2 Corintios 3:13 - Páez

¹³ Adxa' Moises na'wẽ yũuçmeeth. Moisesa' txaçxmeeçxáa eena' kweethnisa ũçxhaçte Israelwe'sx uywe'sxte dxi'pa's yaaphku.

2 Corintios 3:13 Referans Kwoze

2 Corintios 3:7

Moises ley kwet taplate fxi'jnisa's jxpa'ga enteçxáa yuhwa seena' yuh zhiçxkwe eena' kweethku. Txãa pa'ga Moises dxi'pwa txã'wẽyku eena' kweethna neeyũu. Aça' Israelwe'sxa' Moises dxi'pte thegya' ãjãmeeta', Moises dxi'pa' seena' eena' kweethpa'ga. Nawa tuhdtuhdçxah ũçxhana u'kh. Txã'wẽ uuwa'theçxáa vxit-sa leya's jxpa'ga enteçxáa yuhwa txã'wẽ seena' zhiçxkwe eena' kweethçxa', Dxus Espiritu kaapiya'jni en yu' wejx thaakwe zhiçxkwesa'.

Colosenses 2:17

Txã'wẽ yũunisa' naasáa teeçx pa'jwa'jsa ũsu'k txã'sna jxpa'gawa'ja's kaapiya'jsaçxáatx yu'. Aça' ew jiyute yu', txãa pa'jwa'jsa' Kristok yu'.

Romanos 10:4

Txã'wẽ Moises ley jxkaahwa'j en skhẽwnijũ' Kristo jxkaahwa'jsa', yuuwemée ewsa vxit-ya' ãjawa'jsa txã'sna jxpa'gasa yuutxi's. Nawa txã'sna pakwemée leya'sçxáa kxtey yuu wẽete', yuuwemeesa ya'yu'çme'.

San Marcos 8:25

Txajũ' Jesusa' ki'kin txajx kuseju yafxte jxa'dxku, aça' yafxa' phaatete' ew uyya' ãjãk.