1 Timoteo 4:7 - Páez

⁷ Dxus yakh fxi'zewa'jmeeçxá's we'weni seelpimeesatxi' nwẽese'jmée, Dxus yakh fxi'zewa'jçxá's çxhãçxha mpa'pçxu.

1 Timoteo 4:7 Referans Kwoze

1 Timoteo 1:4

Txã'wẽme', txãawe'sxa' Dxus librute yu' fxi'jnimeetewa nyafxiitey yaçgawe'sxa' txã'wẽtx yũu jĩna yajkxçxatx kwentu'ju', aça' txã'wẽsatx wẽse'khamén idxa' we'wewa'jsag neeyũu. Aça' txã'wẽsaçxá's kwentu'jni' Dxus neewe'weçxa nvxihtku txãate yu' le'çxkweçxáa yuhwa selpi'çme'.

2 Timoteo 2:16

Selpiwa'jmeesuçxáa we'wena kaapiya'jnitx mpa'yajkx. Txã'wẽme' txã'wẽ kaapiya'jsa' jweeíiçxáatx een isa jxpubana ewmeete wetena u'jwe'.

Tito 2:12

Dxus peeygãani' ewmeesa's nvxihtna naa kiwete pkalte fxi'zewa'jçxá's yaakxni'swa nvxihtçxa, peekíi wala jxpa'yakx fxi'zena Dxus yakh txutemée txã's yuuçxáa selpiina fxi'zewa'ja'sku jxkaaja'.

Tito 3:9

Nawa puutx we'weni seelpimeesatxi's mpa'yajkx, txãniiteywe'sx kimçxah ne'ta yu' sa' kĩhçxah ne'ta yuusáa yu' txãaçxáatx jiyu wẽena fxi'zenitx, vxite' Moises leysu we'weçxa puutx puii wẽenitx, vxite' puii jxpakwena fxi'zenitx. Txã'wẽsa' kĩhte yuhwa seelpimeesata'.

Hebreos 5:14

Nawa thẽ'jsa yã'ja' thẽ'jsa ũ'nisatx jxpa'gawa'ja', kĩh ewsatxna vxite' kĩh ewmeesatxna nawa txãatx jxuka jiyuya'.

2 Timoteo 2:23

Yuwe kĩhtewa selpiwa'jmeesatxi' nwẽese'jnu, yuwe txã'wẽsatxi' jiiyã'jg puiiwa'jçxáak kaseje'.

2 Timoteo 4:4

Isa kaapiya'jni yu'sa' e'skhẽ nvxihtçxa, kĩhwa naa kiwete kwentu'jniçxá's nwẽese'jetxna.

1 Timoteo 6:11

Nawa idxa' Dxusna nwẽese'jsag naa pa'ga txãa ewmeejũ jxuka txuteeçxa kĩhte yuhwa jxpubamée Dxusçxáana yajkxna vxitetx peeygãhna thẽysa pa'thewa txãatxi' yajkxmée ũusuh jxuka manvxiht ewmeesa's.

Hechos 24:16

Txãasath Dxus dxi'pte vxite' piçthẽ'jwe'sx dxi'ptewa yuuwemée fxi'zewa'ja's pa'pçxu'.

1 Timoteo 6:20

Timoteo, idxna neewe'weni's mpa'yajkx. We'weni kĩhwa seelpimeesatxi' wẽse'jnu, sa' Dxus yuwete jxthaakwe jiisatha'w jĩna weeçxsatxwa nwẽese'jnu.

Tito 1:14

judiuwe'sx ĩsxiina kwentu'jni's nwẽese'jmeetxna, sa' Dxus tasxuh txuteeçxa fxi'zesa jxkaahnitxwa nwẽese'jmeetxna.

2 Timoteo 3:12

Aça' maawa Kristo Jesusa's selpiiya' utxasa' pkxuuni yuutxna.

1 Timoteo 3:16

Kwe'sx ewte neeyũuwa'ja's kim yuhwa jiyunimeek ũsu' txã'sa' Dxusa' kaavxya'ja'kh txã' na'wẽ seena' walasa': Dxusa' nasaa kakwe yakhku vxyaa, Sa' Dxus Espiritu we'weçxa': Txã' kĩh pkal yuhwa ji'phmeesa' jĩnik yuu. Aça' Dxus angeleswe'sxwa uyniisak yuu. Sa' mtee mteewa jxuka pta'sxni yuute', Naa kiwete msuuwe'sxwa maaíi yu' txãawe'sx ũuste jxpa'gatx. Txajũ' cielute ki' jxpa'ganik yuu.

1 Timoteo 2:10

Athnisawa jwee pa'gasa iijxũmeeçxawa, Dxus yakh ew fxi'zeniçxáa wejx ewsa', txãa yakhçxáa fxi'zesayã'ja'.

1 Timoteo 1:9

Ew yũuna fxi'zesatxi' Dxus jxkaahni leya' thegwa'j ji'phme'. Dxus jxkaahni leya' na'wẽsaçxáatx thegwa'j ji'pha': Dxusna açesa, Dxusna nwẽese'jsamée, ewmeesa, pkalsawe'sx, Dxusna ũukhsamée, Dxus yuwe'swa weeçxsa, neywe'sxtxi ikhsa meeçxawa nasa ma'wẽsatxwa ikhsa,

1 Timoteo 4:8

Txã'wẽme' kakwe çxhãçxhawa'jçxá's pa'pçxute', jwee yu' selpi'çme'. Nawa Dxus yakh fxi'zewa'ja's çxhãçxha pa'pçxunisak wejx jxthaakwe selpi'. Txã'wẽsa' naa kiwete ew fxi'zewa'thek selpi', sa' cielutewa selpiwa'jsaíiçxá'.

1 Timoteo 6:3

Maaíi yu' kwe'sxtxi jxpe'jsa Jesukristo kaapiya'jni'smée, fxiy wáa pta'sxina kwe'sx kaapiya'jni'swamée,

1 Timoteo 6:5

puiiwa'j pçuwa'jmeek kaseje', txã'wẽ nasa Dxusa's jiimeesawe'sx yakh. Sa' ewmée kaapiya'jsawe'sxa' Dxus yakh fxi'zeni jĩnisa' vxyuu knaynisana sũju'tx. Txã'wẽsa yakha' pkhaakhenu.

2 Timoteo 3:5

Dxusa's yaakxsa na'wẽ yuh yuuna fxi'zetxna, nawa isa ũuste yu' Dxusa's ji'phmée yuutxna. Nasa txã'wẽsatx mpa'yajkx.