Efesios 2:14 - Páez

¹⁴ Kristo' txã'wẽ yũuçxak judiuwe'sx judiu ji'jmeesatx ahçena fxi'zeni's ivxiituçxa e'zsatx teeçx jwedçxáa vxitna pa'j.

Efesios 2:14 Referans Kwoze

Gálatas 3:28

Ãçxha' maa yuhwa puutx iiwejçx yaakxwa'jme'. Judiu ma'k yuu meeçxa' judiumée ma'k yuu, patron ji'phsa ma'k yuu meeçxa' patron ji'phmeesa ma'k yuu, piçthẽ'j ma'k yuu meeçxa' u'y ma'k yuu nawa maa yuhwa puutx iiwejçx yaakxwa'jme', txãa pa'gatey Kristo Jesus yakh fxi'zesa' maa yuhwa thaakwemée jxukaysa puutx txãa na'wẽçxaçxáa i'kwe.

Colosenses 3:11

Aça' txã'wẽ ya'yu'pthehnisa' maawa jxuka kxteeçxah teeçxçxáa yuuna pa'jsata'. Judiuwe'sx ma'tx yuu, judiuwe'sxmée ma'tx yuu, cirkuncidãynisawe'sx ma'tx yuu, cirkuncidãynimeesawe'sx ma'tx yuu, wala jiisa ma'tx yuu, jiimeesa ma'tx yuu, patron ji'phsa ma'tx yuu, patron ji'phmeesa ma'tx yuu nawa maawa jxuka kxteeçxah teeçxçxáa yuuna pa'jsata'. Txãa pa'gatey Kristo's jxpa'ganiçxáa txã'wẽ', Kristo jxukaysawe'sx jĩ'.

Colosenses 3:15

Txã'wẽ yũunijũ' Dxusa' ũsuna jxukaysa kxteeçxah ũuste wẽt weçxana fxi'zewa'ja's. Txã'wẽ jxukaysatx kxteeçxah teeçxçxáa vxit-ya'íiçxáak Dxusa' i'kwe'sxtxi txhitxh, txãa pa'ga mweeçxawe.

Efesios 2:15

Sa' Moises leya'swa kaapçu'ju'k, Kristo tasxteçxaçxáa utxaaçxa e'zsa puutx yahçemée kxteeçxah ih fxi'zekahn.

Colosenses 1:20

Sa' Dxusa' maa yuhtxwa nvxihtmée, naa kiwetewe'sx kĩjkĩhwa jxuka Kristo's ahçemée yuwe ewuuna pa'jwa'ja'sku vxit, Kristo's kluuste uuwa'j vxitçxa.

Colosenses 2:20

I'kwe'sxa' naa kiwete piçthẽ'jwe'sx we'weni's nwẽese'jya'mée, Kristo yakh ja'da uusáa na'wẽ yuusáa i'kwe. Sa' ¿kĩjxa'çxáa piçthẽ'jwe'sx we'weni's nwẽese'jwa'jsamée yã'jçxa', txãawe'sx txã'jĩna jxkaahnitxi' nwẽese'jna ũsuki'kwe?

Romanos 5:1

Txã'wẽ Dxusa's ũusuh yuuçxáa jxuka yaakxpa'gaçxáa Dxusa' kwe'sxtxi's yuuwemeesak vxit aça' ãçxha' Dxus yakh wẽt fxi'zewa'ja's ji'ptha'w, kwe'sxtxi jxpe'jsa Jesukristo nwe'wepa'ga.

Hechos 10:36

Dxusa' Israelwe'sx ji'jtx yuwe kaakh Dxus yakh fxi'zewa'ja's Jesukristo yuuçxáa ũsuna sa' txãaíiçxáa naa kiwetewe'sx jxukaysatx jxkaajana jĩna.

Hechos 10:28

Sa' Pedro' na'jĩk: —I'kwe'sxa' jiine'kwe, judiuwe'sxa' pkhaakhena puutx we'wewa'jsameeta' vxite nasa judiumeesa yakha'. Nawa Dxusa' adxa's pta'sxçxa', kim yuhnawa açekaahme'.

Hebreos 13:20

Jesukristo' iiméh ew txajx nasatx jxpe'jsa yu'k, txajx eek txã'wẽ u'se puutx we'weni bagaçxte yuhwa yu'pthehwa'jme's vxitçxa nvxiitni's kxtey kxũ'ju'jwa'jsa yuu.

San Lucas 2:14

¡Dxus ẽe walatewe'sxa' seena' yuh ew yuuk! Naa kiwete nasa wẽtwẽt fxi'zewa'ja's ũsku peeygãhçxa jĩ'tx.

San Juan 10:16

Txã'wẽy piisxáa vxite ji'pthu ayte kxuuphnimeesa txãatxwa nuypa'ja'nja. Aça' txãawe'sxwa adx pa'yani's nwẽese'jetxna. Txã'wẽ yũute', teeçx ahteçxaçxáa jxuka pkhakhni neeyũutxna teeçx jxpe'jsa yakhçxáa.

San Lucas 1:79

Çxhi'dxte uu ente na'wẽ yã'j ũstewa, wẽt eena'te nvxiht-ya'. Sa' kwe'sxtxiwa jxpubamée ewte kaafxi'ze'jya'k txã'wẽ yũu jĩnak we'we Zakariasa'.

Hebreos 7:2

Abrahana' diesmo dukhku makwene' dukhwa'j ji'phu' txãa yu's jxuka. (Hebreo yuwete' Melkisedek jĩnisa' Ew Jxkaahsa jĩnisa', aça' Salem jĩnisa' wẽt fxi'zeni jĩnisak yu'. Txãasa Melkisedekha' wẽt fxi'zenite ew jxkaahsa' jĩnisa'.)

Efesios 4:16

Aça' maawa Kristo tasxte utxaaçxa jxukaysa kxteeçxah pkhaakheçxa puutx ya'kaapiya'jna ew yũuna fxi'zete', thẽyméek peeygãhna fxi'zewa'ja' walaana u'jwe'.

Efesios 3:15

txã'sa' maawa jxukatx Tata jĩna kxsusu' Dxus luuçx naa kiwetewe'sx ma'tx yuu, cielutewe'sx ma'tx yuu nawa jxukaysa.

San Juan 16:33

Txã'wẽth adx yakh fxi'zewa'ja's jxuka pta'sxi', kxah adxa's neewe'weçxa', ũukhmée wẽtwẽt yaakine'kwe. Naa kiwete' thẽyte nxuste fxi'zewa'ja's ji'phune'kwe. Nawa adxa's çxhãçxha miiyajkxwe, txãa pa'gatey naa kiwete ewmeesa's adxa' knayyã'th naa pa'ga jĩk.

San Juan 11:52

Nawa judiuwe'sxtxi nwe'weya'çxáameene' txã'wẽ uuya'wa yu'. Dxus luuçx mtee mteewa ũstxna txãawe'sxtxiwa pkhakhya'k txã'wẽ uuya'wa yu'.

Efesios 2:17

Kristo' kĩhçxa' e'zíi Dxus yakh yuuwemée neeyũuwa'ja's pta'sxku, i'kwe'sx Dxus tasxte pa'jwa'ja's ji'phmeesatxwa pta'sxku, sa' judiuwe'sx Dxus tasxte fxi'zesatxwa pta'sxku.