Apocalipsis 20:6 - Páez

⁶ Dxus yakh yuuçxáa fxi'zeçxa uuniijũwa txãawe'sx khuẽ'y nyafxte ĩtxĩ yuusáa yakha' seena' yuh weçxa yuja'. Txãawe'sxa' bagaçxte yuhwa Dxus yakh puutx uywa'jmeete yu' u'jmeetxna. Txãa pa'ga txãawe'sxa' mil anxupkaçx jxkaahna ũsutxna, Dxus vxite' Kristo txãawe'sx tasxte selpiina.

Apocalipsis 20:6 Referans Kwoze

Apocalipsis 1:6

Txã'wẽ yũuçxak kwe'sxtxi's jxkaahsa vxite' sacerdote vxitçxa nvxiht Dxusa's selpikahn. Sa' Kristo yuuçxáa kĩhtewa jxuka ãjãsa jxtuhthe yuuwa'jsa' bagaçxtewa.

Apocalipsis 2:11

Kxtey nwẽese'jwa'jsa ũsçxa', mwẽese'jwe Dxus Espiritu' na'wẽk we'we' Dxus luuçxtxi: Ewmeesa yu'sa' nwẽese'jmée jxuka knaysawe'sxa' Dxus yakh bagaçxte yuhwa peena yu' puutx uywa'jmeete yu' u'jmeetxna jĩ'k.

Apocalipsis 20:14

Txajũ' uu en vxite' uusaawe'sx yã'jçxa infxierno ipx walate akhnitx yuu. Txãa infxierno ipx walate khẽenijũ' bagaçxte yuhwa Dxus yakh peena yu' puutx uywa'jme'.

Apocalipsis 5:10

Sa' kwe'sxtxi's jxkaahwa'jsag vxitna pa'j vxite' sacerdote kwe'sx Dxus tasxtewe'sx, Aça' naa kiwete jxkaajxa' ãjã'nja'w jĩ'tx.

1 Pedro 2:9

Nawa i'kwe'sxa' Dxus txhitxhnisai'kwe, txajx tasxte yuuçxáa selpiina ũswa'jsa. Dxus kusetewe'sxi'kwe, kĩh pkal yuhwa ji'phmeesa. Txãa pa'ga Dxus txakwe wala i'kwe'sxtxi ewte nvxiitni's pta'sxwa'j ji'phi'kwe. Txã'wẽ yũukahnku pa'ya, jiimée jxpubana çxhi'dxte ũsnijũ kasehçxa zhiçxkwe eena'te pa'khan.

2 Timoteo 2:12

Makwe nxuste fxi'zewa'ja's ji'phuçxawa, cielute txãa yakh jxkaahwa'j yu'sa' ivxiitume'nja'w. Txã'wẽ yũumée wa'luwá'nja'w aça' txãawa kwe'sxtxi' jxpa'gameena.

Romanos 8:17

Txã'wẽ Dxus luuçx yã'ja', Dxus jĩ's jxuka jxpa'gawa'jsatha'w. Dxusa' txajx jĩi yu'sa' jxuka Kristo's ũsuna txã'sna kwe'sxwa jxpa'ga'nja'w Kristo yakh ja'daçxah. Nawa Kristo yakh pxthaa yuuwa'ja's ji'phuçxa yuuçxáa cielute txã'wẽ jxpa'ga'nja'w Kristo yakh ja'daçxah.

Apocalipsis 22:7

Txajũ' Jesus we'weçxa': —Txaçxmey yuwe'nja, aça' naa librute Dxus yuwe's fxi'jni ũsta' txãatx kxtey yũusa' seena' weçxana neeyũutxna jĩ'k.

Apocalipsis 14:13

Txajũ' ki' wẽse'th we'weni cielujũwe'sx, txã' adxa's na'jĩ'k: —Naa skhẽwniijũ Kristo's jxpa'gaçxa uusaawe'sxa' wala yuh wẽtwẽt fxi'zesa yuutxna jĩni's mfxi'j jĩte', Dxus Espiritu pasçxa': Txã'wẽ yuja', txãawe'sxa' jxkaaseetxna Dxusna selpiina pxthaa yuuna fxi'zenijũ, sa' cielute uyuutxna txãawe'sx mjĩini's jĩ'k.

Romanos 12:1

Adx yakhthẽ'jwe'sxtxi neewe'we'th: Dxusa' txakwe wala peeygãapa'ga, ãçxha' i'kwe'sx ĩtxi fxi'zeni petx kakweyã'jçxa jxuka kĩh pkal yuhwa ji'phmée txajx kuseteçxaçxáa ya'mdukhwe, Dxusa's yuuçxáa selpiina fxi'zeya'. Dxusa' txã'wẽ yũuni'sku jxthãasu' naa pa'ga kxtey yuuwa'j ji'ptha'w.

Apocalipsis 21:8

Nawa maa nasawa Dxusa's çxhãçxha yaakxsamée yã'ja' ya'skaçxa fxi'zesa, kĩhtewa kazxçxáa yũuna fxi'zesa, nasa ikhsa, kazx pkal yũuna fxi'zesa, dxijxuuna fxi'zesa, Dxus ĩtxĩmeesatx neewe'wesa, ĩsxĩisa txãawe'sxa' infxierno ipx wala asufxre yakh behna ũsa' kxtee khẽeya' u'jwa'j ji'phutxna, bagaçxte yuhwa Dxus yakh peena yu' puutx uyya'mée.

1 Pedro 2:5

I'kwe'sxwa kwet ĩtxisa na'wẽ i'kwe naa pa'ga Dxusa' i'kwe'sxtxi' txajx ũswa'j yat na'wẽsak vxitu', sa' txã'wẽçxáamée kĩh pkal yuhwa ji'phmée txajx tasxte yuuçxáa selpiina ũswa'jsak vxit, txãa pa'ga txajx tasxte utxaaçxa ewsa yuuçxá's kxtey myuuwe. Jesukristo pu'çxte', i'kwe'sx txã'wẽ yũuni's Dxusa' jxpa'gana.

San Lucas 14:15

Txã'wẽ pta'sxni's wẽsẽ'jçxa', mesate u'psa teeçxsa' na'wẽk we'we Jesusa's: —Dxus jxkaahna ũsnite u'kaçxa ũ'sa yakha' wala yuh weçxa yuhna jĩte',

Apocalipsis 3:21

Ewmeesa yu'sa' nwẽese'jmée kĩhtewa jxuka knaysawe'sxtxi's adx jxkaahna ũsnite ih ũswa'jsa vxitu'nja, adxwa ma'wẽtka ewmeesa's nwẽese'jmée jxuka knayçxa adx Tata jxkaahna ũsni pukate kaçx txã'wẽy.

Apocalipsis 22:5

Kxteea' çxhi'dxwa'j enmée yuuna, aça' kxtee fxi'zesa' pki'tawa'jwa peejimeetxna, sa' sek kweethniwa peejimeena, txãa pa'gatey eena' kweethsa' Dxusíiçxá'. Aça' kxtee ũssa' bagaçxtewa weçxana nes yuutxna.