Apocalipsis 4:1 - Páez

¹ Txãa e'su' ki' thegçxa' uythu cielute vxitx phateçxa ũste. Aça' nyafxíi we'weni na'wẽy we'weni ki' wẽse'th trompeta's seena' sus tukani, sa' na'jĩ'k: —Ay ẽete myuh, kxtee kaavxya'ja'jya'wath naa e'su kĩhçxa yuune'thewa txãatx.

Apocalipsis 4:1 Referans Kwoze

Apocalipsis 11:12

Txajũ' txãa e'z selpisaawe'sxa' wẽse'jtx seena' sus we'weni cielujũ na'jĩna: —Ayte cielute ẽete myuhwe jĩçpkaçxha', tãaph pxãhte u'jçxa cielute tejkatx, txãawe'sxtxi açesawe'sx uyna ũste.

Apocalipsis 1:19

Na'wẽ idx uygu txãatxi' mfxi'j, ãçxh uynisa ki' e'su vxite uyuune'ga txãatxwa.

Apocalipsis 1:10

Sa' teeçx ki'sen ente' Dxus Espiritu aphniith yuu, sa' adx e'ste trompeta's tukani na'wẽ seena' sus we'weni wẽse'th.

San Marcos 1:10

Aça' yu'ju kasejeççxa', uyku cielu phaateeçte. Naapkaçxha' Espiritu' tub çxihme na'wẽsa txajx kajkwekhẽ kĩjaçtek uy.

Apocalipsis 22:6

Txajũ' Dxus angela' adxa's na'jĩnak we'we: —Na'wẽ pta'sxnisa' isa kxtey yuuwa'jsata', aça' txãatxi's isasa yuhtxna sũhna wa'lmée jxpa'gawa'ja'. Txãa pa'gatey nyafxíi txajx yuwe's pta'sxsawe'sxtxi kaaũusuthe'kh txãa Dxus íiçxáak ãçxwa txajx angela's kaah, na'wẽ kĩhwa yũuya'wa' jwee yu' jxthẽeyuumée txãatx kaajiyu'khan ãçxh naa ensu selpisaawe'sxtxi.

Apocalipsis 16:17

Txajũ' Dxus angel sietetewe'sxa' txãa kopatewe'sxa's ẽesuk pkaw, naapkaçxha' Dxus ũsni cielujũ na'jĩnisak sus we'weni pthũuse txajx jxkaahna ũsnijũ: —Na' Dxus kastigo nmehtewe'sxa' jĩ'k.

Hechos 7:56

Sa' txã'wẽsa's uyçxa' na'jĩk: —Mthegwe, adxa' uyna ũsthu cielutewe'sx Dxus Nçxi'k Nasa Yuusá' Ney pukate ũsa' jĩçpkaçxha',

San Juan 16:13

Nawa Dxus Espiritu kĩhçxa', txãa ente i'kwe'sxtxi' jxuka ew kaajiyu'juna, txã' isa we'wenisaçxá's kaajiyu'jsa'. Txã' peekxçxáa we'wemée, Dxus kwe'we'jniçxá's pta'sxina, sa' kĩh yuuya'watewa dxiikhẽy kaajiyu'juna.

San Lucas 3:21

Txã'wẽ yũumeyna Juana' nasatx yu'te bautisãyna ũste', Jesuswa pa'jçxa yu'te ya'bautisãyku. Sa' oraĩçpkaçxha', cielu' phaatek.

Hechos 10:11

Naapkaçxha' Pedro' uyku cielukhẽ tela wala na'wẽsa puutx vxiçte tudçxa nuykĩjaçte.

San Mateo 3:16

Aça' Jesusa' yu'te ya'bautisãyçxa kasejeçpkaçxha', cielu' phaatek, aça' Jesusa' uyku Dxus Espiritu tub çxihme na'wẽsa txajx kajkwete kĩjaçte.

Apocalipsis 1:12

¿Kimki'k txã'wẽ we'we? sũhçxa yu'thegçxa', uythu bela txaahnisa sietetx ũsu' vxyuu behçxaçxáasa.

Apocalipsis 11:19

Txajũ' cielute Dxus ũsni phatek, aça' na'wẽ Dxusa' nasa yakh puutx we'wek txãa puutx we'weni's fxi'jçxa kajate jxaawni yuuk txãa kaja' vxyaak. Naapkaçxha' kpi'sx kwehneçxa seena' susku kwetuba seena' wala ãsxna, aça' ehdwa u'kh.

Apocalipsis 19:11

Txãa e'su' cielu phateçxa ũsteth uy, aça' teeçx jiba çxihmesak vxyaa. Kxte a'jsa yu': Isasaçxá's Kxtey Yuusáa jĩnak kxsusni yu', txãa pa'gatey isasa yu'sa' jxuka kxtey yuuna puiiçxa knayku naa pa'ga.