1 Pedro 2:7 - Páez

⁷ I'kwe'sx ew jiyusa yakh yu' txãa kweta' iiméh wala ewsa'. Nawa jiyusamée yakha' na'wẽçxáak ya'yu' txã'wẽ yũuni's Dxus librute na'wẽk we'we': Yat txaahsawe'sxa' kweta's ahçeçxa wãatãhtewa, E'suyã'ja' txãaíik thaakwe ewsa yuuna pa'j jĩ'k.

1 Pedro 2:7 Referans Kwoze

San Mateo 21:42

Aça' Jesusa' na'wẽk we'we: —I'kwe'sxa' ¿bagaçxte yuhwa iilẽeymeewá'kwe Dxus librute na'jĩna fxi'jni's? Yat txaahsawe'sxa': Naa kweta's selpime' jĩçxa wãatahtx. Nawa txãa íik yat makwesanawa çxhãçxha neewewa'jsa yuuna pa'j. Txã'wẽ neewewa'jsa yuuna pa'jwa'ja's Dxusku vxitçxa nvxiht. Txãa pa'ga kwe'sx yakha' wala weçxa yuja' ¿jĩ'çmeena'?

1 Pedro 2:8

Vxite ajkhẽ' txãa kweta'síi we'weçxa': Kweta' kxu'çxafxi'jçxa pẽtxsaçxá' jĩ'k. Dxus yuwe's pta'sxtewa, txãawe'sxa' kxtey nwẽese'jsame' jxpubasaata', jiyuwa'jsamée ne'ta yu' naa pa'ga.

1 Pedro 1:8

I'kwe'sx yafxju yu' Jesukristo's uymeeçxawa, peeygãhçxa nwẽese'je'i'kwe, sa' uymeeçxawa txã'sna yajkxçxa iiméh seena' wala ũuste weçxweçxa yaaki'i'kwe. Txã'wẽ ũuste iiméh seena' wala zhiçxkwe wẽtwẽt yaakxni's pta'sxya' ya'ãja'çme'.

Hebreos 11:31

Rahabwa Dxusa' nwe'weyujuna sũhwa'ja's ũuste ew jiiçxa, Israelwe'sx e'zsa kxtee peethegu'jya' pa'jsatx ewku jxpa'ga. Txãa pa'gak uumée, Dxusa's nwẽese'jsameewe'sx vxite yu' uutewa.

Hebreos 4:11

Txãasa Dxus yakh jxkaasewa'the u'kaya' pa'pçxuwa'j ji'ptha'w, Dxus we'weni's nwẽese'jmeeta' txãawe'sx na'wẽ yũumée.

Tito 3:3

Nyafxiia' kwe'sxwa Dxusa's jiimeeçxa' nwẽese'jsamée jxpubana naa kiwete ewmeesaçxá's pa'pçxuna puutx ewmeeçxáa yajkxna puutx yahçenaçxáa fxi'zesatha'w yu', seena' kazxsa.

Colosenses 2:10

Aça' i'kwe'sxa' txã'sna ũuste jxpa'ganijũ' Kristo yakh teeçxçxáa i'kwe yuuna pa'ja'. Txãa pa'ga jwee yu' vxite yu' kĩhwa peejxmée yã'ji'kwe, txãa pa'gatey Kristoçxaçxáa jxuka jxkaahsa' naa kiwetewe'sx vxite' ẽe walasu ewmeesa ũstxna txãa yã'jçxa.

2 Corintios 2:16

Txã'wẽ yã'the', ¿kim txã'wẽ Dxus yuwe's kaajiyu'jya' u'jwa'jsa ũstxki? Vxituwa'jsa yakh yu', Dxus yakh fxi'zeni' wala yuh ewmée theguna, naapkaçxha' ewte neeyũuwa'jsa yakha' iiméh seena' zhiçxkwesa yuuna.

Romanos 15:31

Judea kiwete açesa ũsta' txãawe'sx adxna kĩhwa ewmée yũukahmén Dxusa's mpi'kxwe, sa' Jerusalente yakhthẽ'jwe'sxtxi pu'çxwa'j jxũna u'jweçthu txã'snawa weçxana jxpa'gakahn,

Romanos 10:21

Nawa Israelwe'sxtxi we'weçxa' na'jĩ'k Dxus librute: Adxa' pa'yana nesthu yu' nasa wa'lsatx jĩ'k.

Hechos 26:19

Agripa, idxa'sthu pta'sxi': Txã'wẽ vxyaaçxa we'weni's wa'lmée kxtey nwẽese'jçxa

San Juan 4:42

Sa' txãa u'ya's na'wẽtx we'we: —I'kwe pta'sxniçxá's jiyumée, kwe'sx yuutha'w txajx we'weni's wẽse'jçxa jiyu Dxus tasxu yuusa Kristotewa, maatxwa jxuka nwe'wesa.

San Lucas 20:17

Txã'wẽ paste', Jesusa' txãawe'sx dxi'psu thegçxa na'wẽk pta'sx: —Txã'wẽ yuune'jmeete', ¿kĩjxa'çxáaki'k Dxus librute na'wẽ we'we'?: Yat txaahsawe'sxa': Naa kweta' selpime' jĩçxa wãatãhtx, Nawa txãa íik yat makwesanawa çxhãçxha neewewa'jsa yuuna pa'j.

San Lucas 2:32

Txãaíi Israel nasa meetxwa eena' kweethwa'jsa' na' Israelwe'sx yuutxi' jweeíiçxáa weçxweçxa kaayaki'jwa'jsa' jĩ'k.

San Lucas 2:34

Aça' Simeona' bedekĩyçxa', Jesus njĩ'j Maria's pta'sxku: —Mwẽesẽ'çx, naa luuçxkuẽ' Israelwe'sxtxi wala kçxhãaçxha'jwa'jsa' nawa txã'sna jiyusamée yu' wala jxpubawa'jsata'. Mpa'yajkxwe wakx txã'sa' wala açetxna.

1 Pedro 2:4

Kwe'sxtxi jxpe'jsa tasxte mutxaawe. Txã' kwet ĩtxisa na'wẽsa'. Txã'sa' naa kiwete nasa' ahçetx, nawa txãaíik kwet jxthaakwe ewsa Dxus txhitxhnisa yu'.