Apocalipsis 16:19 - Páez

¹⁹ Txã'wẽ ehd u'pha'ga naa kiwete çxhab jxuka pçuutx. Aça' çxhab iiméh seena' walasawa tekh ahsutx upe. Aça' Dxusa' yajkxku Babilonia çxhab wala's jxukate kastigãyya', seena' ewmée yũupa'ga.

Apocalipsis 16:19 Referans Kwoze

Apocalipsis 18:5

Na'jĩ'th na': txãawe'sx pkala' iiméh seena' walani' cielute kãhpkaçx, kxajk Dxusa' txãa çxhaba's kastigãyya' yajkx txã'wẽ kazxsapa'ga.

Apocalipsis 18:10

Sa' txã'wẽ kastigãyni's ũukhçxa, jxu'juçxáa thegutxna na'jĩna: —Seena' yuh pxthaa yuuk, Babilonia çxhab txakwe seena' çxhãçxhasa. Naa dudte jxuka vxitunik yuu jĩtxna.

Apocalipsis 17:18

Aça' u'y kaçxçxa u'pte uygu txãa yu' Babilonia çxhab kazx jxtuhthesa', naa kiwete jxkaahsa jxukaysatx txãaçxaçxáa jxkaahna ũssa.

Apocalipsis 18:21

Txajũ' Dxus angel teeçxsa' seena' wala çxhãçxhasa ũ'khni kwet na'wẽsa's kiisçxa, markhẽk wãatah na'jĩna: —Babilonia çxhab txakwe walasa txã'wẽ wãataaní yuuna, aça' txã'sa' bagaçxte yuhwa peena yu' uymeetxna.

Apocalipsis 18:2

Sa' na'jĩnak sus we'we: —Babilonia çxhab txakwe çxhãçxhasaçxawa, Dxus kastigo's jxpa'gawa'the yã'j ũsa'. Sa' ãçxha' eçxthẽ'j jxkaahni espiritu ewmeesa vxite' vxiçxakwe kazxsaçxaçxáa ũswa'j yuuna pa'kh.

Apocalipsis 17:5

Sa' dxikthete yu' na'wẽk fxi'jni yu': Babilonia çxhab kazx jxtuhthesa kazx yũuwa'ja's kaapiya'jsa jĩnak fxi'jni yu'.

Apocalipsis 11:8

Txãawe'sx uuníi kakwe's na'wẽ kwe'sxtxi jxpe'jsa kluuste uuk txãa çxhab wala klxiikhunsu wãataani yuutxna. Txãa çxhaba's Sodoma vxite' Egipto na'wẽsa' jĩ'tx.

Apocalipsis 17:1

Txajũ' siete angeleswe'sx na'wẽ siete kopa ji'phu'tx txãatewe'sx teeçxsa's uythu, aça' adxa's na'wẽk we'we: —Ayte myuh, na'wẽ u'y kazx yũuna fxi'zesa mar kajkwete kaçxçxa u'pa' txã'sna kastigãywa'ja's pta'sxya'wath.