Apocalipsis 2:7 - Páez

⁷ Kxtey nwẽese'jwa'jsa ũsçxa', mwẽese'jwe Dxus Espiritu' na'wẽk we'we' Dxus luuçxtxi: Dxus ũsnite fxtũu tasx ũsa' bagaçxte yuhwa peejxmée yũnna nes yuusa txã' uumée kaafxi'ze'jsa'. Txã'sa' puuçu'nja ewmeesa yu'sa' nwẽese'jmée jxuka knaysawe'sxtxi'sa' jĩ'k.

Apocalipsis 2:7 Referans Kwoze

Apocalipsis 2:17

Kxtey nwẽese'jwa'jsa ũsçxa', mwẽese'jwe Dxus Espiritu' na'wẽk we'we' Dxus luuçxtxi: Ewmeesa yu'sa' nwẽese'jmée jxuka knaysawe'sxtxi's ũsu'nja maná ũ'nisa jxaawni ũsa' txã'sna. Sa' teeçx kwet çxihme ũsu'nja, sa' txãa kwette yu' yase u'sesa's fxi'jni yuuna kim yuhwa jiyunimeesa naasáa txãa kweta's jxpa'gasa yuuçxáa jiyuna jĩ'k.

Apocalipsis 2:11

Kxtey nwẽese'jwa'jsa ũsçxa', mwẽese'jwe Dxus Espiritu' na'wẽk we'we' Dxus luuçxtxi: Ewmeesa yu'sa' nwẽese'jmée jxuka knaysawe'sxa' Dxus yakh bagaçxte yuhwa peena yu' puutx uywa'jmeete yu' u'jmeetxna jĩ'k.

San Mateo 11:15

Na'wẽ pta'sxya'wath txã'sna wẽse'jwa'jsa ũsçxa', mwẽese'jwe.

Apocalipsis 13:9

Txãa ente' na'wẽ seena' yuutxna txã'sa' mwẽese'jwe:

San Mateo 13:43

Naapkaçxha' Dxus jxthãasni's kxtey yuusa' sek na'wẽ eena' kweethetxna Tata cielute jxkaahna ũsnite. I'kwe'sxa' jiyuwa'jsa ũsçxa', jiyune'kwe.

San Mateo 13:9

Na'wẽ pta'sxni's jiyuwa'jsa ũsçxa', jiyune'kwe jĩk.

Apocalipsis 22:14

Maawa athni ropa's yaateçxa ji'phsa yakha' wala yuh weçxa yuja', Dxus çxhabte vxitxte u'kaçxa kxtee fxtũutasx bagaçxte yuhwa uumée kaafxi'ze'jwa'jsa's ũ'ya' u'kasa yakha'.

Apocalipsis 21:7

Maawa ewmeesa yu'sa' nwẽese'jmée jxuka knaysawe'sxa' kĩhwa Dxus jĩi yu'sa' jxuka txãawe'sxçxaçxáa jxpa'gatxna. Aça' adxa' txãawe'sx Dxus yu'nja, naapkaçxha' txãawe'sxa' adx luuçx yuutxna.

San Lucas 23:43

Jesus pasçxa': —Isath we'we', Dxus ũsnite ãçxhíi adx yakh ũsune'ga jĩk.

Apocalipsis 22:17

Aça' Dxus Espiritu vxite' Piisxakuẽ jĩnisa nyuu txãawe'sxa' pi'ki'tx: —Myuh jĩna. Aça' txã'wẽ pi'kxni's wẽse'jsa' jweeju mpa'yawe. Aça' yũ'wẽesa' utxaaçxa mpa'gawe yu' bagaçxteçxáa yuhwa uuwa'jmeete kaafxi'ze'jsa's, kĩh yuhwa vxyuu pa'gamée.

San Marcos 7:15

Kĩh ũ'wa tutxhteçxáa khẽesa yu', nasatx ewmeesa vxitu'çme'. Naasáa ũusuh ewmée yaakxnisa yuuçxáak nasatx ewmeesa vxitu'.

Apocalipsis 22:2

Çxhabte klxiikhun walasa pxãhte vxite' yu'wala pukate puutx pdxi'p fxtũutasx buçxaçxa walaana kãhtx, bagaçxte yuhwa uumée kaafxi'ze'jwa'jsa. Sa' txãa fxtũutasxa' a'te iisak yũnna nes yu', txãasak anxute' doce weces yũnu', naapkaçxha' eç yu' yu'çek selpi' maa kiwejũ nasatxwa jxuka.

1 Corintios 2:10

Dxusa' txajx Espiritu yakhku txã'wẽsatx kwe'sxtxi kaajiyu'j, txãa pa'gatey txajx Espiritu' Dxus pheu'jni kim yuhwa jiyuwa'jmeesa ũstxna txãatx jxuka jiisa'.

San Juan 16:33

Txã'wẽth adx yakh fxi'zewa'ja's jxuka pta'sxi', kxah adxa's neewe'weçxa', ũukhmée wẽtwẽt yaakine'kwe. Naa kiwete' thẽyte nxuste fxi'zewa'ja's ji'phune'kwe. Nawa adxa's çxhãçxha miiyajkxwe, txãa pa'gatey naa kiwete ewmeesa's adxa' knayyã'th naa pa'ga jĩk.

2 Corintios 12:4

Nawa jxũna u'jni yuh yuuk Dxus ũsnite pa'j. Aça' kxteea' we'weni wẽse'kh, kim yuhnawa pta'sxwa'j meea's.

Apocalipsis 15:2

Mar ipx ka'dni na'wẽsa zhiçxkwe speeju na'wẽ khikhyna ũste uythu. Aça' eçx seena'sa vxite' txãa eçx na'wẽy piisani yuuk vxite' txajx yase numero txã'wẽsatx nwẽese'jsameewe'sx yu' txãa mar pukate yujuçxatx ũsu', tukani arpatx Dxus ũsku txãatx atçxa.

Apocalipsis 14:13

Txajũ' ki' wẽse'th we'weni cielujũwe'sx, txã' adxa's na'jĩ'k: —Naa skhẽwniijũ Kristo's jxpa'gaçxa uusaawe'sxa' wala yuh wẽtwẽt fxi'zesa yuutxna jĩni's mfxi'j jĩte', Dxus Espiritu pasçxa': Txã'wẽ yuja', txãawe'sxa' jxkaaseetxna Dxusna selpiina pxthaa yuuna fxi'zenijũ, sa' cielute uyuutxna txãawe'sx mjĩini's jĩ'k.

San Marcos 4:9

Na'wẽ pta'sxthu txã'sa' jiyuwa'jsa ũsçxa', jiyune'kwe jĩk.

San Lucas 8:8

Sa' vxite ahsu' kiwe ewsatek ũsxi. Txãa yu' walaaçxa teeçx tasxçxáa cien nxinxtxi ji'phu. Txajũ' Jesusa' suhsku na'jĩna we'we: —Jiyuwa'jsa ũsçxa', jiyune'kwe jĩk.

1 Juan 2:13

Txã'wẽy thẽ'jsawe'sx, i'kwe'sxa' na'wẽ nyafxíi entey Jesukristo' ũsyã'kh yu' txã'sna jiyupa'gath fxi'ja'. Sa' piçtakxwe'sx, eçxthẽ'ja's knayi'kwe txãa pa'gath fxi'ja'. Adx luuçxwe'sx, Dxusa's jiyui'kwe txãa pa'gath fxi'ja'.

San Marcos 7:16

Aça' maawa jiyuwa'jsa ũsçxa', jiyune'kwe jĩçxak nvxiht.