Apocalipsis 19:6 - Páez

⁶ Txajũ' nasa wala kuhsa we'weni na'wẽsa'sthu wẽse'j txãa yu' kuh yu' susni na'wẽk pthũuse', vxite' kpi'sx sus we'weni na'wẽ. Sa' na'jĩ'tx: Dxusa's wala yuh weçxaaga, txãa pa'gatey kwe'sx Dxus kĩhtewa jxuka ãjãsa txã' jxkaajxa' takhyã'kh.

Apocalipsis 19:6 Referans Kwoze

Apocalipsis 14:2

Txajũ' cielujũ susni pthũusek yu'wala kuhsa susni na'wẽ vxite' kpi'sx çxhãçxha we'weni na'wẽ susni, iiméh wala kuhsa txãawe'sx arpa tukani na'wẽk pthũuse'.

Apocalipsis 19:1

Txãa e'su' cielujũ nasa wala kuhsa sus we'weni wẽse'th na'jĩna: Kwe'sx Dxus çxhãçxhasa txãa yuuçxáa ewte nvxiit-sa', Sa' txãa yuuçxáa jxtuhthesa', Txãa pa'ga kwe'sx Dxusa's weçxaaga.

Apocalipsis 6:1

Txajũ' uythu Piisxakuẽ jĩnisa' siete selxo nyafxtewe'sxa's sudeçte, sa' wẽse'th Dxus vxitni ĩtxĩsa teeçxsa' seena' sus na'jĩna: —Yuhçxa mtheg jĩni's.

Apocalipsis 1:15

naapkaçxha' txajx çxida yu', çama's ipxte aaçxa'jni na'wẽtx zhiçxkwe kwentete'. Aça' txajx we'weni yu' yu'wala seena' susni na'wẽk pthũuse'.

Apocalipsis 21:22

Kxteea' pkhaakheni dxuus yat uymeeth, txãa pa'gatey kwe'sx Dxus kĩhtewa jxuka ãjãsa txãa çxhabte jxuka ãhçxáak ũsu', Piisxakuẽ jĩnisawa txã'wẽy.

Apocalipsis 12:10

Txajũ' cieluju sus we'wena na'jĩni'sthu wẽse'j: —Ewte neeyũuwa'j en pa'kh, kwe'sx Dxus txãaçxaçxáa jxkaahwa'j en vxite' Dxus txhitxhnisa Kristowa txã'wẽy jxkaahwa'j en. Txãa pa'gatey kwe'sx yakhthẽ'jwe'sxtxi ewmeesata' jĩna pãatxhĩ'khna ũssa's ekaju wãataanik yuu, txãaíik bagaçxtewa pu'vxitumée nes yu' kwe'sxtxi pãatxhĩ'khna.

Apocalipsis 8:5

Txajũ' txãa Dxus angela' txãa vxyuu bee kopate utak çxhã'çxha ipx ji'phsa's ãsx kxtee altaltewe'sxna, sa' txã'wẽ yũuçxak kiwe kajkwesu ẽesu yahta. Aça' txã'wẽ yuuçpkaçxha', kpi'sx seena' kwehnena sus we'wena, ehdwa txã'wẽk seena' u'j.

Apocalipsis 4:5

Txãa jxkaahna ũsnijũ yu', kpi'sx kweneni na'wẽsak kasehna ũsu' seena' susna, sa' jxkaahna ũsni dxi'pte yu' siete ipx pki'tanitx behna ũsu' txãa yu' Dxus tasxte ũssa siete espiritusawe'sxtxi yu'.

San Mateo 6:13

Ewmeete wetekahmén, meen nwe'we. Txãa pa'gatey idx yuuçxáa kĩhtewa jxuka ãjawa'jsag, sa' bagaçxtewa idx yuuçxáa jxkaahna nes yuuwa'jsag.

Apocalipsis 1:8

Kwe'sxtxi nwe'wesa' ma'wẽ yũuwa'ja'swa ãjãwa'jsa we'weçxa': Adxa' naa kiwe meetey ũsyã'th yu', sa' bagaçxtewa nes yuuwa'jsath pçuwa'jsamée jĩ'k. Txã' nyafxíiwa txãak yu', sa' ãçxwa txãaíiçxá', sa' txãaíiçxáa bagaçxtewa nes yuuna.

Apocalipsis 19:4

weintikuatro jxkaahsawe'sx vxite' Dxus vxitni ĩtxĩsa pahzsawe'sxa' Dxus jxkaahna u'psa tasxte peejxũkweçxa weçxatx na'jĩna: —Txã'wẽ yuh ew yuuk. Txãa pa'ga Dxusa's weçxaaga jĩ'tx.