1 Pedro 2:4 - Páez

⁴ Kwe'sxtxi jxpe'jsa tasxte mutxaawe. Txã' kwet ĩtxisa na'wẽsa'. Txã'sa' naa kiwete nasa' ahçetx, nawa txãaíik kwet jxthaakwe ewsa Dxus txhitxhnisa yu'.

1 Pedro 2:4 Referans Kwoze

1 Pedro 2:7

I'kwe'sx ew jiyusa yakh yu' txãa kweta' iiméh wala ewsa'. Nawa jiyusamée yakha' na'wẽçxáak ya'yu' txã'wẽ yũuni's Dxus librute na'wẽk we'we': Yat txaahsawe'sxa' kweta's ahçeçxa wãatãhtewa, E'suyã'ja' txãaíik thaakwe ewsa yuuna pa'j jĩ'k.

Colosenses 3:4

Sa' i'kwe'sxtxi ĩtxi kaafxi'ze'jsa Kristo vxyaate', i'kwe'sxwa txãa ma'wẽsate' txã'wẽysa yuuçxa txãa yakh ih ũsya' u'jwene'kwe.

2 Pedro 1:4

Txã'wẽ Dxusa' kĩhte yuhwa sxiigmée pu'çxwa'ja's ji'phçxa íiçxáak kwe'sxtxi's nwe'weya' puutx we'we. Txã'wẽ yũute', i'kwe'sxa' naa kiwete jxuka ewmeesa kazx yajkxna fxi'zenijũ txuteeçxa, txãa ma'wẽsate' txãa na'wẽysa íiçxáa yuuna pa'khanku txã'wẽ yũu.

2 Pedro 1:1

Jesukristo's selpisáa Simon Pedro yaaseth, txajx jxkaahnisa. Txãasa naa karta's fxi'jaçthu, i'kwe'sxwa kwe'sx na'wẽyçxáa i'kwe Dxusa's yaakxwa'ja's ji'phu naa pa'ga. Txã'wẽ yuukahníi kwe'sxtxi nwe'wesa Jesukristo nwe'wek.

1 Pedro 1:19

Naasáa Jesukristo ee yakh yuuçxáak dukhnisa yuu. Txã' piisxakuẽ kĩhte yuhwa ãça'meesa ewsa's ikhçxa pkaltxi yaateya' kabnisa na'wẽk yuu.

1 Pedro 1:7

Txãa pa'gatey nxuswa'j en thẽysa pa'ja'tx txã' Dxusa's jxpubamée jwee íiçxáa çxhãçxha yaakxwa'ja's pheu'jsata', vxyuu beja'swa ew zhiçxkwe neeyũukahn ma'wẽga ipxte kabçxa ya'pheu'ju' txã'wẽy. Aça' makwe thẽysa nxuswa'j en pa'thewa Dxusa's jxpubamée yaakxni's ivxiitusame' vxyuu beh pçusaate jxthaakwe pa'gasa yuuna. Txã'wẽ yũusa' isa weçxana jxtuhthesa yuune'kwe naa kiwete Jesukristo kĩi ente'.

Romanos 5:10

Txãa pa'gatey kwe'sxa' Dxusa's açesateyuhwa, txãa yakh fxi'zewa'ja's vxitku Kristo's uuwa'j vxitçxa, na' ãçxh yu' Kristo uupa'ga yuuwemeesatha'w na' wejx nwe'wenisa yu'nja'w.

San Juan 14:19

Naajũ' txaçxmeynaçxáa nasa' adxa's peena yu' uymeetxna. Nawa adxa' uuwa'jsameeth, txãa pa'ga i'kwe'sxwa uuwa'jsameei'kwe, txãasa i'kwe'sx yu' adxa's uyuune'kwe.

San Juan 14:6

Jesusa' pta'sxku dxi'ja's: —Adx yuuçxáa Dxus tasxte kaapa'ja'jwa'jsath, sa' adx yuuçxáa kaypuba'jwa'jsameeth, sa' adx yuuçxáa ĩtxi kaafxi'ze'jwa'jsath. Aça' adxpa'ga yuuçxáa maawa adx Tata tasxte pa'jya' ãjatxna.

San Juan 6:57

Tata' adxna kaakh txã' ĩtxĩsa'. Txãa pa'ga adxwa ĩtxĩsath. Aça' adxwa Tata yakh ma'wẽ ĩtxĩsatka'w, txã'wẽy ĩtxĩ fxi'zewa'ja's ji'phutxna maawa adx kakwe's ũ'sa'.

San Juan 6:37

Makwe i'kwe'sx yu' adxa's jxpa'gameetewa, adx jxpe'khan Adx Tata dukhnisawe'sx yu' jxukaysa adx tasxteçxaçxáa pa'jatxna. Aça' maawa adx tasxte pa'jsatxi' ahçemée weçxana jxpa'ga'nja.

San Juan 5:40

Makwe txã'wẽçxawa, i'kwe'sxa' adx tasxte utxa'çmeei'kwe ĩtxi fxi'zewa'ja's ji'phuya'.

San Juan 5:26

Txãa pa'gatey adx Tata' ĩtxĩ vxit-ya' ãjãwa'ja's ji'pha', sa' adxnawa ũsku txã'wẽ ĩtxi vxit-ya' ãjãwa'ja's.

San Mateo 21:42

Aça' Jesusa' na'wẽk we'we: —I'kwe'sxa' ¿bagaçxte yuhwa iilẽeymeewá'kwe Dxus librute na'jĩna fxi'jni's? Yat txaahsawe'sxa': Naa kweta's selpime' jĩçxa wãatahtx. Nawa txãa íik yat makwesanawa çxhãçxha neewewa'jsa yuuna pa'j. Txã'wẽ neewewa'jsa yuuna pa'jwa'ja's Dxusku vxitçxa nvxiht. Txãa pa'ga kwe'sx yakha' wala weçxa yuja' ¿jĩ'çmeena'?

San Mateo 12:18

Adxna selpiwa'jsa naa piçthẽ'ja'sthu txhitxh. Txãasa peeygãhna weçxana ũsthu, Sa' adx Espiritu's ũsu'nja, Aça' adx ew yũuwa'ja's pta'sxina maa nasatxwa jxuka.

San Mateo 11:28

Maawa ũuste wẽtmée wahtxna fxi'zesa' adx tasxte myuhwe jxukaysa, aça' adxa' weçxana thẽymée fxi'zewa'ja's ũsu'nja.

1 Corintios 3:11

Yat txaahwa'ja's takhna kaaçxida'jni ũsyã'ja' txã' Jesukristo', aça' kim yuhwa vxite fxiy kaaçxida'jwa'j ji'phmeeta'.