2 Juan 1:9 - Páez

⁹ Kristo ma'wẽ kaapiya'the' maawa txã'wẽy kaapiya'jsame' Dxus yakh fxi'zesameeçxa txã'wẽ yuuna. Nawa Kristo kaapiya'jniçxá's nwẽese'jna fxi'zesa', Dxus yakh fxi'zesaçxa txã'wẽ yuuna, sa' Dxus Nçxi'k yakhwa txã'wẽy fxi'zesa yuuna.

2 Juan 1:9 Referans Kwoze

Colosenses 3:16

Ãçxha' Kristo kaapiya'jni's i'kwe'sx ũuste jxuka mpiyawe. Txã'wẽ yũuçxa puutx kaapiya'jna, wala jxpa'yakx puutx yu'kxpehna, Dxusa's ũuste weçxana memna mfxi'zewe.

1 Juan 1:3

Kwe'sx wẽse'jçxa yafxjuwa uyni's ãate pta'sxiçtha'w, i'kwe'sxwa kwe'sx yakh utxaaçxa fxi'zekahn, kwe'sxwa ma'wẽtka'w Dxus kwe'sx Tata yakh vxite' Nçxi'k Jesukristo yakh utxaaçxa fxi'ze' txã'wẽy.

Hechos 2:42

Sa' Pedrowe'sx kaapiya'jni's piyaçxa', jxukaysa Dxusa's çxhãçxha yajkxnatx neeyũu. Sa' txutemée kxteeçxahtx pkhaakhena fxi'ze', Dxus yakh puutx we'wena, ũ'wa'ja'swa kxteeçxah ũ'na.

Tito 2:10

kĩh yuhnawa pesweemée ew yuuçxáa fxi'zekahn, kxah txãawe'sx ew fxi'zeni's uyçxa', nwe'wesa Dxus yuwe' wala zhiçxkwesa yu'ga jĩnaçxáa we'wetxna.

San Juan 15:6

Aça' ũ'tasx ku'ta yũnsameetxi' ma'wẽga spẽethe'thçxa ya'kabu', txã'wẽy ya'yuuna adx tasxu txutesatxi'.

San Juan 14:6

Jesusa' pta'sxku dxi'ja's: —Adx yuuçxáa Dxus tasxte kaapa'ja'jwa'jsath, sa' adx yuuçxáa kaypuba'jwa'jsameeth, sa' adx yuuçxáa ĩtxi kaafxi'ze'jwa'jsath. Aça' adxpa'ga yuuçxáa maawa adx Tata tasxte pa'jya' ãjatxna.

San Juan 5:23

Tata'swa ma'wẽta nwẽese'je', txã'wẽy adxnawa jxukaysa nwẽese'khanku txã'wẽ yũu. Adxna nwẽese'jsame' adxna kaahsa Tata'swa nwẽese'jsameeçxa txã'wẽ yuutxna.

San Lucas 10:22

Adx Tata' kĩjkĩhtewa jiyuwa'ja's adxçxaçxá'sku dukh. Txãa pa'ga kim yuhwa jiyu'çmeeta' Dxus Nçxi'ka's, naasáa Ney yuuçxáa jiia'. Txã'wẽy Tata'swa kim yuhwa jiyu'çmeeta', naasáa Nçxi'k yuuçxáa jiia', sa' maatxwa Nçxi'k íi khiyu'theçxáa jiyuya' ãjãtxna adx Tata's.

Hebreos 6:1

Txãa pa'ga Kristo kaapiya'jni nyafxte thẽymeekwesatx pta'sxtha'w txãa yakhçxáa fxi'zemée, jweeíiçxáa wala piyana u'jwa'j ji'ptha'w, sxiigna fxi'zeya'mée. Nyafxte kaapiya'jnisa yakhçxáa yu' fxi'zemeeyuuga. Txã' naata': pkaltxi nvxihtçxa Dxus tasxte sxawedni, Dxusa' ũsyuhna sũhna ũusuh jxuka yaakxni,

Hebreos 3:14

Nyafxíiwa ma'wẽtka'w Kristo yakh jxpubamée fxi'ze txã'wẽesa nmeh entepkaçx fxi'zeçxa', txãa yakh ũswa'ja's ji'phu'nja'w.

San Mateo 11:27

Adx Tata' kĩhnawa jxuka adxçxaçxáanak dukh. Nawa Dxus Nçxi'k ma'wẽsatewa kim yuhwa ew yu' jiimeeta', naasáa adx Tata yuuçxáa jiia'. Txã'wẽy kim yuhwa ew yu' jiimeeta' adx Tata's, naasáa Nçxi'k yuuçxáa ew jiia' Neya's. Txãasak maawa jiyu wẽesa yuutxi' Nçxi'ka' kaajiyu'ju' Ney kimtewa.

San Juan 8:31

Txajũ' Jesusa' txajx ju'gu yuusaawe'sxtxi' na'jĩnak pta'sx: —Adx kaapiya'jni's jxpubamée nwẽese'jçxa', adx nasa yuuçxa

3 Juan 1:9

Adxa' teeçx karta fxi'th kxtee pkhaakhesawe'sxtxi, nawa Diótrefxes yu' nwẽese'jme' kwe'sx we'weni's txãaçxáa jxkaahna ũs wẽeçxa.