2 Corintios 3:12 - Páez

¹² Txã'wẽ bagaçxte yuhwa pçumée selpiwa'ja's jiiçxath ãate pta'sxna we'we'.

2 Corintios 3:12 Referans Kwoze

2 Corintios 7:4

Makwe seena' nxuswa'j ente ũsçxawa, i'kwe'sxtxi yajkxçxa weçxanaçxáath fxi'ze', weh yuhwa ewmée yu' yajkxmée.

Filipenses 1:20

Txãa pa'ga makwe preesu ũsçxawa weh yuhwa thaamemée, wejxwa Kristo yuuçxá's ãate tuuthe'j wẽeth. Nyafxíiwa ma'wẽtka tuuthe'je' ãçxwa txã'wẽyçxáa yu'nja. Txãa pa'ga makwe adx uuma'th meeçxa' uumeema'th nawa Kristo' tuuthe'jni nes yuuna.

Hechos 4:13

Pedrowe'sxa' kim yakh yuhwa piyana ũssamée naasáa Jesus yakh yuuçxáa piyana u'jusaçxawa weh yuhwa ũukhna sxiigmée we'wete', judiutx jxkaahsawe'sx wẽse'jçxa' kuhtx yajkx.

San Juan 16:29

txãa yakh u'jusawe'sxa' na'jĩtx: —Ãçxh yuuçxa' ejemplo yakh kaaja'da'jmée, teehwed ãate pta'sxna ũsgu.

1 Timoteo 3:13

Txã'wẽ diakonowe'sxa' txãawe'sx mjĩ's ew mjĩiçxa', tuhthetx fxi'ze', sa' Kristo Jesus yakh fxi'zewa'ja's thaamemée pta'sxwa'ja's uyu'tx.

1 Tesalonicenses 2:2

Nyafxíi yu' txakwe wala wẽesxuna pkxuunitha'w yuu Fxilipos çxhabte txã'sa' jii i'kwe. Nawa Dxusa' pu'çxku txajx yuwe ewte nvxiitwa'jsa's açesa ksxavxyte ũukhmée pta'sxkahn.

Colosenses 4:4

Nawa Dxus pu'çxte', sxiigmée ew ãate kaajiyu'ju'nja.

2 Corintios 10:1

Adxa' Kristo na'wẽy wala peeygãhna i'kwe'sxtxi we'we'th, adxa's açewe'wena na'jĩ'i'kwe txã'sna: Pablo' kwe'sx yakh ih ũsçxa yu' ma'jĩme'. Nawa jxu'j txuteeyã'jçxa', wala juuna' we'wena jxkaaja'k jĩna i'kwe nuywe'we'.

2 Corintios 4:13

Dxus librute' na'jĩnak we'we': Dxus pu'çxwa'ja's jiith yu', txãasath txã'wẽ we'we' jĩ'k. Aça' kwe'sxwa txã'wẽy Dxus pu'çxwa'ja's ew jiitha'w, txãasatha'w pta'sxi'.

1 Corintios 14:19

Nawa yuwe jiyunimeesaju wala jxu'j we'wena ũs na'wẽ', wejxwa Dxus luuçx ksxavxyte ũsçxa', yuwe jiyunisaju jxu'jmeekweçxáa kaapiya'jna we'wewaççxáa ewna sũju'th.

Hechos 14:3

Txã'wẽ açepa'gaíiçxáatx Pablowe'sxa' jweeíiçxáa kxte txaçx ũsu', Dxusa' pu'çxhina sũhna ũukhmée pta'sxna. Aça' Pablowe'sx txã'wẽ Dxus peeygãani's pta'sxte', Dxusa' kxte nasa wẽse'jsa yuutxi' ewku kaajiyu'j Pablowe'sxtxi kĩhwa seena'sa's kaavxya'ja'jya' ãjawa'ja's ũsçxa.

Hechos 9:29

Sa' judiuwe'sx griego yuweju we'wesa yakh ũukhmeek puutx we'we' Jesus kaapiya'jni's pta'sxna. Nawa txãawe'sx yu' ahçeçxa ikhya'watx yu'.

Hechos 9:27

Txã'wẽtewa Bernabé yu' pe'jna u'jçxa Jesus jxkaahnisawe'sx tasxte nuypa'jçxa na'wẽk pta'sx: —Saulo's Jesus vxyaak Damasko dxi'the u'jweçte, sa' txãa yakh puutx we'wek. Aça' Saulo' Damaskote pa'jçxa Jesus kaapiya'jniçxaçxá'sku pta'sxna ũsu' jĩna pta'sxte', Saulo's ũukhmée jxpa'gatx.

San Juan 16:25

Ejemplo yakhçxáath kaaja'da'jna pta'sx i'kwe'sx jiyukahn. Nawa ãate pta'sxwa'j en ãhte', peena yu' ejemplo yakh kaaja'da'jna pta'sxme'nja, wejxwa teehwed ãateçxaçxáa pta'sxi'nja adx Tata ma'wẽsatewa.

San Juan 10:24

Aça' judiuwe'sxa' txajx tasxte pkhaakheçxa na'wẽtx pẽjx: —¿Bagaçxpkaçx kwe'sxtxi kaypuba'jna ũsya'waga? Idxa' Dxus tasxu yuusa Kristoçxa', teehwed mpeeta'sx jĩte',

2 Corintios 3:11

Txaçxmeeçxáa selpiwa'jsa pa'j enteçxáa yuhwa zhiçxkwe yuuçxa', bagaçxte yuhwa pçumée selpiwa'j en yu' wejx thaakwe zhiçxkwesa'.

Filipenses 1:14

Aça' adxa' txã'wẽ preesu ũsçxawa Dxus yuwe's ũukhmée pta'sxiçte jiyuçxa', maa yakhthẽ'jwe'sxwa txã'wẽy ũukhmeetx Dxusa's jweeíiçxáa çxhãçxha yajkxna pta'sxi'.

Filemón 1:8

Adxa' Kristo kaahnisath na' idxa's juuna' jxkaajxa' ãjawa'jsath.