Apocalipsis 1:11 - Páez

¹¹ Txã' na'jĩ'k: —Kĩh yuhwa meetey adxa' ũsyã'th yu', sa' bagaçxtewa nes yuuwa'jsath. Aça' idx uyuuçgu txãatxi's eçte fxi'jçxa mkaah Dxus luuçx siete ahte pkhaakhena ũssa Asia kiwetewe'sxtxi, Efxeso, Esmirna, Pérgamo, Tiatira, Sardis, Fxiladelfxia, Laodicea txãa çxhabtewe'sxtxi jĩte',

Apocalipsis 1:11 Referans Kwoze

Apocalipsis 3:1

Dxus luuçx Sardis çxhabtewe'sxtxi jxpe'jsa Dxus angela's na'jĩna mfxi'j: Dxus tasxte ũssa sietesatx jxkaahsa txajx kusete yu' siete estrelxatx atçxa ũssa na'jĩ'k: Dxus dxi'pte i'kwe'sx ma'wẽ fxi'zesatewa jxuka jiith. Ĩtxĩ ũstha'w jĩna jxtuhthe i'kwe fxi'ze', nawa uuníi na'wẽ ũsi'kwe.

Apocalipsis 1:4

Juan yaasesa adxthu fxi'ja' Asia kiwete Dxus luuçx siete ahte pkhaakhesawe'sxtxi weçxana. Dxus yakh ewçxáa mfxi'zewe. Txã' nyafxíiwa txãaíiçxáak yu', sa' ãçxwa txãaíiçxá', sa' txãaíiçxáa bagaçxtewa nes yuuna. Sa' Dxus tasxte ũssa siete espiritusawe'sx pu'çxnitxwa mpa'gawe.

Apocalipsis 3:14

Dxus luuçx Laodicea çxhabtewe'sxtxi jxpe'jsa Dxus angela's na'jĩna mfxi'j: Ĩsxĩisamée kĩhtewa jxuka isasaçxá's we'wesa kĩh yuhwa meetey ũsyã'kh yu' txã' na'jĩ'k:

Apocalipsis 3:7

Dxus luuçx Fxiladelfxia çxhabtewe'sxtxi jxpe'jsa Dxus angela's na'jĩna mfxi'j: Jxkaahsa Davxid lxavxi's ji'phsa txãa phadeyã'the', kim yuhwa apha'çme', sa' txãa aphte', kim yuhwa phade'çme' txã'wẽ isasa's pta'sxsa' na'jĩ'k:

Apocalipsis 2:18

Dxus luuçx Tiatira çxhabtewe'sxtxi jxpe'jsa Dxus angela's na'jĩna mfxi'j: Dxus Nçxi'k yafx ipx beeni na'wẽsa ji'phsa txajx çxida çam na'wẽ kwentetesa ji'phsa na'jĩ'k:

Apocalipsis 2:12

Dxus luuçx Pérgamo çxhabtewe'sxtxi jxpe'jsa Dxus angela's na'jĩna mfxi'j: Espada pdxi'p zeksa's ji'phsa' na'jĩ'k:

Apocalipsis 2:8

Dxus luuçx Esmirna çxhabtewe'sxtxi jxpe'jsa Dxus angela's na'jĩna mfxi'j: Naa kiwe meetey ũsyã'kh yu' sa' bagaçxtewa nes yuuwa'jsa uuçxa ki' ĩtxĩ yuuk txã' na'jĩ'k:

Efesios 1:1

Adxa' Jesukristo jxkaahnisa Pablo yaaseth, txã'wẽte selpiwa'jsa Dxus nvxiitnisa. Txãa pa'ga Dxus luuçx Efxeso çxhabtewe'sx jĩi naa karta's fxi'jçxa kajaçthu, Kristo Jesusa's nwẽese'jna fxi'zesawe'sxtxi weçxana.

Apocalipsis 21:5

Txajũ' jxkaahnite kaçxçxa u'psa' na'jĩ'k: —Mtheg, kĩhtxwa jxuka yu'pthehçxa u'seçxaçxáath vxit jxuka jĩçxa', ki' na'wẽk we'we: —Na'wẽ we'wenisatxi' mfxi'j, txãa pa'gatey txã' isa kxtey yuuwa'jsata' jĩçxa',

Apocalipsis 19:9

Txajũ' Dxus angela' na'jĩnak fxi'khaah: —Piisxakuẽ jĩnisa boda fxiestate pi'kxnisawe'sx yakha' wala yuh weçxa yuja' jĩna kfxi'ja'jçxa', na'jĩnak we'we: —Na'wẽ we'wenisa' Dxus kwe'we'jnisa isasata' jĩte',

Apocalipsis 14:13

Txajũ' ki' wẽse'th we'weni cielujũwe'sx, txã' adxa's na'jĩ'k: —Naa skhẽwniijũ Kristo's jxpa'gaçxa uusaawe'sxa' wala yuh wẽtwẽt fxi'zesa yuutxna jĩni's mfxi'j jĩte', Dxus Espiritu pasçxa': Txã'wẽ yuja', txãawe'sxa' jxkaaseetxna Dxusna selpiina pxthaa yuuna fxi'zenijũ, sa' cielute uyuutxna txãawe'sx mjĩini's jĩ'k.

Apocalipsis 10:4

Txã'wẽ siete kpi'sx we'weni's jiyuçxa', fxi'jya'wath yu'. Nawa cielujũ na'jĩna we'weni'sthu wẽse'j: —Txãa siete kpi'sx we'wenitx jiyug txãatxi's kim yuhtxwa pta'sxna fxi'jnu jĩ'k.

Apocalipsis 1:19

Na'wẽ idx uygu txãatxi' mfxi'j, ãçxh uynisa ki' e'su vxite uyuune'ga txãatxwa.

Apocalipsis 1:8

Kwe'sxtxi nwe'wesa' ma'wẽ yũuwa'ja'swa ãjãwa'jsa we'weçxa': Adxa' naa kiwe meetey ũsyã'th yu', sa' bagaçxtewa nes yuuwa'jsath pçuwa'jsamée jĩ'k. Txã' nyafxíiwa txãak yu', sa' ãçxwa txãaíiçxá', sa' txãaíiçxáa bagaçxtewa nes yuuna.

1 Timoteo 1:3

Macedonia kiwen u'jweççxa', idxa's Efxeso çxhabtee nvxihtthu Dxus yuwemée txãawe'sx ũus yajkxçxa fxiy kaapiya'jsatx yupkahn.

Apocalipsis 1:17

Aça' txã'wẽ uyçxa', txajx tasxga uuníi na'wẽth wete. Nawa txajx kuse paçuwe'sxa's adx kajkwete peekizeçxa na'jĩ'k: —Ũukhnu, naa kiwe meetey adxa' ũsyã'th yu', sa' bagaçxtewa nes yuuwa'jsath pçuwa'jsamée.

Apocalipsis 1:2

Txãa pa'gak Juana' Dxus yuwe isasa's we'we Jesukristo kaavxya'ja'the uyni's jxuka, txãasa ĩsxĩinisame'.

1 Corintios 16:8

Nawa ayte Efxesote nee ũsya'wath, Pentekostes fxiesta skhẽwpkaçx.

1 Corintios 15:32

Efxesotewe'sxa' yu'kh eçx na'wẽ seena' weesweesata' jĩ'tx txãawe'sx yakh iipuiith. Nawa adxa' ¿kĩh yũuçxatka uuwa'ja's ũukhu'çmée? Txã'wẽ uuyã'jçxa' peena yu' ĩtxi yuuwa'jmée dxihte', isa yuh we'we'ne'ta na'wẽ we'wesa': Ũ'na tudxna fxi'zega, uuçxa kxtee pçuwa'jsaçxáatha'w jĩsa'.

Hechos 20:17

Sa' Mileto çxhabte pa'jçxa', Efxeso çxhabte ancianowe'sxtxi pa'yak na'wẽ we'weya':

Hechos 18:24

Txãa ensu' teeçx judiu Apolos yaasesa Alejadría çxhabuwe'sx pa'kh Efxeso çxhabte, Dxus libru Moises fxi'jni's ew jiisa kaapiya'jya' sxiigmeesa.

Hechos 16:14

Aça' kxte pkhaakhesa teeçxsa' Lidiak yaase yu', Tiatira çxhabuwe'sx, tela zhiçxkwesatx txweysáa. Txãa u'ya' Dxusna nwẽese'jsak txã'wẽ Pablo pta'sxni's wẽse'jna u'pu'. Aça' Dxusa' txajx ũuste kaajiyu'kh Pablo pta'sxni's.

Colosenses 2:1

I'kwe'sxa' mjiyuwe: Adxa' i'kwe'sx pa'gate vxite' Laodiceatewe'sx vxite' adxna jiimeesa ũstxna txãawe'sx jxukaysa pa'gate iiméh wala pa'pçxuna Dxus yakh puutx we'wena ũsthu.

Apocalipsis 1:20

Adx paçu kusete siete estrelxatx uygu vxite' bela txaahni sietesatx txã'wẽsa' na'wẽ kaajiyu'jsata': Txãa estrelxa' Dxus luuçx siete ahte pkhaakhena ũssatx yuwee pta'sxsa angeleswe'sxta', naapkaçxha' siete bela txaahnisa' Dxus luuçx siete ahte pkhaakhesawe'sxta' jĩ'k.

Apocalipsis 2:1

Dxus luuçx Efxeso çxhabtewe'sxtxi jxpe'jsa Dxus angela's mfxi'j na'jĩna: Paçu kuseju siete estrelxatx atçxa siete bela txaahnisa vxyuu behçxaçxáata' txãa ksxavxysu u'jusa we'weçxa' na'jĩ'k:

Apocalipsis 2:24

Nawa Tiatira çxhabte ũssa maawa txãa u'y kaapiya'jni's nwẽese'jsamée vxite' na'wẽ eçxthẽ'j kaapiya'jni kim yuhwa jiyunimeesa jĩ'tx txã'snawa nwẽese'jsameewe'sxa' adx yu'kxpehwa'j peejxmeei'kwe.

Apocalipsis 3:4

Txã'wẽçxawa kxtee Sardis çxhabte maz nasa yu' athni ropa khũuçxhi'jnimeesatx ji'phi'kwe, aça' txãawe'sxa' adx yakh fxi'zetxna ropa çxihmesa athçxa, txãawe'sxa' txã'wẽ fxi'zewa'jsata'.

Apocalipsis 22:10

Txajũ' ki' we'wek na'jĩna: —Naa librute Dxus yuwe's fxi'jni ũsa' txã'sa' pta'sxmée yu' yuunu. Txã'wẽme' kxtee we'wenisa kxtey yuuwa'j en ãjxa'wa'.

Apocalipsis 22:16

Jesus ki' we'weçxa': Adxa' adx tasxte selpisáa angela's kaath, Dxus luuçxwe'sxtxi txã'wẽsa's jxuka pta'sxkahn. Adxa' nyafxtewe'sxthu, sa' jxkaahsa Davxid ji'the kasehsath. Sa' khikhiiçte estrelxa zhiçxkwe eena' kweethsath jĩ'k.