpa'gasatxi's, kxah Dxus Espiritu pu'çxte', Dxus nwe'wenisatha'w yuu sũhna weçxana fxi'zene'kwe.

San Lucas 4:18

Dxus Espiritu' adx yakh ũsa', Txãasak adxa's txhitxh yuwe ewsa's puupletx pta'sxkahn. Ũuste nxusna u'psatxku kvxiisxa'jya' adxa's kaah, Yuuwesa preesutx nwe'wewa'ja'sku pta'sxya' kaah, Sa' uysameetxi' kaauyu'jna, Pkxuunisatxi' nwe'weçxa,

1 Juan 1:3

Kwe'sx wẽse'jçxa yafxjuwa uyni's ãate pta'sxiçtha'w, i'kwe'sxwa kwe'sx yakh utxaaçxa fxi'zekahn, kwe'sxwa ma'wẽtka'w Dxus kwe'sx Tata yakh vxite' Nçxi'k Jesukristo yakh utxaaçxa fxi'ze' txã'wẽy.

1 Pedro 1:3

Ãçxha' kwe'sxtxi jxpe'jsa Jesukristo Tata's weçxana tuuthe'jega. Txã' kwe'sx ewmeesatewa peeygãhçxa ki' u'se upxsa na'wẽ yuuwa'ja's vxitku, nawa Jesukristo kwe'sx pa'gate uuçxa ki' ĩtxi yuupa'gaçxáak txã'wẽ yũu.

Hebreos 7:26

Pkalsawe'sx ju'gu Dxus tasxte we'we pu'çxsa' Jesus na'wẽsa ewsatha'w peejx yu'. Txã' kĩh pkal yuhwa ji'phmeesa, bagaçxte yuhwa ewmée yũuna fxi'zesamée, naa kiwetewe'sx na'wẽsa meek yu'. Txãasak Dxus pukate kãhpkaçx jxũna u'jnisa yuu.

Filipenses 2:9

Txã'wẽ yũupa'gak Dxusa' cielun pe'jna u'jçxa maatewa jxthaakwe tuhthesa vxitçxa ki'p jxkaahwa'jsa.

Efesios 1:3

Kwe'sxtxi jxpe'jsa Jesukristo Tata's wala yuh weçxawa'j ji'ptha'w. Kwe'sxa' Kristo yakh utxaapa'ga kĩh yuhwa peejxmée jxukak txajx dxi'pte jxpubamée fxi'zewa'ja's nvxiht cielutewe'sx yuuwa'ja's.

1 Corintios 1:9

Dxusa' na'wẽ ewçxáa jxpe'jya' neeyũuk na' kxtey yuuna. Txã'wẽ ewçxáa jxpe'jya' íiçxáak txajx Nçxi'k Jesukristo yakh fxi'zeya' pa'ya i'kwe'sxtxi'.

San Juan 20:17

Txajũ' Jesusa' na'jĩk: —Adxa's jxa'dxnuwe, Tata tasxna u'jmeythu naa pa'ga. Wejxwa adx yakhthẽ'jwe'sxtxi pta'sxya' me'jwe na'jĩna: Adx Tata' i'kwe'sx Tataíiçxá', sa' adx Dxusa' i'kwe'sx Dxusíiçxá' txajx tasxna u'jweçthu jĩnak pta'sxkaah jĩne'kwe.

San Juan 1:41

Aça' Adresa' txajx nyakh Simon khuẽ'yna nyafxte pta'sxya' u'kh: —Dxus tasxu yuusa Kristo jĩni's yuutha'w uy jĩna.

Apocalipsis 2:15

Sa' Nikolaitawe'sx kaapiya'jni's nwẽese'jsawe'sxtxiwa iipe'ji'kwe. Txã'wẽsa yuutxi's adxa' açe'th.

2 Corintios 11:31

Bagaçxtewa tuuthe'jni fxi'zewa'jsa kwe'sxtxi jxpe'jsa Jesukristo Tata' jiia' adx ĩsxiimée isa we'weni's.

Romanos 12:9

Teeçxsa na'wẽçxah puutx ya'peeygãawa'ja's mji'phuwe, ĩsxiimée ũusuh jxuka yajkxna. Ewmeesa's nwẽese'jmée ewsaçxá's kxtey myuuwe.

Hechos 10:38

Dxusa' Nasarethuwe'sx Jesusa's txajx Espiritu's ũste', Jesusa' kĩhtewa nuykatxhinak fxi'ze eçxthẽ'j kusete ũssatx. Dxusa' txãa yakhku ũsu' naa pa'gak txã'wẽ yũu.

Hechos 4:27

Txã'jĩni kxtey yuuk. Txãa pa'gatx Herodes vxite' Poncio Pilato kxtee Israelwe'sx petx vxite nasa yã'jçxa iidx Nçxi'k Jesus kĩh pkal yuhwa ji'phmeesa's kaag txã'sna ahçeçxa naa çxhabte pkhaakhe,

San Juan 3:34

Txã'wẽ Dxus jxkaahnisa' Dxus kwe'we'jni'sku we'we', txã'sa' Dxusa' txajx Espiritu's makwewa ũsu'k txãa pa'ga.

Hebreos 2:11

Txã'wẽ pkaltxi peltunãynisa vxite' pkaltxi peltunãysa txãa yakh e'zsa' teeçx Neytewe'sxçxaçxáata' txãa Neya' Dxusa'. Txã'wẽ teeçx Neytewe'sxçxáa ne'tka'w, txãa pa'gak Dxus Nçxi'ka' kwe'sxtxi's thaamemée Adx nyakh jĩna we'we'.

San Juan 10:17

Txã'wẽ adx ĩtxi fxi'zeni's ya'ivxiituya'wath, nawa ĩtxi yuuwa'ja's ki' jxpa'gaya'wath, txãa pa'gak Tata' adxa's wedxi'.

Hechos 4:26

Naa kiwete jxkaahsa' weeçxi'tx, Aça' çxhabte npiiçthẽ'j pkhaakheçxa, Dxusa's ahçeçxa txã'wẽy Nçxi'knawa açe'tx jĩ'k.

Hebreos 2:9

Na'wẽ maz en yu' angeleswe'sxte ãhmeekwesa vxitku txã' Jesusa' txã'snak Dxusa' kwe'sx jxukaysa pa'gate uuwa'jsa vxit. Nawa ãçxha' Dxus pukate u'pa', txãaçxaçxáa jxkaahwa'jsa yuuçxa txã'wẽ pxthaa yuuçxa uupa'ga.