Apocalipsis 21:9 - Páez

⁹ Txajũ' Dxus angel sietesawe'sx na'wẽ Dxus kastigo nmeh sietesatx ji'phu'tx siete kopate txãa sietesawe'sx teeçxsa' kũhçxa na'wẽk we'we: —Myuh thegya', pta'sxya'wath Piisxakuẽ jĩnisa nyuu yuuwa'jsa's jĩ'k.

Apocalipsis 21:9 Referans Kwoze

Apocalipsis 21:2

Juan yaasesa adxa' uythu Dxus çxhab Jerusalen u'sesa txã'wẽ Dxus tasxu cielujũ kĩjaçte. Txãa çxhaba' seena' ew pheu'jni yu'k, novxia iimi'ya' pheu'jçxa ũythãsna ũs na'wẽ.

Apocalipsis 19:7

Aça' seena' wala weçxana txã'sa' tuuthe'jega, txãa pa'gatey Piisxakuẽ jĩnisa nyuu yuuwa'jsa' ya'pheu'kh, Aça' boda fxiesta ena' ãjxã'kh.

Apocalipsis 17:1

Txajũ' siete angeleswe'sx na'wẽ siete kopa ji'phu'tx txãatewe'sx teeçxsa's uythu, aça' adxa's na'wẽk we'we: —Ayte myuh, na'wẽ u'y kazx yũuna fxi'zesa mar kajkwete kaçxçxa u'pa' txã'sna kastigãywa'ja's pta'sxya'wath.

Apocalipsis 1:1

Naa txã'wẽ Dxus kaajiyu'jnisa' Jesukristo's, aça' Jesukristo' txã'sna selpisaatxku kaajiyu'jwa'jsa yu' naa ensu seena' yũuwa'ja's, kxajk Jesukristo' txã'sna selpisáa Juana's kaajiyu'j teeçx angela's kwe'we'jçxa.

Apocalipsis 21:17

Txajũ' kwet upha'sku isa, aça' sesenta y kuatro metrok ji'phu' khẽete ẽete. Kwe'sx isani metro jiitha'w txãa yakhíiçxáak Dxus angela' isana ũsu'.

Apocalipsis 22:1

Txajũ' Dxus angela' teeçx yu'wala seena' zhiçxkwe çxihme atesa's pta'sxku, bagaçxte yuhwa uumée kaafxi'ze'jwa'jsa's. Sa' txãa yu'a' Dxus jxkaahna ũsni vxite' Piisxakuẽ jĩnisa txãawe'sx jxkaahna ũsnijũk kasehna ũsu'.

Apocalipsis 22:6

Txajũ' Dxus angela' adxa's na'jĩnak we'we: —Na'wẽ pta'sxnisa' isa kxtey yuuwa'jsata', aça' txãatxi's isasa yuhtxna sũhna wa'lmée jxpa'gawa'ja'. Txãa pa'gatey nyafxíi txajx yuwe's pta'sxsawe'sxtxi kaaũusuthe'kh txãa Dxus íiçxáak ãçxwa txajx angela's kaah, na'wẽ kĩhwa yũuya'wa' jwee yu' jxthẽeyuumée txãatx kaajiyu'khan ãçxh naa ensu selpisaawe'sxtxi.

Apocalipsis 22:17

Aça' Dxus Espiritu vxite' Piisxakuẽ jĩnisa nyuu txãawe'sxa' pi'ki'tx: —Myuh jĩna. Aça' txã'wẽ pi'kxni's wẽse'jsa' jweeju mpa'yawe. Aça' yũ'wẽesa' utxaaçxa mpa'gawe yu' bagaçxteçxáa yuhwa uuwa'jmeete kaafxi'ze'jsa's, kĩh yuhwa vxyuu pa'gamée.