Apocalipsis 11:17 - Páez

¹⁷ Kwe'sxtxi jxpe'jsa idxa's weçxa'tha'w, Dxus iiméh seena' walasag. Idxa' nyafxíiwa idxíiçxáag yu', sa' ãçxwa txãaíiçxáag, sa' bagaçxtewa idx yuuçxáa nes yuuwa'jsag. Txãa pa'gatey kĩhtewa jxuka ãjãwa'ja's idxçxaçxáa ji'phgu, Txãasa ãçxha' jxkaahna ũsgu.

Apocalipsis 11:17 Referans Kwoze

Apocalipsis 1:8

Kwe'sxtxi nwe'wesa' ma'wẽ yũuwa'ja'swa ãjãwa'jsa we'weçxa': Adxa' naa kiwe meetey ũsyã'th yu', sa' bagaçxtewa nes yuuwa'jsath pçuwa'jsamée jĩ'k. Txã' nyafxíiwa txãak yu', sa' ãçxwa txãaíiçxá', sa' txãaíiçxáa bagaçxtewa nes yuuna.

Apocalipsis 16:5

Txajũ' Dxus angel yu'a's thegsa' na'jĩna we'weni'sthu wẽse'j: Dxus, nyafxíiwa idxgu yu' sa' ãçxwa txãaíiçxáag, Dxus atesa. Txãasag txã'wẽ kastigaĩ'.

Apocalipsis 19:6

Txajũ' nasa wala kuhsa we'weni na'wẽsa'sthu wẽse'j txãa yu' kuh yu' susni na'wẽk pthũuse', vxite' kpi'sx sus we'weni na'wẽ. Sa' na'jĩ'tx: Dxusa's wala yuh weçxaaga, txãa pa'gatey kwe'sx Dxus kĩhtewa jxuka ãjãsa txã' jxkaajxa' takhyã'kh.

Apocalipsis 1:4

Juan yaasesa adxthu fxi'ja' Asia kiwete Dxus luuçx siete ahte pkhaakhesawe'sxtxi weçxana. Dxus yakh ewçxáa mfxi'zewe. Txã' nyafxíiwa txãaíiçxáak yu', sa' ãçxwa txãaíiçxá', sa' txãaíiçxáa bagaçxtewa nes yuuna. Sa' Dxus tasxte ũssa siete espiritusawe'sx pu'çxnitxwa mpa'gawe.

Apocalipsis 19:11

Txãa e'su' cielu phateçxa ũsteth uy, aça' teeçx jiba çxihmesak vxyaa. Kxte a'jsa yu': Isasaçxá's Kxtey Yuusáa jĩnak kxsusni yu', txãa pa'gatey isasa yu'sa' jxuka kxtey yuuna puiiçxa knayku naa pa'ga.

Apocalipsis 16:7

Naapkaçxha' Dxus altaluh na'jĩna vxite we'weni'swa wẽse'th: —Dxus kĩhtewa jxuka ãjãsa idxa' peekxçxáa kastigaĩmée, isag kastigaĩ' jĩnik pthũuse.

Apocalipsis 16:14

Txãa eçx sap na'wẽsa yu' kĩjkĩhwa seena'satx kaavxya'ja'jya' ãjã'tx, sa' txãawe'sxa' naa kiwete jxkaahsa jxukaysatx pkhakhya' u'jtx, nmeh ente Dxus txakwe çxhãçxhasa yakh puiiya' sũhçxa. Sa' jxkaahsawe'sx jxukaysatx pkhakhtxi hebreo yuwete Armagedón jĩ'tx teeçx ahte kxtee. Kristo we'weçxa': Yajkxmée ũsiyna, peswée na'wẽçxáa pa'ja'nja, aça' txãa ente thaamena ũsya'mée, Dxus yakh txutemée fxi'zesa' wala yuh wẽtwẽt neeyũutxna jĩ'k.

Apocalipsis 15:3

Sa' Dxusna selpisáa Moises mema's memu'tx, vxite' Piisxakuẽ jĩnisa'swa weçxana memu'tx na'jĩna: Dxus, kĩhtewa jxuka ãjãsa, Seena' yuh wala pu'çxgu kĩhtewa jxuka. Naa kiwete jxuka jxkaahsa iidx mjĩini' jxuka ewçxaçxáata'.

Apocalipsis 11:15

Txajũ' Dxus angel sietetewe'sxwa txajx trompeta's tujkak, aça' seena' sus we'wenisa pthũuse'tx cielujũ na'jĩna: Naa kiwete jxkaahna ũsnisa' jxuka kwe'sx Tata vxite' txajx Txhitxhnisa Kristo txãawe'sx jĩiçxaçxáatx yuuna pa'j. Aça' ãçxha' txãaçxaçxáa jxkaajana bagaçxtewa jĩnatx we'we.

1 Timoteo 1:12

Kwe'sxtxi jxpe'jsa Jesukristo's weçxa'th, adxa's txhitxçxa na'wẽ selpiwa'jsak nvxiht txajx tasxte selpiwa'jsane'tka yu' naa pa'ga.

San Lucas 10:21

Jesusa' txajx ũuste wala weçxak txã'wẽ Dxus Espiritu pu'çxpa'ga. Sa' na'jĩk: —Tata, idxa's wala weçxa'th, idxa' cielute vxite' naa kiwete jxuka Namug. Txãasag naa kiwete wala jxtuhtesa yuutxi's kaajiyu'jmeeçxawa, ãhmeekwesa yuutxi's jiyuwa'ja's ũsgu. Iidx jxthãasni' txã'wẽne' yu' aça' txã'sa' kxtey yuug.

San Mateo 11:25

Txãa ensu' Jesusa' na'jĩnak Dxus yakh puutx we'we: —Tata, cielute vxite' naa kiwete jxkaahsa idxa' txakwe wala kĩhtewa jxuka jiisawe'sx yuutxi' kaajiyu'jmeeçxawa, pxthaa ãhmeekwesa yuutxi' kaajiyu'jg, txãa pa'gath txakwe wala weçxá' idxa's.

2 Corintios 9:15

Dxusa's iiméh wala weçxa'tha'w txajx Nçxi'ka's yuu kwe'sxtxi peespa'ga.

2 Corintios 2:14

Nawa Dxusa' pu'çxhi'k Kristo Jesus yakh fxi'zete', kĩhtewa ewçxáa kaafxi'ze'jna, aça' txajx yuwe's mteewa kaajiyu'jwa'jsatha'w, maa maawa jiyuna jxã'khan.

San Juan 11:41

Txã'jĩte', txãa aphni kweta's kiistxi. Aça' Jesusa' cielute pagayçxa na'wẽk we'we: —Tata, adx pẽyni's pasu'g naa pa'ga weçxa'th.

Apocalipsis 18:8

Txãa pa'ga teeçx enteçxáa kastigo pa'jatxna na'wẽsa: nxuswa'j, wẽjẽ, uu en, sa' ipxte kabni yuuna. Txãa çxhaba's Dxus çxhãçxhasa' jxuka ivxiituna.