Apocalipsis 2:13 - Páez

¹³ Dxus dxi'pte i'kwe'sx ma'wẽ fxi'zesatewa jxuka jiith. I'kwe'sxa' eçxthẽ'j jxkaahna ũsni ksxavxyte ũsçxawa, adx tasxu yu' txutemée i'kwe fxi'ze'. Adx kaapiya'jni's pta'sxsa Antipas nakwe wala seena' pxthaa i'kwe'sx ksxavxyte ikhni yuuk txãa enteçxáa yuhwa ũukhçxa adx yase's kxsusmée yu' yuumée i'kwe, kxteek eçxthẽ'j ũsu' nawa.

Apocalipsis 2:13 Referans Kwoze

1 Timoteo 5:8

Txã'wẽ peekx nwe'sxtxi jxpe'jwa'j ji'pha', sa' peekx yattewe'sx yuutxi' wejx thaakwe thegwa'j ji'pha', naa kxah kxtey yuumeeçxa' Dxus luuçxthu sũhwa'j ji'phme' sa' Dxusa's jiimeesate jxthaakwek yuuwesa yuuna.

Apocalipsis 3:11

Txaçxmey sxawedu'nja. Ew fxi'zeni's mpa'yajkxwe, kxah txã'wẽ fxi'zepa'ga i'kwe'sxtxi ũswa'j ũsa' txã'sna kim yuhwa kusa'jmeena.

2 Timoteo 2:12

Makwe nxuste fxi'zewa'ja's ji'phuçxawa, cielute txãa yakh jxkaahwa'j yu'sa' ivxiitume'nja'w. Txã'wẽ yũumée wa'luwá'nja'w aça' txãawa kwe'sxtxi' jxpa'gameena.

Hechos 22:20

Sa' idxna neewe'wena selpisáa Esteban eea's pkawuuçtewa uynath ũsu', txã'wẽ yũuni ewna sũhna. Sa' ikhsawe'sx atxhtxi thegsath yu' jĩtewa,

Apocalipsis 14:12

Txãa pa'ga Dxus luuçxa' txajx jxkaahni's kxtey nwẽese'jna Jesus yakh yuuçxáa çxhãçxha fxi'zewa'ja's ji'phuwa'j peejxta' jĩ'k.

Apocalipsis 3:3

Sa' i'kwe'sxtxi ew kaapiya'jni's yajkxçxa txã's yuuçxáana kxtey yuuna mfxi'zewe. Txã'wẽ jxpa'yakxmeete', adxa' kus peswée na'wẽçxáa pa'ja'nja i'kwe'sx tasxte, kim yuhwa jiyunimeete.

Apocalipsis 2:2

Dxus dxi'pte i'kwe'sx ma'wẽ fxi'zesatewa jxuka jiith. Wala yuh çxhãçxha mjĩina wantãyna fxi'zesa i'kwe, sa' ewmeesa yuutxi'sa' jxpa'ga'çmée i'kwe. Txã'wẽ Jesus jxkaahnisatha'w jĩna pa'jsawe'sxtxi'sa' jxpa'gamée kimtewa ew jiyuya' yuwe paapẽyi'i'kwe, sa' txã'wẽ yũuçxa' Jesus jxkaahnisamée ĩsxĩisatewa jiyu'i'kwe.

Hebreos 10:23

Ãçxha' Dxus tasxte utxaawa'ja's jiiyã'tha'w na' Dxus yakh txutemée txãa yakh yuuçxáa çxhãçxha fxi'zega. Txãa pa'gatey Dxusa' kwe'sxtxi bagaçxte yuhwa pçumée ĩtxi fxi'zewa'ja's ũsya' puutx we'wek txã'sa' kxtey yuuna.

2 Timoteo 1:13

Aça' idxa' adx ma'wẽtka ew kaapiya'j txã'wẽçxáa mfxi'ze, sa' Dxusa's ũusuh jxuka yajkxna peeygãawa'ja'swa ũuste ji'phgu Kristo Jesus yakh fxi'zepa'ga txãatxi's peçxkanamée mfxi'ze.

San Mateo 24:9

Txajũ' i'kwe'sxtxi uweçxa dukhetxna pãpana ikhkahn, sa' naa kiwete mteewe'sxwa jxukaysa açetxna adx jxkaahni's nwẽese'pha'gaçxáa.

Santiago 2:7

Txãawe'sxíiçxáa Kristo yase's ¿açewe'wesamée wáatxna?

Hebreos 3:6

Naapkaçxha' Kristo' selpiisamée Dxus Nçxi'k yuuk yu', txãasa Dxus luuçxa' kwe'sxtha'w txãatx kĩhte yuhwa peejxmée jxpe'jwa'jsa', kwe'sx yuu uu entepkaçx txutemée txã's yuuçxáa weçxana fxi'zete yu'.

1 Tesalonicenses 5:21

Wala jxpa'yakx pakwena atxahçxa ewsaçxá's mpa'gawe.

Hechos 9:14

Sa' ãçxwa naa çxhabte yuja' sacerdote npiiçthẽ'jwe'sxtxi karta pẽjxçxa idxna yaakxsawe'sxtxi preesu jxũna u'jya' jĩte',

San Lucas 21:17

I'kwe'sxa' adxna nwẽesẽ'pha'ga naa kiwete jxukaysa açeni yuune'kwe.

San Mateo 10:23

Txã'wẽ ahçeçxa ikhya' pakweeçpkaçxha', txãa çxhabuh kasehçxa vxite ahte me'jwe. Isath we'we', i'kwe'sx txã'wẽ Israelwe'sx çxhabsu jxuka pekũhmeyna, Dxus Nçxi'k Nasa Yuusa' kĩijana.

San Mateo 4:10

Jesus pasçxa': —Eçxthẽ'j, adx tasxu mtxutée, txãa pa'gatey Dxus librute na'jĩ'k: Idxna jxpe'jsa Dxusçxá's neewe'wewa'ja', sa' txãaçxá's selpiwa'ja' jĩna fxi'jni' jĩte',

Apocalipsis 1:5

Sa' txã'wẽy Jesukristo pu'çxni'swa mpa'gawe. Txã' Dxus yuwe's jxuka pta'sxsa' txãak uuçxawa ki' ĩtxĩ yuu nyafxte, sa' ãçxha' txãa jxkaajxa' ãjãwa'jsa' naa kiwete jxkaahsawe'sxtxi. Kristo' kwe'sxtxi's peeygãhçxa kwe'sx pkaltxi's txajx eeju pkhi'kxku.

Apocalipsis 11:3

Naapkaçxha' adxna selpisáa e'z kaja'nja, adx yuwe's mil doscientos sesenta en ãhpkaçx pta'sxna ũskahn. Txãawe'sxa' nasa uute nxusna athnisa ropa khũçxsa ji'ph yuutxna.

Apocalipsis 12:11

Txã'wẽtewa, kwe'sx yakhthẽ'jwe'sxa' eçx ewmeesa's knaytxi, na'wẽ Piisxakuẽ jĩnisa ikhni uuk txajx eeju vxite' txajx kaapiya'jni's pu'vxitumée pta'sxna fxi'zepa'ga. Txãawe'sxa' Kristo's selpiipa'ga uu en pa'thewa txã'sa' nxusmée uuya'çxáatx ũsu'.

Apocalipsis 13:2

Txãa eçx seena' kazx ũukhũukhsa' txiklxi na'wẽk jxkajkwe yu', çxida yu' oso na'wẽtx yu', sa' yuwe yu' león na'wẽk yu'. Aça' eçxthẽ'ja' txãa eçx seena' kazx ũukhũukhsa's kĩh yũuya'wa ãjãwa'ja's ũsçxa txajx jxkaahna ũsni'swa dukhku, sa' kĩhtewa jxuka pu'çxya'k neeyũu.

Apocalipsis 17:6

Txajũ' jiyuth, txãa u'ya' tũunik yu' Dxus luuçxwe'sx ee vxite' Jesus kaapiya'jni's pta'sxpa'ga ikhni yuutx txãawe'sx ee yakh. Sa' u'y txã'wẽsa's uyçxa', wala ũukhthu.

Apocalipsis 17:14

Txã'wẽ yũuçxa Piisxakuẽ jĩnisa yakh puiitxna. Nawa Piisxakuẽ jĩnisa yuh pejka knayuuna txãawe'sxtxi', txãa pa'gatey txã' Maatewa Jxthaakwe Çxhãçxhasa', sa' Maa Jxkaahsatewa Jxthaakwe Jxtuhthesa'. Aça' txãa yakh ũssa' Dxus peeygãhçxa nwe'wenisata' txãa yakh txutemée fxi'zesa.