Apocalipsis 21:5 - Páez

⁵ Txajũ' jxkaahnite kaçxçxa u'psa' na'jĩ'k: —Mtheg, kĩhtxwa jxuka yu'pthehçxa u'seçxaçxáath vxit jxuka jĩçxa', ki' na'wẽk we'we: —Na'wẽ we'wenisatxi' mfxi'j, txãa pa'gatey txã' isa kxtey yuuwa'jsata' jĩçxa',

Apocalipsis 21:5 Referans Kwoze

2 Corintios 5:17

txãa pa'gatey maawa Kristo tasxte utxasá' jxuka yu'pthehnik yu'. Nyafxíi yajkxna fxi'zeni's nvxihtçxa, u'sesaçxaçxáak ya'jypa'ga'.

Apocalipsis 19:9

Txajũ' Dxus angela' na'jĩnak fxi'khaah: —Piisxakuẽ jĩnisa boda fxiestate pi'kxnisawe'sx yakha' wala yuh weçxa yuja' jĩna kfxi'ja'jçxa', na'jĩnak we'we: —Na'wẽ we'wenisa' Dxus kwe'we'jnisa isasata' jĩte',

Apocalipsis 22:6

Txajũ' Dxus angela' adxa's na'jĩnak we'we: —Na'wẽ pta'sxnisa' isa kxtey yuuwa'jsata', aça' txãatxi's isasa yuhtxna sũhna wa'lmée jxpa'gawa'ja'. Txãa pa'gatey nyafxíi txajx yuwe's pta'sxsawe'sxtxi kaaũusuthe'kh txãa Dxus íiçxáak ãçxwa txajx angela's kaah, na'wẽ kĩhwa yũuya'wa' jwee yu' jxthẽeyuumée txãatx kaajiyu'khan ãçxh naa ensu selpisaawe'sxtxi.

Apocalipsis 20:11

Txajũ' jxkaahna u'pni çxihmesa seena' walasa'sthu uy, vxite' kxtee kaçxçxa u'psa's. Txajx yafxju thegniteçxáa kiwe vxite' cielu wantaĩmeeçxa jxuka vxitutx, sa' peena yu' vxyaameeta'.

Apocalipsis 4:2

Txã'jĩçpkaçxha' txãa dudtey Dxus Espiritu aphniith yuuna pa'j, sa' uythu cielute jxkaahna ũsnisa's.

Apocalipsis 4:9

Sa' kxtee jxkaahna ũsnite kaçxçxa bagaçxteçxáa yuhwa uumée nes yuuwa'jsa's Dxus vxitnisa txã'wẽ tuuthe'jna weçxaaçpkaçxha',

Apocalipsis 1:19

Na'wẽ idx uygu txãatxi' mfxi'j, ãçxh uynisa ki' e'su vxite uyuune'ga txãatxwa.

Apocalipsis 1:11

Txã' na'jĩ'k: —Kĩh yuhwa meetey adxa' ũsyã'th yu', sa' bagaçxtewa nes yuuwa'jsath. Aça' idx uyuuçgu txãatxi's eçte fxi'jçxa mkaah Dxus luuçx siete ahte pkhaakhena ũssa Asia kiwetewe'sxtxi, Efxeso, Esmirna, Pérgamo, Tiatira, Sardis, Fxiladelfxia, Laodicea txãa çxhabtewe'sxtxi jĩte',

Apocalipsis 5:1

Jxkaahna ũsnite kaçxçxa u'psa' paçu kuseju teeçx eç fxi'jnisa atçxa u'pteth uy. Txãa eç yu' ekaju dxiiju jxuka fxi'jçxa wala ew pelçxa siete selxo yakhku aphni yu'.

Hebreos 12:27

Isa ew jiyute yu', ki' peena thaakwe kẽese'je'nja jĩçxa', Dxus vxitnisa ẽsesa yu' jxuka ũsxitxna, aça' ẽsesaméeçxáa neeyũutxna jĩçxane' txã'jĩ'.

Apocalipsis 22:19

Meeçxawa Dxus yuwe naa librute fxi'jni ũsa' txã'sna kĩhçxáawa ivxiituwáatxna aça' txã'wẽ yũusatxi's Dxusa' puuçmeena txãa fxtũutasx bagaçxte yuhwa uumée kaafxi'ze'jwa'jsa's. Sa' na'wẽ pta'sxna fxi'jni yuuk txãa çxhabtewa ka'ga'jmeena.

San Lucas 5:38

Txãa pa'ga beka u'sesa's slun u'sesate awwa'ja'. Txã'wẽ yu', maa yuhwa vxitumeetxna.