Apocalipsis 5:13 - Páez

¹³ Sa' Dxus taki'jni cielutewe'sx, naa kiwetewe'sx, naa kiwe dxiijuwe'sx, martewe'sx kxtee kĩhçxah ũstxna txã'wẽsa jxuka na'jĩna we'weni'swa wẽse'th: Weçxana tuuthe'jwa'ja' jxkaahna ũsnite kaçxçxa u'psa's vxite' Piisxakuẽ na'wẽ ikhni yuuk txã'sna. Sa' jxtuhthe jxkaajxa' ãjãwa'jsa' bagaçxtewa jĩ'tx.

Apocalipsis 5:13 Referans Kwoze

Filipenses 2:10

Aça' cielute ũssa vxite' naa kiwete ũssa vxite' mtee mteewe'sxwa jxuka Jesus tasxteçxaçxáa peejxũkweçxa

Apocalipsis 5:3

Nawa cielutewe'sx, naa kiwetewe'sx, naa kiwe dxiijuwe'sx kimçxáa yuhwa txãa eça's phadeya' ãjãwa'jsameetx yu', sa' thegya'çxáa yuhwa ãjãwa'jsameetx yu'.

Apocalipsis 5:12

Sa' na'jĩnatx sus we'we': Piisxakuẽ na'wẽ ikhni yuunisa's bagaçxtewa pu'vxitumée weçxana tuuthe'jna ũswa'ja'. Sa' txãaçxaçxáa jxuka jxpa'gawa'jsa', jxkaahsa yuuwa'j, wala seena' ji'phsa yuuwa'j. Kĩhtewa jxuka jiisa, iiméh çxhãçxhasa txã'wẽ yuuwa'jsa' jĩ'tx.

Romanos 11:36

Txãasa Dxusa' seena' yuh wala ewsa' bagaçxtewa nes yuuwa'jsa. Txã'sa' seena' yuh wala weçxawa'j ji'ptha'w.

1 Pedro 5:11

Txãa pa'ga bagaçxtewa txã's yuuçxáana weçxaaga.

San Lucas 2:14

¡Dxus ẽe walatewe'sxa' seena' yuh ew yuuk! Naa kiwete nasa wẽtwẽt fxi'zewa'ja's ũsku peeygãhçxa jĩ'tx.

Apocalipsis 6:16

Sa' txã'wẽ yũuçxa thã'j vxiç vxite' kwet penxatx na'jĩnatx we'we': —Kwe'sxtxi jxuka akaaçxçxa kaavxya'ja'jnu na'wẽ jxkaahna u'pa' txajx dxi'pte, vxite' Piisxakuẽ jĩnisa seena' yuh kastigãyya' ũsa' txã'wẽsa dxi'pte.

Romanos 16:27

Dxus yuuçxáa ma'wẽ yũuwa'ja'swa jxuka jiisa'. Txãa pa'ga txã's yuuçxáa bagaçxtewa weçxana nes yuuwa'ja', kwe'sxtxi nwe'wesa Jesukristo ew yũupa'ga.

Romanos 9:5

Txãawe'sxa' nyafxte Dxus txhitxhnisa Abrahan ji'tha', aça' txãawe'sx ji'thek Kristo upxhna ũsu' nasaa kakwe yakh. Txãa Kristo' Dxusíiçxáak yu', bagaçxtewa tuuthe'jni yuuwa'jsa.

Apocalipsis 5:6

Txajũ' jxkaahna ũsni pxãhte vxite' Dxus vxitni ĩtxĩsa pahz ũsu'tx vxite' Dxus luuçxtxi jxkaahna ũssawe'sx txã'wẽsawe'sx ksxavxyte Piisxakuẽ na'wẽsa yujuçxa ũste uythu. Txãa yu' kpã'vxitçxa ikhni snxalwa ji'phu'k, sa' siete kaaçxu siete yafxku ji'phu'. Txãa siete yafx yu' na'wẽ Dxus tasxte ũssa siete espiritutx naa kiwete jxuka kaahni yuutx txãatx yu'.

Apocalipsis 1:6

Txã'wẽ yũuçxak kwe'sxtxi's jxkaahsa vxite' sacerdote vxitçxa nvxiht Dxusa's selpikahn. Sa' Kristo yuuçxáa kĩhtewa jxuka ãjãsa jxtuhthe yuuwa'jsa' bagaçxtewa.

1 Pedro 4:11

Maaíia' pta'sxwa'j ji'phçxa', peekx ũuste yaakxni's we'wemée Dxus we'weniçxá's pta'sxwa'ja'. Maawa vxitetx pu'çxya' yaakiççxa', Dxus makwe kçxhãaçxha'jana txã's yu' jxuka kxtey yuuwa'ja'. Kĩh yũuççxawa Dxusa's weçxaawa'ja'sçxáa yajkxna txã'wẽ yũuwa'ja' Jesukristo's pi'kxçxa, txãa pa'gatey kĩjkĩhwa jxuka Dxus jĩiçxaçxáata' bagaçxtewa nes yuuwa'jsa.

Efesios 3:21

Txãa pa'ga Kristo nwe'wenisa yã'j yu', Dxusa's bagaçxtewa weçxana nes yuuwa'ja' Kristo nwe'wepa'ga.

Apocalipsis 5:9

Sa' memtxi teeçx mem u'sesa na'jĩna: Idxa' txãa eça's jxpa'gaçxa selxotx sudeya' ãjãwa'jsag, Txãa pa'gatey ikhni yuuçxa iidx eeju kwe'sxtxi's weygu Maa nasa ma'wẽsa, yuwe ma'wẽ we'wesa, mteewe'sxwa jxuka Dxus luuçx yuuya' ãjãkahn.

Colosenses 1:23

Aça' txã'wẽ ew fxi'zeya' ãjaya', Kristo yuuçxá's iiméh ew ũusuh jxuka yajkxna txajx yuwe ewsa nwe'wewa'jsa pta'sxni's jii i'kwe txajũ txutenuwe. Txãa Dxus yuwe ewsa nwe'wewa'jsa's txã'wẽ mtee mteewa jxuka pta'sxni yuuça', aça' txã'sna pta'sxkahnku Dxusa' nvxiht adxa's.

San Mateo 6:13

Ewmeete wetekahmén, meen nwe'we. Txãa pa'gatey idx yuuçxáa kĩhtewa jxuka ãjawa'jsag, sa' bagaçxtewa idx yuuçxáa jxkaahna nes yuuwa'jsag.

1 Timoteo 4:16

Peekíi wala mpa'yajkx sa' kaapiya'jni'swa txã'wẽy mpa'yajkx kĩhte yuhwa sxiigmée. Txã'wẽ yũuçxa', idxíiwa ewte neeyũune'ga, sa' iidx pta'sxni's wẽse'jsatxwa ewte nvxiitune'ga.

San Juan 1:29

Kuskuskhẽ' Juana' Jesus yuhte uyçxa', na'wẽk we'we: —Mthegwe, naaíi Dxus kaahni piisxakuẽ', jxukaysa pkaltxi txudewa'jsa.

Apocalipsis 5:1

Jxkaahna ũsnite kaçxçxa u'psa' paçu kuseju teeçx eç fxi'jnisa atçxa u'pteth uy. Txãa eç yu' ekaju dxiiju jxuka fxi'jçxa wala ew pelçxa siete selxo yakhku aphni yu'.

Apocalipsis 13:8

Aça' na'wẽ Piisxakuẽ jĩnisa ikhni yuuk txã' libru ji'pha' bagaçxte yuhwa uuwa'jsamée yasetx fxi'jni, aça' naa kiwetewe'sx jxukaysa txãawe'sx yase's naa kiwe's vxitiynaçxáa yuhwa txãa librute fxi'jnimeesa' jxukaysa txãa eçx kazx ũukhũukhsa's neewe'wetx.