Apocalipsis 3:14 - Páez

¹⁴ Dxus luuçx Laodicea çxhabtewe'sxtxi jxpe'jsa Dxus angela's na'jĩna mfxi'j: Ĩsxĩisamée kĩhtewa jxuka isasaçxá's we'wesa kĩh yuhwa meetey ũsyã'kh yu' txã' na'jĩ'k:

Apocalipsis 3:14 Referans Kwoze

Colosenses 1:15

Dxusa' kwe'sx yafxte vxyaasame', nawa vxyaaya' kĩjk txajx Nçxi'k Jesukristo kakwete. Txãasa Kristo' Dxus íiçxá', naa kiwete kĩjkĩhtewa thaakwe yaçtewe'sx.

Apocalipsis 1:5

Sa' txã'wẽy Jesukristo pu'çxni'swa mpa'gawe. Txã' Dxus yuwe's jxuka pta'sxsa' txãak uuçxawa ki' ĩtxĩ yuu nyafxte, sa' ãçxha' txãa jxkaajxa' ãjãwa'jsa' naa kiwete jxkaahsawe'sxtxi. Kristo' kwe'sxtxi's peeygãhçxa kwe'sx pkaltxi's txajx eeju pkhi'kxku.

Colosenses 1:18

Sa' Kristo's jxpa'gaçxa txãa yakh fxi'zesa maazkuẽesatxwa jxuka Kristo íiçxáa jxkaahsa'. Txãak nyafxtewe'sx yu', sa' txãa íiçxáak uuçxawa nyafxte ki' ĩtxi yuu, txãaçxaçxáa bagaçxtewa jxkaahwa'jsa.

2 Corintios 1:20

Na'wẽ Dxusa' kĩh yũuwa'ja'swa puutx we'wek txã'sa' Kristo yuuçxáak jxuka kxtey yuu, Dxus puutx we'weni's kaavxya'ja'jna. Txãa pa'gatha'w Dxusa' bagaçxtewa kxtey yuusa' jĩna tuuthe'je'.

Apocalipsis 3:7

Dxus luuçx Fxiladelfxia çxhabtewe'sxtxi jxpe'jsa Dxus angela's na'jĩna mfxi'j: Jxkaahsa Davxid lxavxi's ji'phsa txãa phadeyã'the', kim yuhwa apha'çme', sa' txãa aphte', kim yuhwa phade'çme' txã'wẽ isasa's pta'sxsa' na'jĩ'k:

Apocalipsis 22:13

Adxa' naa kiwe meetey ũsyã'th yu', sa' bagaçxtewa nes yuuwa'jsath. Adxthu nyafxte ũsya' takh, sa' jxuka skhẽwtewa adx íiçxáa neeyũuwa'jsath pçuwa'jsamée.

Apocalipsis 19:11

Txãa e'su' cielu phateçxa ũsteth uy, aça' teeçx jiba çxihmesak vxyaa. Kxte a'jsa yu': Isasaçxá's Kxtey Yuusáa jĩnak kxsusni yu', txãa pa'gatey isasa yu'sa' jxuka kxtey yuuna puiiçxa knayku naa pa'ga.

Apocalipsis 22:6

Txajũ' Dxus angela' adxa's na'jĩnak we'we: —Na'wẽ pta'sxnisa' isa kxtey yuuwa'jsata', aça' txãatxi's isasa yuhtxna sũhna wa'lmée jxpa'gawa'ja'. Txãa pa'gatey nyafxíi txajx yuwe's pta'sxsawe'sxtxi kaaũusuthe'kh txãa Dxus íiçxáak ãçxwa txajx angela's kaah, na'wẽ kĩhwa yũuya'wa' jwee yu' jxthẽeyuumée txãatx kaajiyu'khan ãçxh naa ensu selpisaawe'sxtxi.

Apocalipsis 21:6

ki' we'wek: —Adx we'weni' jxuka kxtey yuunik yuu. Adxa' naa kiwe meetey ũsyã'th yu', sa' bagaçxtewa nes yuuwa'jsath pçuwa'jsamée. Aça' maawa yũ'wẽesa's kĩh yuhwa vxyuu pa'gamée ũsu'nja yu' bagaçxte yuhwa uumée kaafxi'ze'jwa'jsana.

Apocalipsis 1:11

Txã' na'jĩ'k: —Kĩh yuhwa meetey adxa' ũsyã'th yu', sa' bagaçxtewa nes yuuwa'jsath. Aça' idx uyuuçgu txãatxi's eçte fxi'jçxa mkaah Dxus luuçx siete ahte pkhaakhena ũssa Asia kiwetewe'sxtxi, Efxeso, Esmirna, Pérgamo, Tiatira, Sardis, Fxiladelfxia, Laodicea txãa çxhabtewe'sxtxi jĩte',

Apocalipsis 2:1

Dxus luuçx Efxeso çxhabtewe'sxtxi jxpe'jsa Dxus angela's mfxi'j na'jĩna: Paçu kuseju siete estrelxatx atçxa siete bela txaahnisa vxyuu behçxaçxáata' txãa ksxavxysu u'jusa we'weçxa' na'jĩ'k:

Colosenses 4:16

Naa karta's i'kwe'sx pwe'sx lẽeyna jxã'jçxa', mkaahwe Laodicea çxhabte pkhaakhesawe'sx lẽeykahn, sa' Laodicea çxhabtewe'sxtxi karta kaath txãa karta i'kwe'sx tasxte pa'the', txã'snawa mlẽeywe.

Colosenses 2:1

I'kwe'sxa' mjiyuwe: Adxa' i'kwe'sx pa'gate vxite' Laodiceatewe'sx vxite' adxna jiimeesa ũstxna txãawe'sx jxukaysa pa'gate iiméh wala pa'pçxuna Dxus yakh puutx we'wena ũsthu.

San Juan 1:3

Dxusa' txã'sna neewe'weçxak kĩjkĩhnawa jxuka kvxiitu'j. Txãa pa'ga naa kiwete kĩjkĩhwa ũssa' jxuka txajx vxitniçxaçxáata'. Dxus yakh ũssa kĩjkĩhnawa vxitmeewaça', kĩh yuhwa mee yuutxna.

San Juan 8:14

Jesus pasçxa': —Makwe peekíiçxá'ntka ya'tuuthe'je', nawa adx pta'sxni' ĩsxiinisame'. Txãa pa'gatey adxa' jiith majũwe'sxçxa' ki' maa dxi'j u'jweççxawa. Nawa i'kwe'sxa' jiimée i'kwe adx majũwe'sxtewa sa' maa dxi'j u'jweçtewa.