Apocalipsis 4:8 - Páez

⁸ Txãa Dxus vxitnisa pahzsa' teeçxsa na'wẽçxah seis fxu ku'tatx ji'phu', sa' yafxçxaçxáa kakwete jxukatx ji'phsa yu'. Txãawe'sxa' kus ma'k yuu en ma'k yuu nawa bagaçxte yuhwa wahtxmeetx na'jĩna ũsu': Dxus iiméh seena' walasa, Kĩh pkal yuhwa ji'phmée iiméh seena' atesa, Nyafxíiwa txãak yu', sa' ãçxwa txãaíiçxá', Sa' txãaíiçxáa bagaçxtewa nes yuuna jĩnatx we'wena nes yu'.

Apocalipsis 4:8 Referans Kwoze

Apocalipsis 1:8

Kwe'sxtxi nwe'wesa' ma'wẽ yũuwa'ja'swa ãjãwa'jsa we'weçxa': Adxa' naa kiwe meetey ũsyã'th yu', sa' bagaçxtewa nes yuuwa'jsath pçuwa'jsamée jĩ'k. Txã' nyafxíiwa txãak yu', sa' ãçxwa txãaíiçxá', sa' txãaíiçxáa bagaçxtewa nes yuuna.

Apocalipsis 4:6

Txãa dxi'pteyçxáa mar na'wẽsak zhiçxkwe khikhyna ũsu'. Txãa jxkaahna ũsni pxãhsu vxite' peeku'jsu yu' Dxus vxitnisa ĩtxĩsa pahztxi ũsu', kakwete jxuka yafxçxaçxáa ji'phsa.

Hebreos 13:8

Jesukristo' bagaçxte yuhwa yu'pthehsame'. Nyafxíiwa ma'wẽsaga yu', sa' ãçxwa txãaíiçxá', sa' bagaçxtewa txãaíiçxáa nes yuuwa'jsa'.

Apocalipsis 15:3

Sa' Dxusna selpisáa Moises mema's memu'tx, vxite' Piisxakuẽ jĩnisa'swa weçxana memu'tx na'jĩna: Dxus, kĩhtewa jxuka ãjãsa, Seena' yuh wala pu'çxgu kĩhtewa jxuka. Naa kiwete jxuka jxkaahsa iidx mjĩini' jxuka ewçxaçxáata'.

Apocalipsis 11:17

Kwe'sxtxi jxpe'jsa idxa's weçxa'tha'w, Dxus iiméh seena' walasag. Idxa' nyafxíiwa idxíiçxáag yu', sa' ãçxwa txãaíiçxáag, sa' bagaçxtewa idx yuuçxáa nes yuuwa'jsag. Txãa pa'gatey kĩhtewa jxuka ãjãwa'ja's idxçxaçxáa ji'phgu, Txãasa ãçxha' jxkaahna ũsgu.

Apocalipsis 16:7

Naapkaçxha' Dxus altaluh na'jĩna vxite we'weni'swa wẽse'th: —Dxus kĩhtewa jxuka ãjãsa idxa' peekxçxáa kastigaĩmée, isag kastigaĩ' jĩnik pthũuse.

Apocalipsis 7:15

Txãasa Dxus jxkaahna ũsni tasxte ũsta', en ma'k yuu meeçxa' kus ma'k yuu nawa bagaçxtewa selpiina nes yuuwa'jsata'. Aça' kxtee jxkaahna u'psa yakh ũssa' kĩhte yuhwa peejxmée fxi'zetxna.

Apocalipsis 21:22

Kxteea' pkhaakheni dxuus yat uymeeth, txãa pa'gatey kwe'sx Dxus kĩhtewa jxuka ãjãsa txãa çxhabte jxuka ãhçxáak ũsu', Piisxakuẽ jĩnisawa txã'wẽy.

Apocalipsis 19:15

Sa' txajx yuwesu yu' espada seena' zeksak sẽhna ũsu', txãa yakh maa kiwetewe'sxtxiwa knaywa'jsa. Txã'wẽ yũuçxak maa kiwetewa jxuka juuna' yuuna txãaçxaçxáa juuna' jxkaahwa'jsa yu'. Sa' ewmeesa yuutxi's seena' kastigaĩna kxũusu'jna, uwatx ku'ssawa ma'wẽga seena' yũ' txã'wẽy yũuna Dxus kĩhtewa jxuka ãjãsa txã'wẽ seena' kastigaĩna.

Apocalipsis 3:7

Dxus luuçx Fxiladelfxia çxhabtewe'sxtxi jxpe'jsa Dxus angela's na'jĩna mfxi'j: Jxkaahsa Davxid lxavxi's ji'phsa txãa phadeyã'the', kim yuhwa apha'çme', sa' txãa aphte', kim yuhwa phade'çme' txã'wẽ isasa's pta'sxsa' na'jĩ'k:

Apocalipsis 1:4

Juan yaasesa adxthu fxi'ja' Asia kiwete Dxus luuçx siete ahte pkhaakhesawe'sxtxi weçxana. Dxus yakh ewçxáa mfxi'zewe. Txã' nyafxíiwa txãaíiçxáak yu', sa' ãçxwa txãaíiçxá', sa' txãaíiçxáa bagaçxtewa nes yuuna. Sa' Dxus tasxte ũssa siete espiritusawe'sx pu'çxnitxwa mpa'gawe.

Apocalipsis 4:4

Txãa jxkaahna ũsni pukasu yu' vxite jxkaahna ũsni weintikuatro ãhtx ũsu', aça' kxsũ yu' Dxus luuçxtxi jxkaahsa weintikuatrosatx u'pu', ropa çxihme athçxa dxikthesu yu' vxyuu bee korona ji'phsa.

2 Corintios 6:18

Txã'wẽ yũute', i'kwe'sxtxi adx jxpa'gaçxa Ney na'wẽ yu'nja. Aça' i'kwe'sxa' adx luuçx yuune'kwe jĩ'k kĩhtewa jxuka ãjãsa Dxusa'.

Apocalipsis 16:14

Txãa eçx sap na'wẽsa yu' kĩjkĩhwa seena'satx kaavxya'ja'jya' ãjã'tx, sa' txãawe'sxa' naa kiwete jxkaahsa jxukaysatx pkhakhya' u'jtx, nmeh ente Dxus txakwe çxhãçxhasa yakh puiiya' sũhçxa. Sa' jxkaahsawe'sx jxukaysatx pkhakhtxi hebreo yuwete Armagedón jĩ'tx teeçx ahte kxtee. Kristo we'weçxa': Yajkxmée ũsiyna, peswée na'wẽçxáa pa'ja'nja, aça' txãa ente thaamena ũsya'mée, Dxus yakh txutemée fxi'zesa' wala yuh wẽtwẽt neeyũutxna jĩ'k.

Apocalipsis 14:11

Kastigãyni ipx wala aja' bagaçxte yuhwa pçumée sxi'tana nes yuuna. Aça' kxteea' en ma'k yuu kus ma'k yuu nawa bagaçxte yuhwa jxkaasewa'ja's ji'phumeetxna, txã'wẽ eçx seena'sa vxite' txãa na'wẽy piisani yuuk txãatx neewe'weçxa txajx yaseju iisawa'jni's kaaki'pu'pha'ga.

2 Timoteo 4:2

Dxus yuwe's pta'sxwa'ja's. Bagaçxtewa pta'sxna nes myuu. Pta'sxwa'j en yu'sa' ivxiitunu, kaajiyu'jna, ewmée yũukahmén we'wena, yu'kxpehna. Bagaçxtewa wa'lmée mkaapiya'j.

1 Timoteo 4:16

Peekíi wala mpa'yajkx sa' kaapiya'jni'swa txã'wẽy mpa'yajkx kĩhte yuhwa sxiigmée. Txã'wẽ yũuçxa', idxíiwa ewte neeyũune'ga, sa' iidx pta'sxni's wẽse'jsatxwa ewte nvxiitune'ga.

1 Tesalonicenses 2:9

Yakhthẽ'jwe'sx, yaaki'ne'kwe, kwe'sxa' Dxus yuwe's pta'sxna u'juçxa' ma'wẽtka'w çxhãçxha mjĩ' kwe'sx peejini's uyya', en ma'k yuu meeçxa' kus ma'k yuu nawa mjĩ'tha'w vxitesatx thãasya'mée.

Hechos 20:31

I'kwe'sxa' miiyajkxwe, adxa' tekh anxuth teeçxsa na'wẽçxah yu'kxpehna ũsu' en petx kus yã'jçxa ũ'ne petx khakh.

Apocalipsis 4:9

Sa' kxtee jxkaahna ũsnite kaçxçxa bagaçxteçxáa yuhwa uumée nes yuuwa'jsa's Dxus vxitnisa txã'wẽ tuuthe'jna weçxaaçpkaçxha',

Apocalipsis 5:6

Txajũ' jxkaahna ũsni pxãhte vxite' Dxus vxitni ĩtxĩsa pahz ũsu'tx vxite' Dxus luuçxtxi jxkaahna ũssawe'sx txã'wẽsawe'sx ksxavxyte Piisxakuẽ na'wẽsa yujuçxa ũste uythu. Txãa yu' kpã'vxitçxa ikhni snxalwa ji'phu'k, sa' siete kaaçxu siete yafxku ji'phu'. Txãa siete yafx yu' na'wẽ Dxus tasxte ũssa siete espiritutx naa kiwete jxuka kaahni yuutx txãatx yu'.

Apocalipsis 6:1

Txajũ' uythu Piisxakuẽ jĩnisa' siete selxo nyafxtewe'sxa's sudeçte, sa' wẽse'th Dxus vxitni ĩtxĩsa teeçxsa' seena' sus na'jĩna: —Yuhçxa mtheg jĩni's.

Apocalipsis 6:6

Sa' wẽse'th Dxus vxitni ĩtxĩsa ksxavxyu teeçx na'jĩna we'weni's: —E'z libra skuutxhçxáana teen mjĩinite ãhpa'ga txweywa'j yuuna, sa' seis libra cebada'swa txakwey pa'gate txweywa'j yuuna. Nawa aceite vxino txã'wẽsa yuutxi'sa' ivxiitupu'n jĩ'k.

Apocalipsis 7:11

Aça' Dxus jxkaahna ũsni peeku'jsu vxite' Dxus luuçxtxi jxkaahsawe'sx peeku'jsu vxite' Dxus vxitni ĩtxĩsa pahz ũsu'tx txãa peeku'jsu angeleswe'sx yujuçxa ũssa' jxkaahna ũsni ju'gu kiwete pa'j kĩiçhuçxa Dxusa's na'jĩnatx neewe'we':

Apocalipsis 14:3

Txãa nasa' mem u'sesatx memu', Dxus jxkaahna ũsni vxite' Dxus vxitni ĩtxĩsa pahzsawe'sx vxite' Dxus luuçxtxi jxkaahsawe'sx txãawe'sx tasxte. Txã'sa' kim yuhwa piyaya' ãja'çmeeta', naasáa naa kiwetewe'sx ksxavxyu ewte neeyũusáa ciento kuarenta y kuatro mil txãawe'sx yuuçxáatx ãjã'.

Apocalipsis 15:7

Txajũ' Dxus vxitni ĩtxĩsa pahzsatewe'sx teeçxsa' vxyuu bee kopa ũsku teeçxsa na'wẽçxah txãa siete angeleswe'sxtxi. Kxtee yu' kastigo seena'saçxaçxáa utatx ji'ph yu' Dxus bagaçxtewa nes yuuwa'jsa kaahni.

Apocalipsis 19:4

weintikuatro jxkaahsawe'sx vxite' Dxus vxitni ĩtxĩsa pahzsawe'sxa' Dxus jxkaahna u'psa tasxte peejxũkweçxa weçxatx na'jĩna: —Txã'wẽ yuh ew yuuk. Txãa pa'ga Dxusa's weçxaaga jĩ'tx.