Efesios 4:9 - Páez

⁹ ¿Ma'wẽçxaga txã'wẽ cielute tejkak jĩna we'wé'? Kristo' nyafxte' uusaawe'sx ũsnite khuẽ'y khẽeçxa txãajũk ki' cielute tejka jĩçxak txã'jĩ'.

Efesios 4:9 Referans Kwoze

San Juan 3:13

Maa yuhwa cielute u'kasa yu' meeta', naasáa cielujũ kĩisa yuuçxáa cielute u'kasa', Dxus Nçxi'k Nasa Yuusáa txã' cielutewe'sxa' naa pa'ga.

San Mateo 12:40

Jonaswa ma'wẽga wedx tutxhte tekh en tekh kus u'pu', txã'wẽy Dxus Nçxi'k Nasa Yuusaawa tekh en tekh kus kiwe dxiiga ũsuna.

San Juan 6:33

Aça' Dxus puuçni ũ' cielujũ kĩisa' naa kiwetewe'sxtxi pçumée ĩtxi kaafxi'ze'jwa'jsa'.

Hebreos 2:9

Na'wẽ maz en yu' angeleswe'sxte ãhmeekwesa vxitku txã' Jesusa' txã'snak Dxusa' kwe'sx jxukaysa pa'gate uuwa'jsa vxit. Nawa ãçxha' Dxus pukate u'pa', txãaçxaçxáa jxkaahwa'jsa yuuçxa txã'wẽ pxthaa yuuçxa uupa'ga.

San Juan 20:17

Txajũ' Jesusa' na'jĩk: —Adxa's jxa'dxnuwe, Tata tasxna u'jmeythu naa pa'ga. Wejxwa adx yakhthẽ'jwe'sxtxi pta'sxya' me'jwe na'jĩna: Adx Tata' i'kwe'sx Tataíiçxá', sa' adx Dxusa' i'kwe'sx Dxusíiçxá' txajx tasxna u'jweçthu jĩnak pta'sxkaah jĩne'kwe.

Hebreos 2:7

Nasa's maz en yu' angeleswe'sxte ãhmeekwesa na'wẽg nvxiht, Nawa jxthaakwe walasa yuuwa'j vxitçxag nvxiht, Txã'wẽ yũuçxa iidx vxitnitxi' txãaçxaçxáa jxkaajxa' ãjawa'ja's ũsgu.

San Juan 8:14

Jesus pasçxa': —Makwe peekíiçxá'ntka ya'tuuthe'je', nawa adx pta'sxni' ĩsxiinisame'. Txãa pa'gatey adxa' jiith majũwe'sxçxa' ki' maa dxi'j u'jweççxawa. Nawa i'kwe'sxa' jiimée i'kwe adx majũwe'sxtewa sa' maa dxi'j u'jweçtewa.

San Juan 6:62

Txã'wẽ jiyumée ũsçxawa, Dxus Nçxi'k Nasa Yuusa' cielun teekaçte uyçxa', ¿maa sũjuki'kwe?

San Juan 6:58

Cielujũ kĩisa ũ'a'sthu pta'sxna we'we'. Kwe'sx yaçgawe'sx manteywe'sxa' maná yaasesa's ũ'çxawa pejka uu ena's ji'phutx. Nawa naa ũ'a' txãa maná na'wẽsame'. Maawa naa ũ'a's ũ'çxa', bagaçxte yuhwa pçumée ĩtxĩ fxi'zewa'ja's ji'phutxna jĩnak pta'sx.

San Juan 6:51

Adxíi cielujũ kĩisa ũ' ĩtxisath. Maawa txãa ũ'a's ũ'sa', bagaçxte yuhwa uumée ĩtxi fxi'zewa'ja's ji'phutxna. Aça' ũ' adx ũsu'nja txã' adx kakwe', kxah maa nasawa pçumée ĩtxi fxi'zewa'ja's ji'phukahn txã'wẽ adx kakwe's ũsu'nja.

San Juan 6:41

Txã'wẽ adxíi ũ' cielujũ kĩisath jĩpa'ga judiuwe'sxa' Jesusa's açewe'weya' takhtxi:

San Juan 6:38

Txã'wẽ cielujũ kĩhçxawa peekx adx ũus yaakxniçxá's kxtey yuuya' yuwe'çmeeth. Adx Tata ma'wẽ yũukaathe' txã'sçxáanath kxtey yuuya' yuwé'.