Apocalipsis 11:15 - Páez

¹⁵ Txajũ' Dxus angel sietetewe'sxwa txajx trompeta's tujkak, aça' seena' sus we'wenisa pthũuse'tx cielujũ na'jĩna: Naa kiwete jxkaahna ũsnisa' jxuka kwe'sx Tata vxite' txajx Txhitxhnisa Kristo txãawe'sx jĩiçxaçxáatx yuuna pa'j. Aça' ãçxha' txãaçxaçxáa jxkaajana bagaçxtewa jĩnatx we'we.

Apocalipsis 11:15 Referans Kwoze

Apocalipsis 12:10

Txajũ' cieluju sus we'wena na'jĩni'sthu wẽse'j: —Ewte neeyũuwa'j en pa'kh, kwe'sx Dxus txãaçxaçxáa jxkaahwa'j en vxite' Dxus txhitxhnisa Kristowa txã'wẽy jxkaahwa'j en. Txãa pa'gatey kwe'sx yakhthẽ'jwe'sxtxi ewmeesata' jĩna pãatxhĩ'khna ũssa's ekaju wãataanik yuu, txãaíik bagaçxtewa pu'vxitumée nes yu' kwe'sxtxi pãatxhĩ'khna.

Apocalipsis 10:7

Dxus angel sietetewe'sx txajx trompeta's tujkaya' takheçpkaçxha', nmeh ente ma'wẽ yũuwa'ja's ne' Dxusa' pheu'jçxa ji'phu' txã' jxuka kxtey yuuna. Sa' Dxus yuwe's pta'sxna selpisaawe'sxtxi ma'wẽne' pta'sx txãa yu' jxuka kxtey yuuna jĩk.

Apocalipsis 19:1

Txãa e'su' cielujũ nasa wala kuhsa sus we'weni wẽse'th na'jĩna: Kwe'sx Dxus çxhãçxhasa txãa yuuçxáa ewte nvxiit-sa', Sa' txãa yuuçxáa jxtuhthesa', Txãa pa'ga kwe'sx Dxusa's weçxaaga.

San Lucas 1:33

Kxah Israelwe'sxtxi kiiwey jxkaajana, nawa txajx jxkaahni' bagaçxte yuhwa pçumeena jĩk.

Apocalipsis 16:17

Txajũ' Dxus angel sietetewe'sxa' txãa kopatewe'sxa's ẽesuk pkaw, naapkaçxha' Dxus ũsni cielujũ na'jĩnisak sus we'weni pthũuse txajx jxkaahna ũsnijũ: —Na' Dxus kastigo nmehtewe'sxa' jĩ'k.

Hebreos 1:8

Nawa Nçxi'k fxi'zewa'ja's we'weçxa yu' na'jĩ'k: Dxus, iidx jxkaahna ũswa'ja' bagaçxtewa nes yuuna, Idxa' ew yuuçxáa jxkaahna ũswa'jsag.

Apocalipsis 19:6

Txajũ' nasa wala kuhsa we'weni na'wẽsa'sthu wẽse'j txãa yu' kuh yu' susni na'wẽk pthũuse', vxite' kpi'sx sus we'weni na'wẽ. Sa' na'jĩ'tx: Dxusa's wala yuh weçxaaga, txãa pa'gatey kwe'sx Dxus kĩhtewa jxuka ãjãsa txã' jxkaajxa' takhyã'kh.

Apocalipsis 15:4

Kwe'sxtxi jxkaahsag aça' ¿idxa's kim ũukhmée yuukx? Sa' ¿kim idxa's tuuthe'jmée yuukx? Idx yuuçxáa pkal ji'phmée atesag, aça' maa kiwejuwe'sxwa jxuka idxçxaçxá's neewe'wetxna, Txãa pa'gatey idx ew yũunisa' ãatek yuu jĩnatx memu'.

San Lucas 15:10

Na'jĩ'th na': Dxus angeleswe'sxtxiwa txã'wẽy weçxa yuja' teeçx nasaçxáawa pkaltxi nvxihtçxa Dxus tasxte sxawedte'.

Apocalipsis 20:4

Txajũ' jxkaahna ũsnisatxthu uy, aça' kxsũ yu' kastigãyya' ãjãwa'jsatx kaçxçxa u'pu'. Vxite' Jesus kaapiya'jni's nwẽese'jçxa Dxus yuwe's pta'sxna fxi'zepa'ga dxikthe's spẽ'thçxa ikhni yuutx txãawe'sxtxiwa uythu. Txãawe'sxa' eçx seena' kazxsa vxite' txãa eçx na'wẽysa piisani yuuk txã'sna neewe'wesameetx yu', sa' txãa eçx iisawa'jni's dxikthesu meeçxawa kusesuçxáa yuhwa kaaki'pu'jsameetx yu'. Txãawe'sxa' ki' ĩtxĩ yuuçxa mil anxutx jxkaahna ũsu' Kristo yakh ja'daçxah.

Apocalipsis 17:14

Txã'wẽ yũuçxa Piisxakuẽ jĩnisa yakh puiitxna. Nawa Piisxakuẽ jĩnisa yuh pejka knayuuna txãawe'sxtxi', txãa pa'gatey txã' Maatewa Jxthaakwe Çxhãçxhasa', sa' Maa Jxkaahsatewa Jxthaakwe Jxtuhthesa'. Aça' txãa yakh ũssa' Dxus peeygãhçxa nwe'wenisata' txãa yakh txutemée fxi'zesa.

Apocalipsis 9:13

Txajũ' Dxus angel seistewe'sxwa txajx trompeta's tujkak, naapkaçxha' Dxus tasxte vxyuu bee altal pahz vxiçsu we'weni pthũusek.

Apocalipsis 9:1

Txajũ' Dxus angel tahçtewe'sxwa txajx trompeta's tujkak, naapkaçxha' uythu cieluju estrelxa naa kiwete weteeçte. Aça' txãa wetesa estrelxa's lxavxi's ũsnik yuu, kafx seena' dxiisatewe'sxna.

Apocalipsis 8:12

Txajũ' Dxus angel pahztewe'sxwa txajx trompeta's tujkak, naapkaçxha' sekwa puupxãhn ãatuwku kweethmée neeyũu. Aça' a'te, estrelxawa txã'wẽyçxáatx puupxãhn ãatuw kweethmée neeyũu. Aça' txãa suwenisa yu' kweethmeeta'. Aça' en yu' wejkuẽ yuuçxáak khikhyna neeyũu, naapkaçxha' kus yu' jweeíiçxáak seena' çxhi'dxsa yuu.

San Mateo 6:13

Ewmeete wetekahmén, meen nwe'we. Txãa pa'gatey idx yuuçxáa kĩhtewa jxuka ãjawa'jsag, sa' bagaçxtewa idx yuuçxáa jxkaahna nes yuuwa'jsag.

San Lucas 15:6

yatte pa'jçxa, namikuwe'sx vxite' kxsũu utxasuwe'sxtxi pa'yaçxa: Adx piisxáa vxitusa's uyyã'th, aça' adx yakh ja'da weçxa mpu'çxwe jĩna ¿pta'sxmeema'kwe?

San Mateo 24:31

Sa' txajx angeleswe'sxtxi jxkaajana seena' sus tujkaçxa txajx txhitxhnisatxi' pkhakhkahn naa kiwetewe'sx mtee mteewe'sxwa jxukaysatx.

Hechos 4:26

Naa kiwete jxkaahsa' weeçxi'tx, Aça' çxhabte npiiçthẽ'j pkhaakheçxa, Dxusa's ahçeçxa txã'wẽy Nçxi'knawa açe'tx jĩ'k.