Apocalipsis 15:4 - Páez

⁴ Kwe'sxtxi jxkaahsag aça' ¿idxa's kim ũukhmée yuukx? Sa' ¿kim idxa's tuuthe'jmée yuukx? Idx yuuçxáa pkal ji'phmée atesag, aça' maa kiwejuwe'sxwa jxuka idxçxaçxá's neewe'wetxna, Txãa pa'gatey idx ew yũunisa' ãatek yuu jĩnatx memu'.

Apocalipsis 15:4 Referans Kwoze

Apocalipsis 11:15

Txajũ' Dxus angel sietetewe'sxwa txajx trompeta's tujkak, aça' seena' sus we'wenisa pthũuse'tx cielujũ na'jĩna: Naa kiwete jxkaahna ũsnisa' jxuka kwe'sx Tata vxite' txajx Txhitxhnisa Kristo txãawe'sx jĩiçxaçxáatx yuuna pa'j. Aça' ãçxha' txãaçxaçxáa jxkaajana bagaçxtewa jĩnatx we'we.

Apocalipsis 14:7

Sa' na'jĩnak sus we'we': —Dxusa's mtuuthe'jwe ũukhna. Txã'wẽme' jxukaysatx kastigãywa'j ena' ãjxã'kh. Mneewe'wewe cielu, kiwe, mar, yu', kĩjkĩhnawa jxuka vxit-sa's jĩ'k.

Apocalipsis 4:8

Txãa Dxus vxitnisa pahzsa' teeçxsa na'wẽçxah seis fxu ku'tatx ji'phu', sa' yafxçxaçxáa kakwete jxukatx ji'phsa yu'. Txãawe'sxa' kus ma'k yuu en ma'k yuu nawa bagaçxte yuhwa wahtxmeetx na'jĩna ũsu': Dxus iiméh seena' walasa, Kĩh pkal yuhwa ji'phmée iiméh seena' atesa, Nyafxíiwa txãak yu', sa' ãçxwa txãaíiçxá', Sa' txãaíiçxáa bagaçxtewa nes yuuna jĩnatx we'wena nes yu'.

1 Pedro 1:16

Txajíik Dxus librute na'wẽ we'we': I'kwe'sxa' kĩh pkal yuhwa ji'phmeesa myuuwe, adxwa kĩh pkal yuhwa ji'phmeesath naa pa'ga jĩ'k.

Apocalipsis 16:7

Naapkaçxha' Dxus altaluh na'jĩna vxite we'weni'swa wẽse'th: —Dxus kĩhtewa jxuka ãjãsa idxa' peekxçxáa kastigaĩmée, isag kastigaĩ' jĩnik pthũuse.

Apocalipsis 19:2

Txãasaíik çxhab txã'wẽ kazx yũuwa'ja'sçxáa kaapiya'jsa's kastigãy, Naa kiwete kazx yũuna suwna ũssa's. Sa' Dxusna selpisaatx ikhpa'ga ka'tuwa Dxusa' kastigãyku jĩ'tx.

Romanos 15:9

Sa' judiu ji'jmée vxite nasawa Dxusa's jxpa'gaçxa weçxana tuuthe'khanku Kristo' kĩh. Txã'sna we'weçxak Dxus librute na'jĩ': Txã'wẽ ew yũupa'ga txãawe'sx ksxavxyte idxa's weçxana memna tuuthe'je'nja jĩ'k.

Apocalipsis 6:10

Sa' txãawe'sxa' na'jĩnatx sus we'we': —Kwe'sxtxi jxpe'jsa atesa idxa' kĩhtewa kxtey yuusáa ¿makwe txaçx jxthẽeyuuya'waga, kwe'sxtxi ahçeçxa ikhtxi txãawe'sxtxi kastigãyya'? jĩte',

Apocalipsis 3:7

Dxus luuçx Fxiladelfxia çxhabtewe'sxtxi jxpe'jsa Dxus angela's na'jĩna mfxi'j: Jxkaahsa Davxid lxavxi's ji'phsa txãa phadeyã'the', kim yuhwa apha'çme', sa' txãa aphte', kim yuhwa phade'çme' txã'wẽ isasa's pta'sxsa' na'jĩ'k:

Apocalipsis 16:5

Txajũ' Dxus angel yu'a's thegsa' na'jĩna we'weni'sthu wẽse'j: Dxus, nyafxíiwa idxgu yu' sa' ãçxwa txãaíiçxáag, Dxus atesa. Txãasag txã'wẽ kastigaĩ'.

Apocalipsis 19:8

Txãa nyuu yuuwa'jsa' ropa iiméh zhiçxkwe çxihmesa's kaathe'jnik yuu jĩ'tx. (Txãa ropa ewsa yu', Dxus dxi'pte jxpubamée ew fxi'zeni jĩnisa'.)