Apocalipsis 5:8 - Páez

⁸ Txajũ' txãa eça's jxpa'gaçpkaçxha', Dxus vxitni pahz ĩtxĩsa vxite' Dxus luuçxtxi jxkaahsa weintikuatrosawe'sxa' peejxũkwetx txãa Piisxakuẽ jĩnisa tasxte. Txãa jxkaahsawe'sxa' teeçxsa na'wẽçxah tukani arpa ji'phu'tx, sa' vxyuu bee kopawa ji'phu'tx. Txãa vxyuu bee kopasũ yu' dxuus yatte kabnisa inciensoçxaçxá's uta abnisa'stxi ji'phu'. Aça' txãa yu' Dxusa's peçxkanamée puutx we'wena ũsni jĩnisak yu'.

Apocalipsis 5:8 Referans Kwoze

Apocalipsis 4:10

Dxus luuçxtxi jxkaahsa weintikuatrosawe'sxa' bagaçxteçxáa yuhwa uumée nes yuuwa'jsa tasxte peejxũkweçxa txãawe'sx koronatx txajx tasxte ki'pçxa na'jĩnatx weçxana tuuthe'je':

Apocalipsis 5:14

Aça' txã'jĩçpkaçxha', Dxus vxitni ĩtxĩsa pahzsa': —Txã'wẽ kxtey yuuna jĩ'tx. Naapkaçxha' Dxus luuçxtxi jxkaahsa weintikuatrosawe'sxa' peejxũkweçxa weçxana tuuthe'je'tx bagaçxteçxáa yuhwa uumée nes yuuwa'jsa's.

Apocalipsis 4:4

Txãa jxkaahna ũsni pukasu yu' vxite jxkaahna ũsni weintikuatro ãhtx ũsu', aça' kxsũ yu' Dxus luuçxtxi jxkaahsa weintikuatrosatx u'pu', ropa çxihme athçxa dxikthesu yu' vxyuu bee korona ji'phsa.

Apocalipsis 19:4

weintikuatro jxkaahsawe'sx vxite' Dxus vxitni ĩtxĩsa pahzsawe'sxa' Dxus jxkaahna u'psa tasxte peejxũkweçxa weçxatx na'jĩna: —Txã'wẽ yuh ew yuuk. Txãa pa'ga Dxusa's weçxaaga jĩ'tx.

Apocalipsis 5:6

Txajũ' jxkaahna ũsni pxãhte vxite' Dxus vxitni ĩtxĩsa pahz ũsu'tx vxite' Dxus luuçxtxi jxkaahna ũssawe'sx txã'wẽsawe'sx ksxavxyte Piisxakuẽ na'wẽsa yujuçxa ũste uythu. Txãa yu' kpã'vxitçxa ikhni snxalwa ji'phu'k, sa' siete kaaçxu siete yafxku ji'phu'. Txãa siete yafx yu' na'wẽ Dxus tasxte ũssa siete espiritutx naa kiwete jxuka kaahni yuutx txãatx yu'.

Apocalipsis 4:8

Txãa Dxus vxitnisa pahzsa' teeçxsa na'wẽçxah seis fxu ku'tatx ji'phu', sa' yafxçxaçxáa kakwete jxukatx ji'phsa yu'. Txãawe'sxa' kus ma'k yuu en ma'k yuu nawa bagaçxte yuhwa wahtxmeetx na'jĩna ũsu': Dxus iiméh seena' walasa, Kĩh pkal yuhwa ji'phmée iiméh seena' atesa, Nyafxíiwa txãak yu', sa' ãçxwa txãaíiçxá', Sa' txãaíiçxáa bagaçxtewa nes yuuna jĩnatx we'wena nes yu'.

Apocalipsis 15:7

Txajũ' Dxus vxitni ĩtxĩsa pahzsatewe'sx teeçxsa' vxyuu bee kopa ũsku teeçxsa na'wẽçxah txãa siete angeleswe'sxtxi. Kxtee yu' kastigo seena'saçxaçxáa utatx ji'ph yu' Dxus bagaçxtewa nes yuuwa'jsa kaahni.

Apocalipsis 15:2

Mar ipx ka'dni na'wẽsa zhiçxkwe speeju na'wẽ khikhyna ũste uythu. Aça' eçx seena'sa vxite' txãa eçx na'wẽy piisani yuuk vxite' txajx yase numero txã'wẽsatx nwẽese'jsameewe'sx yu' txãa mar pukate yujuçxatx ũsu', tukani arpatx Dxus ũsku txãatx atçxa.

San Juan 5:23

Tata'swa ma'wẽta nwẽese'je', txã'wẽy adxnawa jxukaysa nwẽese'khanku txã'wẽ yũu. Adxna nwẽese'jsame' adxna kaahsa Tata'swa nwẽese'jsameeçxa txã'wẽ yuutxna.

Hebreos 1:6

Nawa Dxusa' txajx Nçxi'ka's nyafxçxah naa kiwete nuykĩhçxa', na'wẽk we'we: Dxus angeleswe'sx jxukaysa txã'sçxáana nwẽese'jwa'j ji'phta' jĩnak jxkaah.

San Juan 1:29

Kuskuskhẽ' Juana' Jesus yuhte uyçxa', na'wẽk we'we: —Mthegwe, naaíi Dxus kaahni piisxakuẽ', jxukaysa pkaltxi txudewa'jsa.

Apocalipsis 4:6

Txãa dxi'pteyçxáa mar na'wẽsak zhiçxkwe khikhyna ũsu'. Txãa jxkaahna ũsni pxãhsu vxite' peeku'jsu yu' Dxus vxitnisa ĩtxĩsa pahztxi ũsu', kakwete jxuka yafxçxaçxáa ji'phsa.

Apocalipsis 5:11

Txajũ' ki' thegçxa' wẽse'th angeleswe'sx iiméh seena' kuhsa we'weni's. Txãawe'sx yu' jxkaahna ũsni peeku'jsu vxite' Dxus vxitni ĩtxĩsa vxite' Dxus luuçxtxi jxkaahna ũssawe'sx peeku'jsutx ũsu'. Txãawe'sxa' iiméh seena' wala kuh yu'tx.

Apocalipsis 5:12

Sa' na'jĩnatx sus we'we': Piisxakuẽ na'wẽ ikhni yuunisa's bagaçxtewa pu'vxitumée weçxana tuuthe'jna ũswa'ja'. Sa' txãaçxaçxáa jxuka jxpa'gawa'jsa', jxkaahsa yuuwa'j, wala seena' ji'phsa yuuwa'j. Kĩhtewa jxuka jiisa, iiméh çxhãçxhasa txã'wẽ yuuwa'jsa' jĩ'tx.

Apocalipsis 6:1

Txajũ' uythu Piisxakuẽ jĩnisa' siete selxo nyafxtewe'sxa's sudeçte, sa' wẽse'th Dxus vxitni ĩtxĩsa teeçxsa' seena' sus na'jĩna: —Yuhçxa mtheg jĩni's.

Apocalipsis 13:8

Aça' na'wẽ Piisxakuẽ jĩnisa ikhni yuuk txã' libru ji'pha' bagaçxte yuhwa uuwa'jsamée yasetx fxi'jni, aça' naa kiwetewe'sx jxukaysa txãawe'sx yase's naa kiwe's vxitiynaçxáa yuhwa txãa librute fxi'jnimeesa' jxukaysa txãa eçx kazx ũukhũukhsa's neewe'wetx.